ЯҢАЛЫКЛАР

13 апрель көнне спорт-сәламәтләндерү комплексында ирләр командалары арасында «Сәламәтлек-2016» спартакиадасы исәбенә волейбол буенча финал уеннары узды. Уеннар районның авыл җирлекләре арасында үткәрелде. Командалар 3әр төркемгә бүленде: А төркеме: Александр Бистәсе, Сәвәләй, Якты Күл; Б төркеме: Баграж, Бигеш, Аксар. Авыл җирлекләре арасында 1 нче урын-Сәвәләй авыл җирлеге, 2 нче урын – Аксар авыл җирлеге, 3 нче урын-Бигеш авыл җирлеге, 4нче урын Якты Күл авыл җирлеге, 5нче урын Александр Бистәсе авыл җирлеге, 6 нчы урын Баграж авыл җирлеге.

Атна дәвамында спорт-сәламәтләндерү комплексында «Сәламәтлек – 2019» спартакиадасы исәбенә предприятие, оешма һәм учреждениеләрнең ир-ат командалары арасында волейбол буенча шәһәр беренчелеге узды: 9 апрельдә: мәгариф идарәсе – ТЕХНО 2: 0, ДИНАМО-Үзәк район хастаханәсе 2: 0; 10 апрельдә: ДИНАМО-Тамерлан 2:0, ГРЭС – Аккурайд 2:0  исәбенә уйнадылар. 11 апрельдә Аккурайд – Тамерлан һәм ГРЭС-ДИНАМО командалары арасында 3-4 нче урыннар өчен финал уеннары узды. Нәтиҗәләр буенча урыннар түбәндәгечә бүленде: 1 урын ГРЭС, 2 урын ДИНАМО, 3 урын Аккурат, 4 урын Тамерлан.

13 апрель көнне районда «Тоталь диктант» Бөтенроссия акциясе узды. Әлеге чараның төп максаты-катнашучыларның шәхси белемнәрен, орфографиясен һәм укуларын тикшерү иде. Диктант ирекле һәм анда теләгән һәркем катнаша алды. Текст гади түгел һәм бары акция үткәрү көнендә генә билгеле булды. Акциядә катнашудан Зәй студент отрядлары штабы сугышчылары да читтә калмады. Зәйдә әлеге диктант ике мәйданчыкта оештырылды. Анда барлыгы 50 кеше катнашты. Алар арасында Зәй политехник көллияте студентлары, «Легенда 17» педагогик отряды һәм «Көньяк яр» студентлар сервисы отряды сугышчылары бар иде. Нәтиҗәләрне көтәсе генә калды. Проект отличниклары Казан шәһәрендә бүләкләнәчәк.

15 нче апрельдә сәгать 9.00 дан 16.00 га кадәр вакыт эчендә Татарстан Республикасында Кеше хокуклары буенча вәкаләтле вәкил, Татарстан Республикасында Дәүләт хезмәт инспекциясе, Татарстан Республикасы Һөнәр берлекләре федерациясе, Татарстан Республикасы Адвокатлар палатасы «Хезмәт хокукларын яклау» темасына «Кайнар линия»үткәрә. Гражданнарга тәҗрибәле белгечләрдән хезмәт хокукларын яклауга кагылышлы сораулар буенча 8-843(236-00-71), 8-843(236-89-15), 8-843(236-40-17), 8-843(236-40-62) телефоннары буенча консультация алу мөмкинлеге дә тудырыла.

Бүген район башлыгы Разиф Кәримов күпфатирлы йортларда капиталь ремонт барышы белән танышты. Аларны карау Ленин урамындагы 28, 30 һәм 34 йортлардан башланды. Быел Ленин урамындагы бу йортларда бер үк төрле эшләр планлаштырылган: түбәне ремонтлау һәм фасадны җылыту, балконнарны тышлау, салкын су белән тәэмин итүне төзекләндерү. 2019 елда барлыгы 15 күпфатирлы йортта капиталь ремонт планлаштырылган. Шуларның 12сендә эшләр күптән башланды инде. Бүген район башлыгы Разиф Кәримов, инфраструктура үсеше буенча башкарма комитет җитәкчесе урынбасары Николай Нифатов, подрядчы һәм хезмәт күрсәтүче оешмалар вәкилләре Рафиков урамы, 4 һәм 6, Энергетиклар урамы, 1, Ялчыгол урамы, 1, Тавлин урамы, 32, Яшьлек урамы, 1 нче йорт адреслары буенча капиталь ремонт барышын карап чыктылар. Комиссия шулай ук Мичурин урамы буенча шәһәр мәдәният йорты, Орджоникидзе урамы буенча яшьләр үзәге һәм Толстой урамы буенча урнашкан ветеринария берләшмәсе биналарында баручы капиталь ремонт барышы белән танышты. Карау барышында район башлыгы Разиф Кәримов кайбер күрсәтмәләр ясады һәм расланган эш графигын сакларга, эш урыннарында куркынычсызлык таләпләрен үтәргә кирәклеген искәртте, төзелеш материаллары һәм башкарылган эшләрнең сыйфатына аерым игътибар бирде.

Хөрмәтле зәйлеләр! Сезне 2019 елның 13 апрелендә «Зәй» Агросәнәгать паркы территориясендә беренче тапкыр үткәреләчәк авыл хуҗалыгы ярминкәсенә чакырабыз. Анда «Зәй» Агросәнәгать паркы һәм җирле җитештерүчеләр авыл хуҗалыгы продукциясенең киң ассортиментын тәкъдим итәчәк. Шәһәр халкын ярминкәгә 7:00 дән -12: 00 сәгатьтә кадәр Гагарин урамы, Автовокзал, Яңа шәһәр, Агропарк маршруты буенча түләүсез автобус йөртәчәк. Анда «Энергетик» мәдәният сарае һәм район мәдәният йорты иҗат коллективларының концерт программасы күрсәтеләчәк. Ярминкә 7: 00 сәгатьтә башлана.

2019 елның 23 апрелендә 15.00 сәгатьтә Татарстан Республикасы Министрлар Кабинетының Баш ветеринария идарәсе башлыгы Алмаз Хисаметдинов Зәй муниципаль районында гражданнарны күчмә кабул итәчәк. Кабул итү Зәй шәһәре, Крупской урамы, 6 йорт, 59 бүлмә адресы буенча узачак. Алдан язылу өчен телефоннар: 6-60-18, 6-65-45. Якын-тирә районнардагы гражданнар да үз сораулары белән мөрәҗәгать итә ала.

С. Рәфыйков исемендәге Үзэк китапханәдә 3нче мәктәпнең 8нче сыйныф укучылары өчен очучы-космонавт Ю. Гагаринның тууына 85-ел туу уңаеннан квест-уен үтте. Китапханәче Камалеева А.Р. балаларны аның биографиясе белән таныштырды. Укучылар төрле тукталышларда туктап, викторина сорауларына җавап бирделәр. Кичә азагында Ю. Гагарин турында фильм карадылар.

10 апрель көнне Үзәк балалар китапханәсе хезмәткәрләре Тәжетдин Ялчыгол скверында 4 нче мәктәпнең 2 нче сыйныф укучылары өчен сәламәтлек темасына багышланган уен программасы оештырдылар. Чара барышында китапханәчеләр балаларга һәр кешенең – үз сәламәтлекләре өчен үзләре җаваплы булулары турында сөйләделәр, шуңа күрә кечкенәдән физкультура белән шөгыльләнү, шәхси гигиена кагыйдәләрен үтәү мөһимлеген искә төшерделәр. Алга таба спорт уеннары оештырдылар, сорау һәм җаваплар рәвешендә балалар белән әңгәмә үткәрделәр. Чара ахырында малайлар һәм кызлар Бөтендөнья сәламәтлек көненә багышланган күргәзмәдәге китаплар белән таныштылар.

2019 елның 11 апрелендә хакимиятнең зур залында шәһәр Советының законлылык, регламент һәм депутат этикасы буенча даими комиссиясе утырышы узды. Депутатлар "2015-2020 елларга Зәй муниципаль районында коррупциягә каршы сәясәтне гамәлгә ашыру» программасын үтәүгә юнәлдерелгән чаралар турында, Татарстан Республикасы Зәй муниципаль районы Зәй шәһәре җирле үзидарә органнарының законнары һәм муниципаль норматив хокукый актларына үзгәрешләр кертү мониторингын үткәрү турында нигезләмә хакында, Татарстан Республикасы Зәй муниципаль районы Зәй шәһәре Советының 2018 елның 15 ноябрендәге 130 номерлы «Татарстан Республикасы Зәй муниципаль районы Зәй шәһәрендә җәмәгать тыңлаулары (җәмәгать фикер алышуларын) үткәрү тәртибе турында нигезләмәне раслау хакында " карарына үзгәрешләр кертү турында, Татарстан Республикасы Зәй муниципаль районы Зәй шәһәре муниципаль хезмәткәрләренә коммерцияле булмаган оешмалар белән идарә итүдә түләүсез нигездә катнашу яки аларның коллегиаль идарә итү органнары составына керү өчен эшкә алучы (эш бирүче) вәкиленең рөхсәтен алу тәртибе турындагы нигезләмәгә үзгәрешләр кертү хакында чыгышлар тыңланды. Утырышта Зәй муниципаль районы башлыгының коррупциягә каршы көрәш мәсьәләләре буенча ярдәмчесе Токмакова Татьяна Викторовна, район Советының юридик бүлеге башлыгы Кудряшов Владимир Валериевич чыгыш ясады. Депутатлар көн тәртибендәге барлык мәсьәләләр буенча тиешле карар проектларын кабул иттеләр.