ЯҢАЛЫКЛАР

14 нче февральдә Зәй районы мәдәният йортларында “Йолдызлык-2017” фестиваленә сайлап алу туры үтте. Якты Күл, Александр Бистәсе, Югары Шепкә, Поручик авыл җирлекләренең 7дән-14 яшькәчә балалары җыр, бию һәм әдәби сүз номинацияләрендә катнашып, үзләренең талантларын тагын беркат күрсәттеләр.

Кичә хакимиятнең зур залында йортлардагы җаваплы өлкәннәр белән очрашу булды. Киңәшмәне район башлыгы Р.Г.Кәримов ачты. Чарада «Бердәм хисап үзәге» директоры Г.Н.Камышова, «Искра» ҖЧҖ директоры И.С.Кравцов, «Таттелеком» акционерлык җәмгыяте башлыгы Г.М.Будрин, Зәй газ идарәсе башлыгы А.А.Йосыфов һәм торак – коммуналь хуҗалыгы үзәге муниципаль учреждениясе вәкиле Х.В.Хүҗиннарның чыгышы тыңланды

15 февраль көнне Әфганстан җиреннән совет гаскәрләре чыгарылганга , быел 28 ел булды. Бу көнне Әфганчылар, кайнар нокталарда хәрби хезмәт үткән зәйлеләр, аларның якыннары, балалары, шәһәр мәктәпләре укучылары традицион төстә Азатлык китерүче солдат һәйкәле янына җыелды. Чараны тантаналы төстә район башлыгы урынбасары В.Г.Акатьев ачты. Һәйкәл каршына чәчәкләр салып, кайнар нокталарда ятып калган Зәй егетләрен бер минут тынлык белән искә алдылар . Район башлыгы урынбасары үзенең чыгышында, Чечня һәм башка кайнар нокталарда хәрби бурычын үтәгәннәр турында искә алып, аларның хәрби бурычларына тугры булулары хакында без буыннан- буынга җиткерергә бурычлыбыз,дип билгеләп үтте.

Бүген Зәй районы үзәк хастаханәсендә 2016 елда эшләнгән эшләргә нәтиҗә ясалды. Киңәшмәдә район башлыгы Р.Г.Кәримов,Татарстан Республикасы Дәүләт Советы депутаты, Татарстан “Яңа гасыр” телерадиокомпаниясе генераль директоры И.Ю.Әминов, район башлыгы урынбасары В.Г.Акатьев, район башкарма комитеты башлыгының торак- коммуналь хезмәтләре буенча урынбасары Н.А.Нифатов,шәһәр башкарма комитеты җитәкчесе С.В.Максимов, медицина Советы әгъзалары, бүлек мөдирләре , кече медицина һәм район массакүләм мәгълүмат чаралары хезмәткәрләре катнашты. Районыбызның 2016 елга социаль-икътисади үсеш нәтиҗәләре һәм 2017 елга куелган бурычлары белән район башлыгы Р.Г.Кәримов таныштырды.

Зәй муниципаль районында 50 нче бала тууы теркәлде. Ул 2017 нче елның 09 февралендә Зәй шәһәрендә туган Петрова Александра Сергей кызы. Александра әтисе Сергей Петр улының һәм әнисе Екатерина Анатолий кызының икенче баласы. ГХАТ бүлеге баш белгече Гөлнар Гыйзатуллина танталы рәвештә Александраның әтисен котлап баланың беренче документын – туу турында таныклыгын тапшырды.

Бүген Зәй муниципаль районы политехник көллиятендә укучы студентлар “Татарстан балалары-Сирия балаларына” дигән республика акциясендә катнаштылар. Акция барышында көллиятнең студентлар Советы мәктәптә укучы балалар өчен канцелярия кирәк-яраклары: альбомнар, ручка, каләм , буяу, дәфтәр һәм өстәл уеннары җыйдылар.

13 нче февральдә Зәй районы хезмәтне саклау Координационон Советы әгъзалары «Восток»агрофирмасының «Үрнәк» машина-трактор паркында күчмә киңәшмә үткәрделәр. 2016 елда «Үрнәк» бүлекчәсендә өлешчә ремонт үткәрелгән. Түбә алыштырылган, җылытылган ишек һәм тәрәзәләр куелган. Машина-трактор паркында хезмәтне саклау һәм техника куркынычсызлыгы мәсьәләре дә дөрес куелган. Хезмәтне саклау бүлмәсендә инструктаж урнаштырылган. Зәй районы агрофирмаларында эшләүчеләр авыл хуҗалыгы техникасын төзекләндерүне тиз арада тәмамлауны үз алларына төп бурыч итеп куйганнар.Бүгенге көндә, бүлекчәдә техника төзекләндерү эшләре белән беррәттән, ашлама кайтару эшенә дә ныклы игътибар бирелә.

Бүген хакимиятнең зур залында район башлыгы Р.Г.Кәримов җитәкчелегендә аппарат киңәшмәсе үтте. Район башлыгы архитектура һәм төзелеш бүлеге башлыгы Р.Р.Исламованы туган көне белән котлады. Киңәшмәдә Татарстан Республикасы чаңгы ярышлары Федерациясе вице-президенты Э.Ш.Галиев, Зәй эчке эшләр бүлеге башлыгы урынбасары Г.Г.Абрамов, авыл хуҗалыгы һәм азык- төлек идарәсе башлыгы А.Н.Галиәхмәтов, янгын-сак гарнизоны башлыгы А.А.Әхмәтшин, район башлыгы урынбасары В.Г.Акатьев, «Зәй»агрофирмасы ЯАҖ директоры В.Ф.Егоровлар чыгыш ясады. Киңәшмәгә район башлыгы Р.Г.Кәримов йомгак ясады.

12 нче февральдә “Россия чаңгы юллары-2017” акциясе кысаларында, Зәйнең Яңа шәһәр урманы буенда үтүче чаңгы ярышы зур спорт бәйрәмен хәтерләтте. Ярышлар шулай ук Мирный бистәсе, Иске Зәй, барлык авыл җирлекләрендә һәм гомүми урта белем бирү мәктәпләре территорияләрендә үтте. Тантаналы чараны район башлыгы Р.Г.Кәримов ачып җибәрде. Район башлыгы сәламәт тормыш рәвеше алып баруның елдан-ел популярлаша баруын тагын беркат билгеләп үтте. "Россия чаңгы юлы- 2017" массачыл узышына быел ил буйлап 1,5 млнан артык кеше чыккан, Зәйдән бу акциядә 5672 кеше катнашты. Яңа шәһәр урманы буенда узган ярышларны бизәп концерт программасы күрсәтелде, яшьләр эшләре идарәсенен «Застава» клубы кыр кухнясында пешерелгән ботка, кайнар чәй белән сыйлады. Шулай итеп, 35нче "Россия чаңгысы"акциясен зәйлеләр үзенчәлекле итеп уздырды.

Югары Шепкә мәктәбендә район гомумбелем бирү мәктәпләре арасында биатлон ярышлары узды. Алар хәрби оборона-масса айлыгы кысаларында ДОСААФның - 90, Бөек Җиңүнең 72 еллыгына багышланды. Ярышларда ДОСААФның Зәй бүлечәсе рәисе Фаиз Гәрәев, «Юнармия» балалар-яшүсмерләр хәрби-патриотик иҗтимагый оешмасының җирле бүлекчәсе җитәкчесе Валентин Атласов, әфганчылар һәм башка локаль конфликтлар ветераннары оешмасы рәисе Сергей Хватков бар иде. Ярышта шәһәрнең 7нче, Югары Баграж, Якты Күл, Чыбыклы, Аксар мәктәпләре командалары көч сынашты. Ә Югары Шепкә мәктәбе ике команда әзерләгән иде.