ЯҢАЛЫКЛАР

23 нче апрель көнне Зәй шәһәренең 6 нчы урта гомуми белем мәктәбендә 10 нчы тапкыр уңышлы гына региональ “Тукай укулары” укучылар фәнни-гамәли конференциясе узды. Беренче елларны бу чара шәһәр күләмендә генә үткәрелсә, соңгы 6 елда региондагы берничә шәһәр, район мәктәпләре катнашында уздырыла. Ел саен конференция Габдулла Тукайның туган көне алдыннан үткәрелә. Шунысы куанычлы: бу бәйгенең дуслары елдан-ел арта бара, катнашучылар саны да, географиясе дә шатландыра. Конференциянең чикләре дә киңәя: быел конференциягә Татарстанның 11 районыннан 289 гариза кабул ителде, шулар арасыннан 162 укучының эше 2 нче турга сайлап алынды. Конференция 11 юнәлештә оештырылды. “Тукай укулары” фәнни-гамәли конференциясен үткәрүдә студентлар зур булышлык күрсәтә. Фәнни-гамәли “Тукай укулары” укучылар конференциясендә компетентлы жюри әгъзалары арасында Казан Федераль университетының, Алабуга, Яр Чаллы филиалы укытучылары, нефтехим, медицина, педагогик коллияте мөгаллимнәре, Кашапова Рәзимә Фәттах кызы - «Татмедиа» АҖ филиалы «Зәй ТВ» Телерадиокомпаниясе”нең “Зәй офыклары” журналисты, Илалтдинова Роза Хәмзә кызы - «Татмедиа» «Новый Зай» АҖ филиалы директоры - баш редакторы да бар иде. Алар укучыларның чыгышларын тыңладылар, сораулар бирделәр, балаларның эшләре белән таныштылар, җиңүчеләрне һәм призерларны билгеләделәр.

Яз-ул бакчачы һәм аларның мәшәкатьләре чоры. Мирный бистәсе бакчачылары бу көнне шәһәр мәдәният йортында үтүче "Планетабыз – дөньяның төп хәзинәсе" дигән мавыктыргыч акциядә катнашып, аны саклау өчен нәрсә эшләргә кирәклеге турында сөйләштеләр, табигый байлыкларны торгызуга үз белемнәрен, сәләтләрен һәм иҗат җимешләрен бирү турында фикер алыштылар. Чара барышында бакчачылар киләчәктә югары уңыш алу турында планнар кордылар, бакча эшләрен алып бару тәҗрибәләре белән уртаклаштылар, үсентеләрне утыртуның яңа ысуллары белән таныштылар. «Хатын-кызлар бәхете» берләшмәсе җитәкчесе Мария Гарапшина алар өчен мастер-класста үткәрде.

 24 апрель көнне спорт-сәламәтләндерү комплексында 1941-1945 еллардагы Бөек Ватан сугышында Җиңүнең 74 еллыгына багышланган «Өченче буын» пенсионерлар спартакиадасының муниципаль этабы узды. Ярышларда барлыгы 34 кеше катнашты. Катнашучылар йөзү, пуля белән ату, дартс, өстәл теннисы һәм җиңел атлетика ярышларында көч сынашты. Ярышларда катнашучыларны физик культура, спорт һәм туризм идарәсенең баш белгече Айдар Кашапов, ветераннар Советы рәисе Николай Шипков, . пенсионерлар берлегенең җирле бүлекчәсе рәисе Мария Боровинский сәламләде. Җиңел атлетика буенча :1 урын - Йосыпова Зәмирә,2 урын - Суркина Тамара,3 урын - Мухина Надежда җиңүчеләр һәм призерлар булдылар. Хатын – кызлар арасында:1 урын - Пискунова Валентина, 2 урын - Галимова Саимә,3 урын-Куликова Ирина. Ир - атлар арасында:1 урын - Уразманов Марат,2 урын - Игнатович Александр, 3 урын-Михайлов Николай.Йөзү буенча:1 урын - Шәрипова Нәзирә,2 урын - Куликова Ирина, 3 урын - Зыкова Галина. Ату буенча: хатын - кызлар арасында:1 урын - Әхмәтвәлиева Фәридә,2 урын - Суркина Тамара,3 урын-Йосыпова Зәмирә.Ир - атлар арасында: 1 урын-Уразманов Марат,2 урын-Игнатович Александр,3 урын – Михайлов Николай.Өстәл теннисы буенча: 1 урын - Уразманов Марат,2 урын-Игнатович Александр, 3 урын - Михайлов Николай. Җиңүчеләр һәм призерлар грамота һәм медальләр белән бүләкләнде. Ярышлар физик культура, спорт һәм туризм идарәсе, Зәй шәһәре һәм Зәй районы ветераннар Советы, Зәй районы Пенсия фонды идарәсе, Зәй районы һәм Зәй шәһәрендә Россия Пенсионерлар берлегенең җирле бүлекчәсе, «Бердәм Россия» партиясенең Татарстан төбәк бүлеге катнашында үткәрелде. 24 май көнне Казанда пенсионерлар Спартакиадасының 1941-1945 еллардагы Бөек Ватан сугышында Җиңүнең 74 еллыгына багышланган финал ярышлары узачак, анда Зәй муниципаль районы җыелма командасы да катнашачак.

Бүген хәрби комиссариатта район башкарма комитеты җитәкчесе И.Ф. Хафизов, "Зәй"район үзәк хастаханәсе, мәгариф һәм яшьләр эшләре буенча идарәләр, мәшгульлек үзәге, ветераннар Советы һәм Зәй районы буенча Россия Федерациясе Эчке эшләр министрлыгының бүлек вәкилләре катнашында беренче чакырылыш комиссиясе узды. Комиссиягә 15 хәрби хезмәткә баручы чакырылган иде, алар коры җир гаскәрләренә җибәреләчәк.

22 апрель көнне "Язгы игелек атнасы-2019" Бөтенроссия иреклеләр акциясен үткәрү кысаларында Сәвәләй урта мәктәбе базасында химия һәм биология укытучысы С.Д. Рыбак, 9-11 сыйныф укучылары өчен "Игелекле җир" дигән сыйныфтан тыш чара үткәрелде. Анда барлыгы 19 укучы катнашты. Чараның максаты укучыларны авыл җирлегендә яшәү өчен кирәкле социаль тирәлекнең үсеш мөмкинлекләре, экологик эшчәнлек белән таныштыру, авыл җиренең яшәү мохитен күрсәтү иде. Чара барышында укучылар «Экоавыл»мини-проектын башкардылар. Алар үзләренең уй-теләкләрен рәсем аша күрсәттеләр һәм катнашучылар алдында үз идеяләрен презентацияләделәр.

2019 елның 23 апрель көнне Зәй районы һәм шәһәре хастаханәсенең бала тудыру бүлегендә Агашкиннар гаиләсенә тантаналы рәвештә туу турында таныклык тапшырылды. Николай һәм Мария Агашкиннарның беренче балалары – Тимофей туган. Зәй муниципаль районы ГХАТ бүлеге белгече Гөлшат Кашапова бәхетле әти-әниләрне шатлыклы вакыйга бәлән котлап балаларының беренче документларын тапшырды, сабыйның тәүфыйклы һәм сәламәт булып үсүләрен теләде.

2019 елның 24 апрелендә 10.00 сәгатьтә видеоконференция режимында Татарстан Республикасында үз эшчәнлеген башкаручы турагентство вәкилләре белән Татарстан Республикасы, Зәй шәһәре, Комсомольская урамы, 50 нче йорт адресы буенча укыту семинар-киңәшмәсе үткәрү планлаштырыла.

2019 елның 25 апрелендә Зәй шәһәренең халык мәшгуллеге үзәге 7 нче номерлы Зәй урта гомуми белем бирү мәктәбе базасында 9-11 сыйныф укучылары өчен «Вакансиялэр һәм уку йортлары ярминкәсе» оештыра. Чарада Казан, Әлмәт, Түбән Кама һәм Зәй шәһәренең югары һәм урта һөнәри белем бирү йортлары, Зәй үзәк район хастаханәсе, Зәй муниципаль районы авыл хуҗалыгы һәм азык-төлек идарәсе катнашачак. Балаларга булган белгечлекләр, укырга керү һәм социаль гарантияләр алу шартлары турында мәгълүмат алу кызыксындырган сорауларны бирү өчен мөмкинлек булачак. Чара Зәй шәһәре, Ленин урамы, 25а йорты адресы буенча узачак. Тулырак мәгълүматны 8(85558)7-15-43 телефоны буенча алырга мөмкин.

Татарстан Республикасы Авыл хуҗалыгы һәм азык-төлек министрлыгы республикада коммерциячел булмаган бакчачылык ширкәтләренең эчке инфраструктурасы объектларын ремонтлау буенча чыгымнарын финанслашу программасының гамәлдә булуын искә төшерә. 2018 елда Татарстан Республикасы Министрлар Кабинетының 2018 елның 20 декабрендәге 1185 номерлы карары белән СНТның эчке объектларын ремонтлауга чыгымнар өчен 1:2 чагыштырмасында субсидияләр бирү тәртибе расланды. Программаның асылы шунда, СНТ ремонтлауга тоткан һәр мең сум өчен дәүләт тагын ике мең сум өсти. Татарстан Республикасы Авыл хуҗалыгы һәм азык-төлек министрлыгы тарафыннан профильле министрлыклар белән берлектә 2017 елдан башлап коммерциячел булмаган бакчачылык һәм яшелчәчелек ширкәтләре эчке һәм тышкы объектларының инженерлык инфраструктурасын, шул исәптән юлларны, су белән тәэмин итү объектларын һәм электр челтәре хуҗалыкларын норматив халәткә китерү буенча эшләр башкарыла. Республика бюджетыннан 2018 елда коммерциячел булмаган бакчачылык һәм яшелчәчелек ширкәтләре эчке инженерлык инфраструктурасын ремонтлауны 1:2 чагыштырмасында финанслашуга 32,3 млн сум акча бүлеп бирелде. 6,5 км суүткәргечләр салуга һәм реконструкцияләүгә, 31 км арада электр баганаларын һәм линияләрен алыштыруга бакчачылар тоткан чыгымнар кайтарылды, шул исәптән бер трансформатор да сатып алынган иде. Искәртеп узабыз, Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов Татарстанның бакчачылар берлеге конференциясендә финанслашу программасында активрак катнашырга өндәгән иде. Эчке инженерлык инфраструктурасы объектларын (электр линияләре, су белән тәэмин итү системалары һәм эчке юллар) ремонтлау программаларында катнашырга теләүче бакчачылык ширкәтләре Министрлыкка мөрәҗәгать итә алалар. Бүгенге көндә 2019 елда әлеге эшләрне башкару, шул исәптән эчке аллеяларны төзекләндерү өчен проект-смета документациясен җыю эше башланды. Документлар түбәндәге адрес буенча кабул ителә: Казан шәһәре, Федосеев ур., 36 йорт, 313 каб., тел.: (843)292-27-73.

2019 елның 22 апрелендә Башкарма комитет җитәкчесе И. Ф. Хафизов рәислегендә Зәй муниципаль районының гадәттән тыш хәлләрне кисәтү һәм бетерү һәм янгын куркынычсызлыгын тәэмин итү комиссиясе утырышы узды. Утырышта куркынычсызлыкны тәэмин итү һәм янгын куркынычсызлыгы әгъзалары, авыл җирлекләре башлыклары, шәһәр һәм район оешмалары һәм учреждениеләре вәкилләре катнашты. Зәй муниципаль районы территориясендә янгыннар, коры үлән һәм чүп-чар януга юл куймау, шулай ук Татарстан Республикасында янгынга каршы махсус режим вакытында объектларда һәм торак пунктларда янгын куркынычсызлыгын тәэмин итү максатларында комиссия тарафыннан ведомство карамагындагы территорияләрнең һәм торак пунктларның янгынга каршы торышына контрольне көчәйтү турында карар кабул ителде.