ЯҢАЛЫКЛАР

Бүген Зәйгә эшлекле визит белән Россиянең монополиягә каршы федераль хезмәтенең Татарстан Республикасы буенча идарәсе җитәкчесе урынбасары Андрей Розенталь килде. Визит кысаларында ул халыкны кабул итүдә катнашты, «Зәй» агросәнәгать паркында булды. Россия Федераль монополиягә каршы хезмәтнең Татарстан идарәсе матбугат сәркатибе Ефимова Оксана Александровна 4нче урта мәктәпнең өлкән сыйныф укучылары өчен ачык дәрес үткәрде. Дәрес кысаларында укучылар монополиягә каршы хезмәтнең нәрсә белән шөгыльләнүен белделәр. Белем бирү модуле монополиягә каршы хезмәт һәм Татарстан Республикасы Мәгариф һәм фән министрлыгы хезмәткәрләре тарафыннан эшләнде. Шулай ук балаларга «Балалар күзлегеннән көндәшлек»иҗади конкурсында катнашырга тәкъдим ителде. Монополиягә каршы хезмәтнең төп юнәлешләренең берсе-конкуренцияне һәм ирекле эшкуарлыкны яклау. Монополиягә каршы хезмәт шулай ук реклама һәм дәүләт сатып алулары үткәрү турындагы законның үтәлешен контрольдә тоту кебек юнәлешләрдә дә эшли. Халыкны кабул итү вакытында, идарә җитәкчесе урынбасарына сәүдә үткәргәндә законнарны үтәү нечкәлекләре буенча сораулар бирелде. Андрей Розенталь «Зәй» агросәнәгать паркында яңа объект эше белән танышканда кече һәм урта бизнес алып бару белән бәйле мәсьәләләргә аерым игътибар итте. Безнең шәһәрдән очрашуларда район Башкарма комитеты җитәкчесенең икътисади үсеш, сәнәгать, сәүдә һәм эшмәкәрлеккә ярдәм итү буенча урынбасары Марина Захарова һәм икътисад бүлеге җитәкчесе Марат Хәбибуллин катнашты. Район хакимиятендә 2018-2020 елларга Зәй муниципаль районында көндәшлекне үстерүгә ярдәм итү буенча «Юл картасы» чаралар планын үтәү мәсьәләсе буенча киңәшмә узды.

Бөек Ватан сугышы ветераннарын Дәүләт Думасы депутаты котлады Зәй районы Бөек Ватан сугышы ветераннарына Дәүләт Думасы депутаты Айрат Хәйруллиннан бүләкләр тапшырылды. Җиңү көне алдыннан ветераннарыбыз Леонид Мачтаков һәм Анна Моисеева котлаулар кабул иттеләр. Аларга депутат ярдәмчесе Евгения Серебрякова бүләкләр тапшырды. 1942 елның гыйнварында Леонид Яковлевич Мачтаков Вилен хәрби пехот училищесына җибәрелә. Каты сугышларда Зәй егете беренче тапкыр яралана. 1942 елның ноябрендә 279 нчы укчылар дивизиясе составында Сталинградка китә. Декабрь аенда һөҗүм башлана, анда үзенең бер часте белән Леонид Яковлевичта катнаша. Урам сугышында яраланган килеш Луганскка кадәр барып җитә. Госпитальдән соң ул 57 нче армия составында Курск дугасындагы сугышта катнаша һәм анда тагын яралана.Терелгәннән соң яңадан хәрби хәрәкәтләрдә катнаша. Очрашу вакытында Леонид Яковлевич Украина, Румыния, Болгарияне, Югославияне азат иткән һәм Венгриягә барып җиткәннәрен горурланып сөйләде. Анна Ивановна Моисеева исә шәфкать туташлары курсын тәмамлый һәм 1942 елда фронтка китә. Көндез ул хирургия бүлегендә эшли, ә төнлә яраланган сугышчылар янында кизү тора. Анна Ивановна Берлинга кадәр барып җитүчеләрнең берсе. Ул үз күзләре белән Рейхстагка Советлар әләмен куюны күрә. Анна Ивановнаның «Сугышчан казанышлары өчен» медале, «Берлинны алган өчен» медале, шулай ук аның горурлыгы булып торучы 17 медале арасында «Жуков», «Казанның 100 еллыгы», «Татарстанның 90 еллыгы»медальләре дә бар.

Буген Зәй шәһәренең "Северный" паркында "Эковесна" айлыгы кысаларында,  2 нче мәктәп хезмәткәрләре тарафыннан чистарту эшләре алып барылды. Паркның аллеясы тирәсендәге сынган агач ботаклары, былтыргы яфраклар һәм эскәмиялэр тирәсендәге көндәлек чүп җыештырылды.

6 май көнне Кадер урта гомум белем бирү мәктәбе территориясендә  чыршы һәм нарат агачлары утырту оештырылды. Агач утырту акциясендә барлык укытучылар һәм укучылар катнашты.Барлыгы 200 төп чыршы һәм 50 төп нарат утыртылды.

Экология айлыгы кысаларында, Бохарай мәктәбенең  6-7 сыйныф укучылары тарафыннан мәктәп яны мәйданчыгы чистартылды. Анда ике капчык чүп җыелды.  Бу чистарту беренчеләрдән тугел. Шүңа күрә кешеләргә тагын бер тапкыр кабатлыйсы килә: "Саклагыз җирне! Саклагыз!". Кеше табигатнең бер өлеше. Ул гел аның белән аралаша,аның эчендә яши. Кеше табигатькә уңай һәм тискәре дә йогынты ясый ала. Табигатьнең чисталыгы  күбрәк кешенең үзеннән тора.

Бүген М. Җәлил исемендәге Татар дәүләт академия опера һәм балет театрында Бөек Ватан сугышында Җиңүнең 74 еллыгына багышланган тантаналы чара узды. Анда ТР Президенты Рөстәм Миңнеханов, ТР Дәүләт Киңәшчесе Минтимер Шәймиев, Татарстан Премьер-министры Алексей Песошин, ТР Президенты Аппараты Җитәкчесе Әсгать Сәфәров, Казан Мэры Илсур Метшин, республика районнары делегацияләре катнашты. Чараның хөрмәтле кунаклары-Бөек Ватан сугышы ветераннары. Зәй делегациясе составында район башлыгы Р. Г. Кәримов җитәкчелегендә сугыш хәрәкәтләрендә катнашучылар, тыл хезмәтчәннәре, район хәрби комиссары А. Ф. Әгъләмҗановта бар иде. Делегацияне район Башкарма комитеты җитәкчесенең социаль мәсьәләләр буенча урынбасары А. В. Чапков озатып йөрде. Ветераннарга сәламләү сүзе белән мөрәҗәгать итеп, Р. Н. Миңнеханов татарстанлыларның Бөек Ватан сугышының барлык хәлиткеч көрәшләрендә катнашуын, һәр икенчесе сугыш кырыннан әйләнеп кайтмавын искәртте. "Безнең йөрәкләрдә Ватан азатлыгын һәм бәйсезлеген саклап калучылар турында якты хәтер мәңгегә сакланачак! ", - диде ТР Президенты үзенең чыгышында. Сугыш елларында һәлак булганнарны бер минут тынлык белән искә алдылар. ТР Президенты ветераннарны аерым котлады. «Сезнең тормыш-батырлык, фидакарьлек һәм Ватанга тугрылык үрнәге! Без ирек һәм бәйсезлек, хәзерге һәм киләчәк буыннарның чәчәк атуы өчен сезгә чиксез рәхмәтле. Сезгә чын күңелдән иминлек һәм сәламәтлек, озын гомер, якыннарыгызның һәм туганнарыгызның кайгыртуын тоеп яшәвегезне телим!», - диде ул. Татарстан Президенты бүгенге көндә исән булмаган Бөек Ватан сугышы ветераннарының туганнарына дәүләт бүләкләренә таныклыклар тапшырды. Чара Татарстан Республикасы иҗат коллективларының концерт программасы белән тәмамланды.

Зәйдә спортчылар истәлегенә ярышлар уздыру матур традициясе яши. 4 майда Сармашбаш мәктәбендә грек-рим көрәше буенча СССР спорт остасы, Халыкара турнирлар чемпионы Илсур Минһаҗев, СССРның спорт остасына кандидат, Татарстан чемпионы Рафис Сабитов, милли көрәш һәм билбау көрәше буенча республика, Бөтенроссия призеры Айзат Кашапов истәлегенә яшүсмерләр арасында милли һәм грек-рим көрәше буенча республика турниры оештырылды. Алар - әлеге мәктәптә белем алып, келәмдә чыныгып үскән авылдашлар. Узган ел әлеге турнир Айзат Кашапов истәлегенә оештырылса, быел ул киң колачлы итеп берьюлы өч көрәшчене искә алып узды. Анда Чаллы, Әлмәт шәһәрләре, Зәй районы спортчылары бил алышты. Турнирда район башлыгы урынбасары Валерий Акатьев катнашты. Анда көрәш ветераннары, мәрхүм спортчыларның көрәштәшләре, туганнары, авылдашлары җыелып, аларны җылы итеп искә алды. Әлеге турнирны оештыру башында һәм уздыруда Илсур Минһаҗевның  туганы Мансур торды. Бу мәртәбәле турнир район башлыгы Разиф Кәримов, “Битронос” җаваплылыгы чикләнгән ширкәте, Александр Ильин (Чаллы), Альберт Шакирҗанов (Әлмәт), Вакыйф Тимербаев (Казан), Фәнис Шәрипов (Балтач), Инсаф Сафин (Сармашбаш), Зәй көрәшчеләр командасы матди булышлыгы белән оештырылды. Менә алар әлеге бил алышта җиңүчеләр һәм призлы урын алучылар: Милли көрәштән 2003 елда туганнар арасында 28 килограмм авырлыкта 1 урын – Кәрим Кәлимуллин (Сармашбаш), 2 – Азамат Сәйфуллин (Сармашбаш), 3 – Фидан Насыйров (Югары Мәлем). 40 килограмм авырлыкта 1 урын – Динар Гыйззәтуллин (Түбән Биш) 2 – Илдар Латыйпов (Түбән Биш) 3 – Руслан Тучин (Сармашбаш) 50 килограмм авырлыкта 1 урын – Нияз Исламов Нияз (Түбән Биш) 2 – Алмаз Талипов (Кадер) 3 – Данил Фирстов (Поручик) 60 килограмм авырлыкта 1 урын – Александр Зарипов ( Сәвәләй) 2 – Инсаф Камалиев (Аксар) 3 – Рөстәм Максимов (Сәвәләй) 60 килограммнан югары 1 - Әдел Насыйбуллин (Әлмәт) 2 – Альмир Гыйниятуллин (Сармашбаш) 3 – Алексей Уразайкин (Сармашбаш) Грек-рим көрәше буенча 2003-2004 елларда туганнар арасында үз авырлыкларында Виктор Корнилов җиңүче булды. Артур Маврин, Иван Зотов, Динар Гыйззәтуллин -II, Антон Латыйпов, Булат Сөнгатуллин, Даниил Пирогов, Дилияр Борһанов III урында.

«Өлкән буын» партия проектын тормышка ашыру кысаларында, Зәй районында 1941-1945 еллардагы Бөек Ватан сугышында Җиңүнең 74 еллыгы уңаеннан, Бөек Ватан сугышы ветераннарын котлау тантанасы узды. «Бердәм РОССИЯ» партиясенең Татарстан төбәк бүлекчәсе Зәй җирле бүлекчәсе сәяси советы сәркатибе, муниципаль район башлыгы Разиф Кәримов исеменнән, ялгыз яшәүче һәм аз тәэмин ителгән кешеләр арасыннан өйдә социаль хезмәт күрсәтүдә булган тыл хезмәтчәннәренә азык-төлек җыелмалары тапшырылды. Аларга батырлык, тормыш ныклыгы һәм каһарманлыгы, авыр сугыш елларында һәм тыныч хезмәт вакытында ил өчен башкарылган барлык эшләр өчен рәхмәт сүзләре җиткерелде. Өлкәннәргә ныклы сәламәтлек, тыныч күк йөзе, иминлек, якын кешеләренең игътибарын, ярдәмен, туганнарының кайгыртуын тоеп яшәүләрен, күңел күтәренкелеге һәм озын гомер теләделәр.

Бүген Зәйнең агросәнәгать паркында чираттагы ярминкә уза. Кунакларны, гадәттәгечә, иртүк концерт программасы һәм бай ассортимент белән каршы алдылар.

Нефтекамск шәһәрендә грек-рим көрәше буенча В. Перминов истәлегенә Бөтенроссия турниры узды.