ЯҢАЛЫКЛАР

12 нче февральдә “Россия чаңгы юллары-2017” акциясе кысаларында, Зәйнең Яңа шәһәр урманы буенда үтүче чаңгы ярышы зур спорт бәйрәмен хәтерләтте. Ярышлар шулай ук Мирный бистәсе, Иске Зәй, барлык авыл җирлекләрендә һәм гомүми урта белем бирү мәктәпләре территорияләрендә үтте. Тантаналы чараны район башлыгы Р.Г.Кәримов ачып җибәрде. Район башлыгы сәламәт тормыш рәвеше алып баруның елдан-ел популярлаша баруын тагын беркат билгеләп үтте. "Россия чаңгы юлы- 2017" массачыл узышына быел ил буйлап 1,5 млнан артык кеше чыккан, Зәйдән бу акциядә 5672 кеше катнашты. Яңа шәһәр урманы буенда узган ярышларны бизәп концерт программасы күрсәтелде, яшьләр эшләре идарәсенен «Застава» клубы кыр кухнясында пешерелгән ботка, кайнар чәй белән сыйлады. Шулай итеп, 35нче "Россия чаңгысы"акциясен зәйлеләр үзенчәлекле итеп уздырды.

Югары Шепкә мәктәбендә район гомумбелем бирү мәктәпләре арасында биатлон ярышлары узды. Алар хәрби оборона-масса айлыгы кысаларында ДОСААФның - 90, Бөек Җиңүнең 72 еллыгына багышланды. Ярышларда ДОСААФның Зәй бүлечәсе рәисе Фаиз Гәрәев, «Юнармия» балалар-яшүсмерләр хәрби-патриотик иҗтимагый оешмасының җирле бүлекчәсе җитәкчесе Валентин Атласов, әфганчылар һәм башка локаль конфликтлар ветераннары оешмасы рәисе Сергей Хватков бар иде. Ярышта шәһәрнең 7нче, Югары Баграж, Якты Күл, Чыбыклы, Аксар мәктәпләре командалары көч сынашты. Ә Югары Шепкә мәктәбе ике команда әзерләгән иде.

Бүген “Зәй шикәре” заводында шатлыклы вакыйга булды. Тантаналы чарада “Челтәр компаниясе” генераль директоры Илшат Фәрдиев, район башлыгы Разиф Кәримов, шикәр чөгендере үстерү, эшкәртү тармагы буенча эшләүче район җитәкчеләре катнашты. Завод директоры Шамил Минһаҗев һәм предприятие коллективы тантаналы шартларда, сакчыл җитештерү өлкәсендә дөнья күләм танылган Япония белгече Тосихиро Ямада кулыннан, сак җитештерү ысулын отышлы кулланылышка керткән өчен зур бүләк - “Тойота”ның бронза кубогын алды.

Зәйнең “Яшьлек” боз сараенда Җәлил истәлегенә узучы турнирда бертуган Сәлаховлар Зәй районы данын яклап көрәшәләр. Узган елгы милли көрәш буенча ярышларда җиңүче булган Радик Сәлахов, быелгы мәртәбәле бил алышка энесе Рөстәмне дә әзерләгән. Ул да бу спорт төре буенча призлы урыннар алган спортчы. Әтиләре Сирень Сәлахов - аларны кечкенәдән бил алышка өйрәткән чын остаз, бүгенге турнирның хөкемдары.

Бүген Зәйнең “Яшьлек” боз сараенда Муса Җәлил истәлегенә милли көрәш турниры ачылды. Тантаналы чараны район башлыгы Р.Г.Кәримов ачты. Сәхнә түрендә - район башлыгы Разиф Кәримов, Татарстан Республикасы яшьләр эшләре һәм спорт министры урынбасары Хәлил Шәйхетдинов, “Ватаным Татарстан” газетасы редакторы Миңназыйм Сәфәров, көрәш федерациясенең башкарма директоры Равил Хәйруллин, ярышларның баш хөкемдары Рәкыйп Фәйзуллиннар бар иде. Күмәк җыр, Җәлил иҗаты буенча күренешләр, хореографик композицияләр, якташыбыз Айдар Сөләймановларның чыгышы күпләрне сокландырды.

8 нче февральдә «Шатлык» халыкны эш белән тәэмин итү үзәгендә 2016 елгы эш нәтиҗәләренә йомгак ясалды. Киңәшмәдә район башлыгы Р.Г.Кәримов, район башкарма комитеты җитәкчесе урынбасары А.В.Чапков катнашты.Халыкны эш белән тәэмин итү үзәге эшчәнле Киңәшмәдә, 2016 елда  районында эшсезлекнең күпкә кимүе ягъни, эшкә урнаштыруның югары процентка күтәрелүе хакында билгеләп үтелде.генең 2016 елгы эш нәтиҗәләре һәм 2017 елга эш планнары хакында оешма директоры Е.В.Андреева сөйләде. Район социаль яклау бүлегенең эш нәтиҗәләре һәм 2017 елга эш планнары хакында бүлек башлыгы Э.Г.Хүҗина чыгыш ясады.

Герой-шагыйрь Муса Җәлил истәлегенә багышланган татар-башкорт милли көрәше турниры быел да Зәйдә узачак.10-11 февральдә “Яшьлек” боз сарае республика һәм Россия төбәкләреннән көрәшчеләр кабул итәчәк. Шәһәребез ике көнгә спорт үзәгенә әйләнәчәк. Дәрәҗәле турнирның быел да бездә үтүе – район өчен зур мәртәбә. Ярышта катнашу өчен 400дән артык көрәш батыры килер дип көтелә. Билгеле булганча, узган елгы турнирдан көрәшчеләр, кунаклар, җанатарлар, тамашачылар бездән яхшы фикердә китеп, аны әле дә җылы итеп искә ала. Районның республикада “Авыл җирендә иң яхшы спорт чаралары әзерләү һәм уздыру” номинациясендә җиңү яулавы да очраклы түгел.

Бүген район башлыгы Р.Г.Кәримов катнашуында Чыбыклы авылы җирлегендә чираттагы халык җыены үтте. Җыенда авыл җирлеге башлыгы, агрофирма җитәкчесе, прокуратура вәкиле һәм участок полицияләренең чыгышы тыңланды. Очрашу ахырында җирлектә яшәүчеләр үзләрен кызыксындырган барлык сорауларга турыдан- туры җавап ишеттеләр.Соңыннан халык җыеннары Якты Күл һәм Поручик авылы җирлекләрендә дәвам итте.

Шушы көннәрдә Балалар музыка мәктәбендә мәдәният идарәсенең кече коллегиясе үтте. Тантаналы чараны район башкарма комитеты җитәкчесе И.Ф.Хафизов ачты. Анда район башкарма комитеты башлыгының социаль мәсьәләләр буенча урынбасары А.В.Чапков катнашты. Мәдәният идарәсе башлыгы С.М.Батршина, мәдәният идарәсенең 2016 елда эшләнгән эшләренә нәтиҗә ясап, 2017 елда башкарылачак эшләрнең планы белән таныштырды.

Россия Федерациясендә 23 нче февраль - Ватанны саклаучылар көне бәйрәм көн,-дип санала. «2017 елда ял көннәрен күчерү» турында, 4 август, 2016, №756 Россия Хөкемәте карары нигезендә 2017 елның 1 нче гыйнварендагы ял көне,24 нче февраль, җомга көнгә күчерелә. Шул сәбәпле, 2017 нче елда 23,24,25 һәм 26 нчы февраль көннәре ял көннәре булып исәпләнә.22 нче февральдә эш көне озынлыгы 1 сәгатькә кими .