ЯҢАЛЫКЛАР
Бүген Зәйдә максус бурычы булган хәрби частьта хезмәт итүчеләр көнен билгеләп үттеләр. Билгесез солдат һәйкәле янында әлеге хәрби частьта хезмәт иткән запастагы солдатлар, командирлар һәм ветераннар җыелган иде. Алар һәйкәлгә чәчәк куйдылар һәм митингта катнаштылар.
29 августта шәһәр мәдәният йортында Мирный бистәсендәге балалар арасында “Безнең республикабыз” исемле рәсем бәйгесе үтте. Анда Татарстан тарихы турында һәм аның автономиясе турында сөйләделәр
Укытучыларның август конференциясе кыссаларныда 29 августта, 2 мәктәп бинасында җәмгыять белеме һәм тарихчыларның утырышы үтте. Анда Киләчәк уку елына планнар һәм актуаль мәсьәләләр каралды.
29 август көнне Зәй районыннан Валеевлар Раиф Гомәр улы һәм Нәсимә Сагир кызы Татарстан Республикасы Президенты һәм аның тормыш иптәше оештырган тантаналы кабул итүдә катнаштылар. Валеевлар гаиләсе районда бик зур хөрмәткә лаек
26 август көнне Мирный бистәсе “Урман дөньясы” музеенда тирә як мөхитне саклауга багышланган викторина булып үтте. Аны шәһәр мәдәният йорты хезмәткәрләре “Әкият” клуб яны лагерына йөрүчеләр белән оештырды.
28 август көнне Якты Күл авыл җирлегенең Утяшкино авылында яшәп гомер итүче, хезмәт ветераны Храмова Мария Михайловнага 90 яшь тулды. Аны гомер бәйрәме белән котларга район башлыгы урынбасары Валерий Акатьев, авыл җирлеге вәкилләре һәм район мәдәният йорты автоклубы хезмәткәрләре килде.
Берничә минуттан шәһәр оешмалары, предприятиеләр катнашында оештырылган карнавал башланачак. Ул Нефтьчеләр проспекты буенча Ленин урамына төшәчәк, аннан Крупская, Энергетиклар урамнары буйлап үзәк мәйданга кадәр дәвам итәчәк.
Р.Ш. Фәрдиев исемендәге паркта борынгы һәм автор җырларыннан төзелгән җыр фестивале дәвам итә. Ул “Ничек яхшы – без җыелган җирдә” дип атала. Анда төрле музыка коралларында уйнап җыр сузучылар җыелган.
“Энергетик” мәдәният сарае мәйданында бер бәйрәм чарасы икенчесен алыштыра. Әле генә шәһәр бию түгәрәгендә йөрүчеләрнең һәм аның җитәкчеләре арасынада “Балетка йөрергә телим” дигән бәйге булып үтте
Бүген шәһәр көнен оештыручылар һәр йортка һәм ишек алдына бәйрәм авазларын ишеттерергә уйлаганнар. Инде көндезге сәгать уннан Җиңү Проспекты 1/07; 24; 26; 28; 1/18; 1/14, Жукова урамы -9, Крупская урамы -8а ишек алларында музыка яңгырап торды