ЯҢАЛЫКЛАР

Зәй шәһәренең халык мәшгульлеге үзәге директоры урынбасары Ләйсән Хафизова һәм хезмәт белән тәэмин итү һәм махсус программалар бүлеге белгече Эльвира Степанова 14-15 декабрь көннәрендә Яр Чаллыда узган “Территория успеха” дип исемләнгән шәһәр яшьләр һөнәри юнәлеш форумында катнашты. Алар берничә секция һәм мастер-классларда булды. Аерым алганда, “Киләчәккә караш” проект сессиясе эшендә, WorldSkills компетенцияләре буенча оештырылган дәресләрдә һәм, хезмәттәшләре тәҗрибәсе белән танышу максатыннан, Яр Чаллы шәһәренең халык мәшгульлеге үзәге оештырган чарада катнашты. Форум кысаларында Зәй мәшгульлек үзәге вәкилләре алга таба хезмәттәшлек итү өчен оештыручылар белән элемтә урнаштырды.

Агымдагы елның 10-28 ноябрендә район һәм шәһәрдә «“Туган авыл җырлый” хор коллективлары һәм ансамбльләре фестиваль - конкурсы узды. Конкурста 34 коллектив, 550 кеше катнашты. 14 декабрь көнне «Энергетик " мәдәният йорты сәхнәсендә фестивальнең гала-концерты булып узды, анда конкурсның иң яхшы коллективлары катнашты, фестиваль җиңүчеләре дипломнар һәм сертификатлар белән бүләкләнде: Югары Мәлем мәдәният йорты «I дәрәҗә диплом», Аксар авыл мәдәният йорты “II дәрәҗә диплом”, Сарсаз - Баграж авылы мәдәният йорты һәм Түбән Биш авылы мәдәният йорты «III дәрәҗә диплом”га ия булдылар. Номинацияләр буенча: «Иң яхшы хор» -Югары Мәлем авылы мәдәният йорты, «Иң яхшы вокаль ансамбль» - Иске Маврин авылы һәм Кармалы авылы клублары, «Иң яхшы балалар вокаль ансамбле” (“Бишкәй”)- Түбән- Биш авылы мәдәният йорты, («Сандугач”)- Сарсаз-Баграж авылы мәдәният йорты, «Иң яхшы фольклор ансамбле” ( “Палан”)- Гүлкин авылы мәдәният йорты, (« Җәүһәр”) -Имәнлебаш мәдәният йорты, “Иң яхшы гаилә ансамбле» ( Сәгыйдуллиннар гаилә ансамбле)- Бура-Киртә авылы мәдәният йорты, “Иң яхшы инструменталь ансамбль» (“Юлдаш")-Түбән- Биш авылы мәдәният йорты.

2018 елның 16 декабрендә спорт-сәламәтләндерү комплексында "Зәй балалар һәм яшүсмерләр спорт мәктәбе" беренчелегенә грек-рим көрәше буенча ярышлар узды. Урыннар түбәндәгечә бүленде: 1 урын - Минһаҗев Салават, 2 урын - Хисмәтов Булат, 3 урын - Гәрифуллин Әхмәт һәм Нуруллин Госман. 29 кг авырлык категориясендә: 1 урын - Спирин Глеб, 2 урын-Гладков Денис, 3 урын - Аксаков Дмитрий һәм Сөләйманов Гадел. 32 кг авырлык категориясендә: 1 урын-Кубилин Дмитрий, 2 урын-Романов Герман, 3 урын-Бывальцев Роман һәм Шакиров Кирилл. 35 кг авырлык категориясендә: 1 урын-Маврин Тимур, 2 урын - Талибуллин Марат, 3 урын - Денисов Ян һәм Зәйнуллин Тимур. 36 кг авырлык категориясендә: 1 урын - Исломов Руслан, 2 урын-Чурбанов Максим, 3 урын - Латыйпов Антон һәм Садриев Денис. 44 кг авырлык категориясендә: 1 урын - Хисамиев Илдар, 2 урын - Вәлиәхмәтов Әмир, 3 урын - Волков Вениамин һәм Мортазин Әнвәр. 48 кг авырлык категориясендә: 1 урын - Пирогов Данил, 2 урын-Гудошников Данил, 3 урын - Вяльшин Артур һәм Борһанов Дилияр. 50 кг авырлык категориясендә: 1 урын - Дунаев Андрей, 2 урын-Петров Александр, 3 урын - Бакеев Иван һәм Байрашев Оскар. 68 кг авырлык категориясендә: 1 урын - Зотов Иван, 2 урын-Корнилов Виктор, 3 урын - Козлов Дмитрий һәм Храмов Григорий. 85 кг авырлык категориясендә: 1 урын - Исломов Рөстәм, 2 урын-Сюсарев Аким, 3 урын - Каргин Андрей һәм Брецов Данил.

15 декабрь көнне «Зәй спорт-сәламәтләндерү комплексы”нда көрәш буенча яңа елга багышланган район беренчелеге булып узды. Нәтиҗәләр: 2003-2004 елда туганнар арасында, 45 кг. га кадәрле авырлык категориясендә: 1 урын-Фирстов Данил (Поручик), 2 урын-Уразманов Булат (Бигеш), 3 урын - Рахманов Динар (Бигеш). 50 кг. авырлык категориясендә: 1 урын - Арсланов Нияз (Бигеш), 2 урын-Петров Никита (Сәвәләй), 3 урын - Пирогов Данил (5 нче мәктәп). 55 кг. авырлык категориясендә: 1 урын-Зарипов Александр (Сәвәләй), 2 урын-Камалиев Инсаф ( Аксар), 3 урын-Самилкин Евгений. 65 кг. авырлык категориясендә: 1 урын-Идиатуллин Рафаил ( Бигеш), 2 урын - Максимов Рөстәм (Сәвәләй), 3 урын - Долгополов Антон (Сәвәләй). 70 кг. авырлык категориясендә: 1 урын-Гыйниятуллин Әлмир (Сармашбаш), 2 урын-Зиннатов Салават (Аксар). 70 кг. нан артык авырлык категориясендә: 1 урын - Уразайкин Алексей (Сармашбаш), 2 урын - Аксаков Илнар ( Сәвәләй), 3 урын - Гыйбадуллин Алмаз ( Поручик). 2005-2006 елларда туганнар арасында, 35 кг. авырлык категориясендә: 1 урын - Ибраһимов Шамил (Бигеш), 2 урын - Латыйпов Илдар ( Бигеш), 3 урын - Зарифуллин Илдар (Бигеш). 40 кг. авырлык категориясендә: 1 урын - Гыйззатуллин Динар (Бигеш), 2 урын - Емельянов Валерий ( Бигеш), 3 урын - Баязитов Сергей (Аксар). 45 кг. авырлык категориясендә: 1 урын - Мельников Эльвир (Поручик), 2 урын - Нуруллин Реназ ( Сармашбаш). 50 кг. авырлык категориясендә: 1 урын-Талыйпов Алмаз ( Бигеш), 2 урын - Аверьянов Виталий (Бигеш), 3 урын - Москов Булат ( Сәвәләй). 50 кг. нан артык авырлык категориясендә: 1 урын – Антонов Юлиан (Бигеш), 2 урын-Хантимеров Руслан ( Бигеш), 3 урын-Степанов Александр (Бигеш). 2007 елгы һәм алардан кечерәкләр арасында, 35 кг. авырлык категориясендә: 1 урын - Тучин Руслан ( Мәлем), 2 урын-Милочкин Никита ( Поручик), 3 урын-Масленкин Алексей ( Бигеш). 28 кг. авырлык категориясендә: 1 урын - Кәлимуллин Кәрим ( Сармашбаш), 2 урын - Чернов Данил ( Сәвәләй), 3 урын - Слепцов Илья (Сәвәләй). 25 кг. авырлык категориясендә 1 урын – Сәйфуллин Азамат (Мәлем), 2 урын - Баязитов Дмитрий (Аксар), 3 урын – Хәбриев Айбулат (Сармашбаш). 45 кг. нан артык авырлык категориясендә: 1 урын – Фәхретдинов Илдус ( Мәлем), 2 урын – Шәйдуллин Илназ ( Бигеш), 3 урын - Исаков Глеб (Поручик).

Бүген яңа шәһәрнең урман массивында яктыртылган трассада чаңгы сезонын ачуга багышланган ярышлар узды. Ярышларда чаңгы спорты ветераннары, Олимпия чемпионы Федор Симашев исемендәге балалар һәм яшүсмерләр спорт мәктәбендә тәрбияләнүчеләр, шәһәр мәктәпләре һәм татар гимназиясе, Зәй политехника көллияте, шәһәр һәм район предприятиеләре һәм авыл җирлекләре командалары катнашты. Бәйрәмдә катнашучыларны район Башкарма комитеты җитәкчесе Илнар Хафизов сәламләде. Үзенең чыгышында ул чаңгы спортының файдасы турында сөйләде: «Әйләнә-тирәдәге кышкы ландшафттан ләззәт алу үзе үк сәламәтлеккә уңай йогынты ясый, иммунитет ныгый бара, йөрәк яхшырак эшли башлый, мускуллар ныгый, артык авырлык китә», - диде ул һәм барлык катнашучыларга яхшы кәеф, чаңгы юлында уңышлар теләде. Җиңүчеләр һәм призерлар физик культура, спорт һәм туризм идарәсенең грамоталары һәм медальләре белән бүләкләнделәр. Әлеге чара Мәдәният идарәсе, Мәгариф идарәсе, Яшьләр эшләре идарәсе һәм Зәй муниципаль районы Башкарма комитетының Физик культура, спорт һәм туризм идарәсе белән берлектә оештырылды.

19 нчы декабрьдә 16.00 сәгатьтә хакимиятнең кече залында (Зәй шәһәре, Крупской урамы, 6 нчы йорт адресы буенча) «Татарстан Республикасы Зәй муниципаль районы Уставына үзгәрешләр кертү турында» карар проекты буенча ачык тыңлаулар булачак.

Бүген хакимияттә С. А. Хватков рәислегендә мәдәният һәм мәгариф өлкәсендә хезмәт күрсәтү шартларының сыйфатына бәйсез бәя бирү буенча, иҗтимагый совет утырышы узды. Утырыш эшендә муниципаль район Советы һәм Башкарма комитетының җаваплы хезмәткәрләре, мәгариф һәм мәдәният учреждениеләре җитәкчеләре, массакүләм мәгълүмат чаралары вәкилләре катнашты. 2018 елда бәйсез бәяләүдә 47 белем бирү оешмасы-10 төп мәктәп, 12 урта мәктәп, 2 өстәмә белем бирү учреждениесе, 23 мәктәпкәчә белем бирү учреждениесе катнашты. Иң күп балларны Сарсаз-Багряж, Бохарай, 2,4,7,6 нчы мәктәпләр, Түбән- Биш мәктәбе, Р. Ш. Фәрдиев исемендәге татар гимназиясе, балалар сәнгать мәктәбе һәм мәктәпкәчә учреждениеләр: «Аленка», «Уймак кыз», «Бөртек», «Энҗе», «Кояшкай» алды. Зәй муниципаль районында, мәдәният өлкәсендә хезмәт күрсәтү шартларының сыйфатына бәйсез бәя бирү, районның алты мәдәният учреждениесе буенча үткәрелде. Район мәдәният йорты муниципаль бюджет учреждениеләренең баллар саны буенча оешма рейтингы түбәндәгечә төзелгән: "Үзәкләштерелгән китапханәләр системасы" муниципаль бюджет учреждениесе, “Зәй балалар музыка мәктәбе", "Энергетик" мәдәният йорты”, "Зәй туган якны өйрәнү музее” муниципаль бюджет учреждениясе, кино бюджет учреждениесе, район мәдәният йорты муниципаль бюджет учреждениясе.

«PROFF-навигатор» һөнәри юнәлеш проекты кысаларында, мәшгульлек үзәге 8 нче сыйныф укучылары өчен, Зәй шәһәре предприятиеләренә экскурсияләр циклын төгәлләде. 6 предприятиегә барлыгы 24 экскурсия оештырылды: “Татэнерго” АҖ филиалы – Зәй ГРЭСы, “Зәй икмәге” ҖЧШ, “ТатЭК” ҖЧШ, “Зәй крекеры” “Кондитер фабрикасы” ҖЧШ, “Аккурайд Уилз Руссиа”, “Нива” ҖЧШендә 428 укучы экскурсиядә булды. Экскурсияләр укучылар арасында эшче һәм инженер һөнәрләренең абруен күтәрү максатыннан оештырылды. Предприятиеләргә экскурсия оештырылганнан соң укучылар мәшгульлек үзәгендә булып, профконсультант Эльвира Степанова алар белән булачак профессияләрен билгеләү буенча тестлаштыру уздырды. Моннан тыш, укучыларга хезмәт базарында ихтыяҗ зур булган һөнәрләр турында мәгълүмат бирелде. Очрашу ахырында киләчәктә ихтыяҗ зур булачак һөнәрләр турында фильм күрсәтелде.

Бүген Зәй-2 яшьләр үзәгендә муниципаль район башлыгы Р.Г.Кәримов рәислегендә хокук бозуларны профилактикалау буенча ведомствоара комиссия утырышы узды. Утырышның көн тәртибенә 4 мәсьәлә кертелгән иде. Көн тәртибенә куелган мәсьәләләр буенча Россия Эчке эшләр министрлыгының Зәй районы буенча бүлеге башлыгы А.Н.Фәсхетдинов, Татарстан Республикасы Хезмәт, халыкны эш белән тәэмин итү һәм социаль яклау министрлыгының Зәй муниципаль районындагы социаль яклау бүлеге башлыгы Э.Г.Хуҗина, Татарстан Республикасы Зәй муниципаль районы Башкарма комитетының яшьләр эшләре буенча идарәсе башлыгы Л.Г.Федотова чыгыш ясады. Зәй муниципаль районында хокук бозуларны профилактикалау буенча ведомствоара комиссия утырышына аның рәисе Р.Г.Кәримов нәтиҗә ясады.

Бүген Зәй-2 яшьләр үзәгендә наркотикларга каршы көрәш комиссиясе утырышы узды. 2018 елда территориядә наркотикларның законсыз әйләнешенә каршы тору һәм аның нәтиҗәлелеген арттыру чаралары, "Үлем белән кайда сату итәләр?”, шул турыда хәбәр ит акциясен үткәрү нәтиҗәләре турында, Россия Эчке эшләр министрлыгының Зәй районы буенча бүлеге башлыгы А. Н. Фәсхетдинов җиткерде. Мәгариф оешмаларында наркоманияне профилактикалау эшен оештыру турында мәгариф идарәсенең мәгълүмати-методик тәэмин итү бүлеге башлыгы М.К.Вәлиәхмәтова сөйләде. Наркология кабинеты эшенә психиатр-нарколог, табиб И. Ф. Сәлихов анализ ясады. Зәй муниципаль районында наркотикларга каршы көрәш комиссиясенең 2019 елга эш планы белән Татарстан Республикасы Зәй муниципаль районы Башкарма комитетының яшьләр эшләре буенча идарәсе башлыгы Л. Г. Федотова таныштырды. Утырышка наркотикларга каршы көрәш комиссия рәисе Р.Г.Кәримов йомгак ясады.