ЯҢАЛЫКЛАР

Бүген Зәй районында ике яшүсмер, район башлыгы Р.Г.Кәримовтан үзенчәлекле бүләккә ия булдылар. Сармашбаш авылыннан 6нчы сыйныф укучысы Альмир Гыйниятуллин һәм Якты Күл авылыннан, хәзерге вакытта Зәй политехник колледжында 3 курс студенты Сергей Филипповка ноутбуклар тапшырылды. Гыйниятуллиннар гаиләсе ут-күз казасы аркасында быел зур кайгы кичерде, ә киләчәктә программист булырга хыялланган Альмир өчен заманча компьютерлы булу, тормышка ашмас хыял булып тора иде. Яшүсмернең хыялы турында белеп алган район башлыгы, аны үтеп баручы елның соңгы көнендә тормышка ашырды. Альмирның әти-әниләре мәдәният йорты хезмәткәре Алсу һәм 29 ел буе җирлектә механизатор булып эшләүче Раушан Гыйниятуллиннар авыр вакытларда ярдәм кулы сузган района җитәкчелегенә, улларын тагын беркат сөендергән Разиф Галиевичка бик зур рәхмәтле булуларын ихлас күңелдән белдерделәр.

Дүшәмбе, 2 гыйнвар көнне күңел ачу программасы балалар сәнгать мәктәбе һәм "Кыңгырау"балалар бакчасында,17 сәгатьтән 18 сәгатькә кадәр Р.Ш.Фәрдиев исемендәге ял паркында, сишәмбе, 3 нче гынвар көнне балалар иҗат йорты һәм “Күкчәчәк” балалар бакчасында, 17 сәгатьтән 18 сәгатькә кадәр Р.Ш.Фәрдиев исемендәге ял паркында,чәршәмбе, 4 гыйнвар көнне күңел ачу программасы 6нчы мәктәп һәм “Энҗе” балалар бакчасында, 17 сәгатьтән 18 сәгатькә кадәр Р.Ш.Фәрдиев исемендәге ял паркында, пәнҗешәмбе,

Бүген Зәйдә үтеп баручы елга нәтиҗә ясау, киләсе елга бурычлар билгеләү буенча традицион чара узды.Ул быел да шәһәр һәм район Советы депутатлары, предприятие, оешма җитәкчеләре, хезмәт коллективлары вәкилләре, хезмәт алдынгылары катнашында “ Яшьлек” боз сараенда үтте.Тантанада район башлыгы Разиф Кәримов район икътисадының барлык тармакларларында 2016 елда ирешелгәннәрне анализлап, 2017 елга бурычлар куйды. Район башлыгы “ Ел җитәкчесе”, “ Ел хәйриячесе”, “ Ел эшмәкәре”, “ Спортта иң яхшы нәтиҗәләр” номинацияләрендә һәм Яңа елга биләмәләрне бизәү буенча “ Кышкы әкият” конкурсында җиңүчеләрне тантаналы рәвештә котлады.

Кичә Зәйдә елга нәтиҗә ясау, киләсе елга бурычлар билгеләү буенча узган традицион чарада Аксар җирлеге үзенең һәрнәрсәдә өлгер булуын күрсәтте. Җирлек “Сәламәтлек” спартакиадасы нәтиҗәләре буенча быел да җиңүче булды. Яңа ел бәйрәмнәре уңаеннан бәйрәм атмосферасы тудыру, территорияләрнең архитектур йөзен яхшырту, төзекләндерү ниятеннән оештырылган “Кышкы әкият” конкурсында да аксарлыларга тиңнәр булмады.

"Зәй муниципаль районы Мактаулы гражданины" исеменә район үсешенә зур өлеш керткән, арабыздан киткән Николай Баныкин, Вадим Мишин, шулай ук Атлас Галиәхмәтов, Анатолий Путяшов, Зәйтүнә Кашапова лаек булды. Аларга әлеге дәрәҗәле исемне “Яшьлек” боз сараенда узган елга нәтиҗә ясау тантанасында район башлыгы Р.Г.Кәримов тапшырды.

Зәй район башлыгы Разиф Кәримов “Шатлык” халыкка социаль ярдәм күрсәтү үзәгендә, авыр тормыш хәлендә калган гаиләләрдә тәрбияләнүче балалар өчен оештырылган чыршы бәрәмендә катнашты. 50 ләп бала, әти-әниләре белән бергәләп чын күңелдән бәйрәм итте. Район башлыгы аларга РФ Дәүләт Думасы депутаты Айрат Хәйруллин һәм Татарстан Дәүләт Советы депутаты Фоат Комаров тарафыннан юлланган бүләкләрне тапшырды.

Бүген «Зәй шикәре» АФ ҖЧҖ нең Сәвәләй сөт-товарчылык фермасында 2016 елда терлекчелек өлкәсендә башкарылган эшләргә йомгак ясалды. Йомгаклау чарасында район башлыгы Р.Г.Кәримов, авыл-хуҗалыгы һәм идарәсе башлыгы А.Н.Галиәхмәтов, баш ветеринар табиб Ф. Г. Исламов , башка җитәкчеләр һәм белгечләр катнашты.

Якынлашып килүче Яңа ел һәм Раштуа бәйрәмнәре уңаеннан, дәүләт һәм муниципаль вазыйфаларны башкаручы хезмәткәрләргә, шулай ук аерым дәүләт һәм муниципаль оешма хезмәткәрләренә закон тәртибендә бүләк бирү һәм алу тыела. Бүләк алу яисә бирү коррупциягә каршы законнарны бозу өчен шартлар тудыра, шул сәбәпле Россия Федерациясе законы нигезендә җаваплылыкка тартуга китерергә мөмкин.

2016 елның 27 нче декабрендә Татарстан Республикасы Югары Суды «Татарстанның ел судьясы» конкурсына йомгак ясады. Конкурска нәтиҗә ясаганда, судьяның эш стажы, югары һөнәри осталыгы, эшлекле һәм мораль-әхлакый сыйфатлары барысыда искә алынды. Татарстан Республикасы Югары Суды карары белән, Татарстан Республикасы Зәй шәһәр суды судьясы Сергей Геннадьевич Горшунов конкурста җиңүче дип табылды һәм «Ел судьясы»дигән мактаулы исемгә лаек булды. Ул суд органнарында 2001 елдан бирле эшли, 2006 елның 07 апрелендәге ПУ-333 номерлы Россия Федерациясе Президентының Указы нигезендә Зәй шәһәре судьясы вазыйфасына билгеләнде. С.Г.Горшунов хезмәттәшләре һәм халык арасында хөрмәт казанган судьяларның берсе.

Идел буе дәүләт физик культура, спорт һәм туризм академиясендә "Ел спортчысы-2016" исеменә лаек булучыларны бүләкләү тантанасы булды. Өченче ел рәттән, Татарстан Республикасы яшьләр эшләре һәм спорт министрлыгы иң яхшы спортчы һәм тренерларны шулай ук Татарстан Республикасының иң яхшы массакүләм мәгүлүмат чаралары хезмәткәрләре өчен тантаналы чара үткәрә. Быел Зәйдән яшьләр спорт мәктәбе инструктор-спортсмены Регина Сәләхова “Россиянең атказанган спорт мас теры" исеменә лаек булды.