ЯҢАЛЫКЛАР

Әлмәт драма театрында дирижер Рөстәм Абязов җитәкчелегендәге La Primavera Казан камера оркестры концерты узды. Оркестр тарафыннан тормышка ашырыла торган «Киләчәк йолдызлары» проекты кысаларында үткән концертта яшь музыкантлар катнашты. Алар арасында Зәй балалар музыка мәктәбенең фортепиано бүлеге укучысы, педагог Татьяна Тимофеевада шөгыльләнгән Михаил Ялтанский да бар иде. Ул, Рөстәм Әбязов белән (ул Россиядән читтә билгеле булган һәм Бөтендөньяда танылган музыкантлар белән бер сәхнәдә уйнаган) композитор Нәҗип Җиһановның әсәрен башкарды.

30 апрельдән 1 майга кадәр Әлмәт шәһәрендә тимераякта фигуралы шуу буенча «Нефтяник» кубогы узды. Ярышларда «Яшьлек» спорт мәктәбе укучылары катнашты. 1 нче яшүсмерләр разряды буенча чыгыш ясаган Исправникова Анастасия 2 нче урын, 2 нче яшүсмерләр разряды буенча чыгыш ясаган Коженков Александр 1нче урынны алды.

3 май көнне спорт-сәламәтләндерү комплексында авыл җирлекләренең хатын-кызлар командалары арасында волейбол буенча «Сәламәтлек» спартакиадасы исәбенә беренчелек финалы узды. 1 урын Сәвәләй авыл җирлеге командасы, 2 урын Баграж авыл җирлеге командасы, 3 урын Чыбыклы авыл җирлеге командасы, 4 урын Александр-Бистәсе авыл җирлеге командасы булды.

Шушы көннәрдә Казанда «Созвездие-Йолдызлык» эстрада сәнгате фестиваленең суперфиналы булып узды, анда җиңүчеләрнең исемнәре билгеле булды:"Мирас» халык вокаль-хореография коллективы («Вокал ансамбльләр" номинациясе-кече төркем), "Азаль «вокаль-хореография ансамбле («Вокал ансамбльләр" номинациясе-урта төркем),Александра Шишмагаева («Вокал-Соло»номинациясе -2 нче кече төркем) 1 урынны алды. Миләүшә Әгъләмова («Вокал-Соло»номинациясе-урта төркем), Әлфия Сираева («Вокал-Соло " номинациясе-урта төркем), Виктория Пузанкова («Вокал-Соло»номинациясе-өлкән төркем ) 2 нче урынны яуладылар. Җитәкчеләре Татарстан Республикасының атказанган мәдәният хезмәткәре - Әлфия Вәлиуллина. Тамерлан Шәрәфиев ("Конферанс"номинациясе-кече төркем) - 2 урын, Аэлита Ксенофонтова ("Конферанс" номинациясе - кече төркем) -3 урын.

30 апрельдә мәдәният елы кысаларында, Зәй муниципаль районынының шәһәр мәдәният йортында "Театр дөньясында" район театр фестиваленең Гала-концерты булды. Бу көнне һәр авыл мәдәният йортында иҗади сезон дәвамында узган фестивальгә йомгак ясалды. Әлеге сәхнәдә чыгыш ясау өчен, 22 иҗат коллективы көч сынашты. Фестивальдә 500дән артык кеше катнашты һәм аның җиңүчеләре дә билгеле булды. 1 урынга-Түбән Биш авыл мәдәният йорты, 2 урынга-Кадер авылы мәдәният йорты, 3 урынга- шәһәр мәдәният йорты лаек булды.

Зәй районында мәдәният елы кысаларында Ринат Фәрдиев исемендәге ял һәм мәдәният паркында музыкаль фонтан сезоны ачылды. Бу урын хаклы рәвештә шәһәрнең төп истәлекле урыннарының берсе булып санала. Сәламләү сүзе белән Зәй муниципаль районы башлыгы урынбасары Валерий Акатьев чыгыш ясады. Чарада шәһәрнең артистлары һәм иҗат коллективлары: И. Чебаков, В. Агашкина, Ф. Миникәев, Т. Гәрәева, Б. Гришин, «Легенда», «Каприз», «Магия» хореографик ансамбльләре, «Елмаю» балалар хореографик коллективы катнашты. Бәйрәм финалында гаять зур «Лазер тамашасы» күрсәтелде.

Бүген Р. Фәрдиев исемендәге паркта традицион "Уйнагыз, гармуннар!" фестивале узды. Бәйрәмдә муниципаль район башлыгы урынбасары В. Г. Акатьев, район Башкарма комитеты җитәкчесенең социаль мәсьәләләр буенча урынбасары А. В. Чапков, районның 26дан артык гармунчысы катнашты. Көй башкаручылар-безнең белән янәшә яшәүче гади кешеләр, районда аерым бер урын тоталар. Нәкъ менә алар бүгенге көнгә кадәр гармун музыка коралын саклап килүчеләр. Мондый фестивальләрне чын мәгънәсендә "Күңел бәйрәме" дип атарга мөмкин. Бүген бирегә җыелган чарада катнашучыларны мәдәният йортлары, үзәк китапханә, балалар иҗат йорты, сәнгать мәктәбе хезмәткәрләре төрле мәдәният күргәзмәләре белән таныштырдылар. Музыкаль программа барлык зәйлеләргә язгы бәйрәм кәефе бүләк итте.

30 апрельдә спорт-сәламәтләндерү комплексында предприятиеләрнең һәм оешмаларның хатын-кызлар командалары арасында волейбол буенча Зәй муниципаль районы беренчелегенең «Сәламәтлек-2019»Спартакиадасы исәбенә финал уеннары узды. Ярыш нәтиҗәләре буенча 1 нче урынны Зәй ГРЭС командасы, 2 нче, 6 нчы мәктәп һәм татар гимназиясе җыелма командасы, 3 нче урынны район Башкарма комитеты командасы, 4 нче урынны Аккурайд командасы яулады.

7 майда 16.00 сәгатьтә хакимият бинасында (69 кабинет, 3 кат) алимент мәсьәләләре буенча гражданнар кабул ителәчәк. Гражданнарны кабул итүдә комиссия белгечләре катнашачак, аның составына суд приставлары хезмәте, опека һәм попечительлек бүлеге, халыкны эш белән тәэмин итү үзәге, полиция, прокуратура, хакимият һәм социаль яклау вәкилләре кергән. Кабул итүгә алдан язылу эш сәгатьләрендә (8-85558) 7-07-66, 3-41-31 телефоннары буенча башкарыла.

Бүген Р. Фәрдиев исемендәге паркта «Уйнагыз, гармуннар! " дигән традицион чара узачак. "Уйнагыз, гармуннар!» 1 Май-Яз һәм Хезмәт бәйрәменә багышланган. Шәһәр һәм районның барлык гармунчылары һәм баянчылары паркның үзәк сәхнәсенә җыелачак һәм зәйлеләргә үзләренең матур көйләрен бүләк итәчәк. Шулай ук декоратив - гамәли сәнгать күргәзмәсе дә оештырылачак. Бәйрәм 10.00 сәгатьтә башлана. Хуш киләсез!