ЯҢАЛЫКЛАР
Татарстанның Икътисад министрлыгы үз коллегиясен Сәнәгать һәм сәүдә министрлыгы белән берлектә уздырды. Чара икътисади яктан шактый катлаулы булган 2015 елга нәтиҗәләр ясауга багышланды. Киңәшмәдә катнашучылар арасында Татарстан Президенты Рөстәм Миңнехановтан тыш Дәүләт киңәшчесе Минтимер Шәймиев, Дәүләт Советы рәисе Фәрит Мөхәммәтшин һәм федераль үзәктән дә шактый гына җитәкчеләр булуы исә җыелышның ни дәрәҗәдә әһәмиятле булуын ассызыклап күрсәтә торгандыр.
Кояшлы февральнең ял көне Зәйлеләрне урамга чакыра. Анда яшьләр эшләре идарәсе хезмәткәрләре көче белән әзерләнгән “Кышкы уеннар” чарасы уздырылды. Зәйләр өчен кызыклы уеннар, бәйгеләр, ярышлар әзерләнгән иде. Барлык теләүчеләр чарада катнаша алды.
Кичә Зәйнең 7нче мәктәбендә “КЭС-Баскет” мәктәп баскетбол лигасының республика чемпионаты финал уеннарын ябу тантанасы үтте. Тантанада район башлыгы Разиф Кәримов, республика мәгариф һәм фән министры урынбасары Лариса Сулима, танылган баскетболчы, Олимпия чемпионы Светлана Антипова яшь спортчыларга уңышлар теләделәр, чемпионатта иң-иңнәр җиңүен билгеләп үттеләр.
-6 февраль көнне Мамадыш шәһәрендә Анатолий Тарасов исемендәге Бөтенроссия “Алтын алка” турнирының финалы Мамадыш шәһәрендә үтте. Анда Зәйдән “Яшьлек” командасы чыгыш ясады һәм 3 урынны яулады.
Зәйдә шаяннар һәм тапкырлар клубының традицион уеннары булып үтте. Анда 5 команда катнашты. Уеннарның программасына: визитка, өйгә эш һәм разминка керде. Катнашучылар шаян һәм тапкырлык күрсәтеп тамашачыларның ихтибарын җәлеп иттеләр.
2-7 февраль көнне “Ялта-Зәй” спорт үзәгендә 1998-1999 елда туган яшүсмерләр арасында Идел буе Федераль округы беренчелегенә чаңгы ярышлары булып үтте. Анда Татарстан җыелма командасы сотавында Зәйдән Дмитрий Бортных катнашты. Татарстан командасы гомуми зачетта 3 урынны алды.
6 февраль көнне в Дурт Мунча авыл клубында Галиәскәр Камалның 110 еллыгына багышланган “Бүләк өчен” спектакле куелды. Драматургның иҗатына, тормыш юлына багышланган китап күргәзмәсе булды.
Бүген Зәй “ТЕХНО” заводында үткән елга йомгак ясау, киләчәккә планнар белән таныштыру максатында хисап җыелышы узды. Аның эшендә район башлыгы Разиф Кәримов катнашып, завод коллективын районда үткән ел башкарылган эшләр һәм агымдагысына планлаштырылган чаралар белән таныштырды.
Иҗади кешеләр үзләренчә һәркемгә дәрт һәм матурлык өләшүчеләр. 4 февральдә туган якны өйрәнү музеенда шундый иҗат җимешләреннән күргәзмә оештырылды. Күргәзмәгә 34 эш куелды. Алар Татарстан республикасының рәссамнар Союзы әгзалары Виктор Хрулев, Владимир Наймушин, Сергей Цыганов, Сергей Дмитриев, Владимир Панов хезмәтләреннән төзелгән иде.
Минималь хезмәт хакы 6204 рубля 2016 елның 1 январеннан 376 Федераль Закон нигезендә минималь хезмәт хакы 6204 сум тәшкил итә. Татарстанда Хезмәт кодексының 133.1 ст. нигезендә 2015 елның 2 октябреннән Татарстан профсоюзлар Федерациясе, Татарстан хезмщт белән тәэмин итү буенча Координацион Совет берләшмәсе һәм Татарстан Министрлар кабинеты минималь хезмәт хакы буенча килешү төзеделәр.