ЯҢАЛЫКЛАР

Биканов Игорь Александрович.Татарстан Республикасында Кеше хокуклары буенча вәкаләтле вәкилнең, Зәй муниципаль районында җәмәгать ярдәмчесе. Халыкны кабул итү графигы: атнаның 1-нче һәм 3-нче чәршәмбесе 15.00 сәгатьтән 16.30 сәгатькә кадәр. Кабул итү урыны: Зәй шәһәре, Ленин урамы, 25а йорты, 202 нче бүлмә, ТР, Зәй муниципаль районының аерым фәннәрне тирәнтен өйрәнүче 7 нче Зәй урта гомуми белем бирү мәктәбе. Телефон: 7- 50- 47.

Зәй муниципаль районында шәһәр предприятиеләре, оешмалары һәм учреждениеләре арасында «Театр дөньясында» шәһәр театр фестивале старт алды. «Тылсымлы әкият» балалар бакчасы "Осталар шәһәре" театральләштерелгән тамашасын күрсәтте. Тамашачылар бию композицияләре, вокал иҗаты, миниатюралар, клоунадалар, авангард модасы куелышын күрделәр. Анда олылар гына түгел, балалар бакчасында тәрбияләнүчеләр дә катнашты.

Бүген хакимиятнең зур залында район башлыгы Р. Г. Кәримов җитәкчелегендә аппарат киңәшмәсе узды. Аппарат киңәшмәсе башында Р. Г. Кәримов Татарстан Республикасы Зәй шәһәре һәм Зәй районы хәрби комиссары А. Ф. Әгъләмҗановны туган көне белән котлады. Шулай ук район башлыгы Р. Г. Кәримов Зәй муниципаль районы буенча Татарстан Республикасында Кеше хокуклары буенча вәкаләтле вәкилнең яңа билгеләнгән җәмәгать ярдәмчесе И. А. Бикановны тәкъдим итте. Көн тәртибе буенча районның оператив хәле, авыл хуҗалыгы, янгын куркынычсызлыгын тәэмин итү, Зәй муниципаль районының 2018 елның 9 аенда берләштерелгән бюджетын үтәү йомгаклары, Зәй муниципаль районында «Почта Банк» ДАҖ эше, яшьләр үзәкләре һәм клубларының эше турында чыгышлар булды. Электр тапшыру линиясе зоналарында урнашкан җир кишәрлекләрен куллану шартлары, Зәй муниципаль районында 2018 елның 12 ноябренә хезмәт базарындагы хәл турындагы мәсьәләләр район башлыгының аерым контролендә кала. Киңәшмәгә муниципаль район башлыгы Р. Г. Кәримов йомгак ясады.

10-11 ноябрь көннәрендә Түбән Кама шәһәренең "Шинник" спорт комплексында, җиңел атлетика буенча Идел буе шәһәрләре балалар-яшүсмерләр спорт мәктәбе директоры Ю. Г. Жадовский истәлегенә багышланган матч очрашуы узды. Зәйнең "Барс» балалар-яшүсмерләр спорт мәктәбендә тәрбияләнүче Герасимов Кирилл 800 метр дистанциядә 1 урын, 1500 метр дистанциядә 2 урынны алды. Тренеры Лисов В. В.

8-10 ноябрь көннәрендә Казан шәһәрендә нәфис гимнастика буенча Россия шәһәрләре арасында "Башкала" турниры узды. Ярышларда "Яшьлек" балалар һәм яшүсмерләр спорт мәктәбендә тәрбияләнүчеләр катнашты. Нәтиҗәләр: 2011 елгы яшь категориясендә (23 катнашучы) Москова София 7 урын, Хөснетдинова Румия 9 урын, 2012 елгы яшь категориясендә (24 катнашучы) Акимова Елена 7 урын, Тихонова Арина 8 урын, 2013 елгы яшь категориясендә(7 катнашучы) Хуҗина Мәлика 3 урын, 2009 елгы яшь категориясендә (16 катнашучы) Зайцева Анна 9 урын, 2009-2010 елгы яшь категориясенә күрүчеләрнең төркем күнегүләрендә "Яшьлек» командасы 4 нче урын, 2012 нче елгылар төркеме күнегүләре буенча 6 нчы урынны яулады.

Атна саен үткәрелә торган шимбә азык-төлек ярминкәләре зәйлеләр арасында аеруча популяр, бигрәк тә өлкән буын вәкилләре анда яратып йөри. 10 ноябрь ярминкәсендә зәйлеләргә тагын кулай бәяләрдән бай ассортиментлы товар тәкъдим ителде. Ярминкәдә муниципаль район башлыгы урынбасары В.Г. Акатьев, район Башкарма комитеты җитәкчесе урынбасарлары П.А.Байрашев , А.В.Чапков, шәһәр башкарма комитеты башлыгы С.В. Максимов, авыл хуҗалыгы һәм азык-төлек идарәсе башлыгы А.Н. Галиәхмәтов катнаштылар һәм андагы сату-алу эше белән якыннан таныштылар.

10 ноябрьдә видеоконференция режимында ТР Президенты Р. Н.Миңнеханов катнашында республика киңәшмәсе булды. Видеоконференциядә торак төзү һәм социаль объектларны (мәктәпкәчә балалар учреждениеләрен, ФАПлар, амбулаторияләр, сырхауханәләр, клублар, спорт мәйданчыкларын) төзү буенча республика программаларын гамәлгә ашыру, инвестицияләнгән гражданнар тарафыннан гамәлгә ашырыла торган торак төзелешенең проблемалы объектларын төзеп бетерү, Татарстан Республикасы муниципаль берәмлекләрендә юл эшләренең торышы, агросәнәгать комплексы мәсьәләләре каралды. Видеоконференция эшендә муниципаль район башлыгы вазыйфаларын башкаручы В. Г. Акатьев,  башкарма комитет җитәкчесе вазыйфаларын башкаручы П.А. Байрашев,шәһәр башкарма комитеты башлыгы С.В.Максимов, авыл хуҗалыгы һәм азык-төлек идарәсе җитәкчесе А.Н. Галиәхмәтов, предприятие, оешма, учреждение, подрядчы оешма җитәкчеләре катнашты. Видеоконференциягә йомгак ясап, В.Г. Акатьев җитәкчеләргә һәм җаваплы хезмәткәрләргә  алдагы атнада башкарылачак эш планы буенча күрсәтмәләр бирде.

2018 елның 14 ноябрендә «БЕРДӘМ РОССИЯ» Бөтен Россия сәяси партиясенең Татарстан төбәк бүлеге җәмәгатьчелекне кабул итү бүлмәсендә (адресы: Ленин урамы, 2 йорт, «Энергия» стадионы) Зәй шәһәре Советы депутаты Дубровина Ольга Ивановна гражданнарны шәхсән кабул итәчәк. Кабул итү вакыты 15.00 сәгатьтән 16.00 сәгатькә кадәр. Алдан язылу 8(85558) 7-30-94 телефоны буенча.

2018 елның 9 ноябрендә Зәй шәһәре башлыгы урынбасары Е. В. Недошивина, шәһәр һәм район Советы аппаратының һәм башкарма комитетының җаваплы хезмәткәрләре, идарә, оешма җитәкчеләре, шәхси милекчеләр ширкәте рәисләре һәм массакүләм мәгълүмат чаралары вәкилләре катнашында, Зәй муниципаль районы Зәй шәһәре Советының җир мәсьәләләре, экология һәм торак- коммуналь хуҗалыгы мәсьәләләре буенча даими комиссиясе утырышы булды. Утырышны җир, экология һәм торак - коммуналь хуҗалыгы мәсьәләләре буенча даими комиссия рәисе, 13 нче Раштуа округы буенча депутат, «Җир төзелеше бюросы» ҖЧҖ директоры Әгъләмов Рәсил Васил улы үткәрде. Утырышның көн тәртибенә 2 мәсьәлә кертелгән иде. Доклад белән Зәй муниципаль районы финанс-бюджет палатасы рәисе Шакирҗанова Венера Энгель кызы, Зәй шәһәре башлыгы урынбасары Е. В. Недошивина чыгыш ясады. Зәй муниципаль районы Зәй шәһәре Советының чираттагы утырышына түбәндәге мәсьәләләрне кертергә карар ителде: 1. Татарстан Республикасы Зәй муниципаль районы Зәй шәһәре Советының «Физик затларның милкенә салым турында» 2014 елның 14 ноябрендәге 182 номерлы карарына үзгәрешләр кертү турында; 2. «Татарстан Республикасы Зәй муниципаль районы Зәй шәһәре муниципаль берәмлеге территориясен төзекләндерү кагыйдәләрен раслау турында карар проекты хакында".

«Коррупциягә каршы иҗат» республика конкурсы башланды. «Коррупциягә каршы иҗат» республика иҗади эшләр конкурсында 30 яшькә кадәрге укучылар, студентлар һәм эшләүче яшьләр вәкилләре катнаша ала. Конкурста катнашучылар үз эшләрен 4 юнәлештә тәкъдим итә алалар: видеоролик, инфографика, рәсем һәм иҗади эш. Соңгы юнәлеш коррупциягә тискәре мөнәсәбәтне чагылдыра торган теләсә нинди эшләрне үз эченә ала, мәсәлән, открытка, шигырь, флешмоб, квест һ.б.лар. Ярышларда җиңүчеләр диплом һәм призлар алачак, ә аларның эшләре министрлыкның коррупциягә каршы чараларның реклама кампанияләрендә кулланылырга мөмкин. Конкурс материаллары 2018 елның 16 ноябренә кадәр министрлыкның яңа бинасында, түбәндәге адрес буенча кабул ителә: Казан шәһәре, Сафьян урамы, 5 йорт, 307 бүлмә яки электрон почта буенча protivcorrupcii@gmail.com. җибәрергә мөмкин. Бер катнашучыдан гаризалар саны чикләнмәгән. Җиңүчеләрне жюри башкарма һәм закон чыгару хакимияте, иҗтимагый берләшмә вәкилләре һәм иҗади эшләр булдыру өлкәсе экспертлары билгеләячәк. Конкурс положениесендәге эшләр һәм бәяләү критерийлары белән түбәндәге сылтама буенча танышырга мөмкин: http://bit.ly/protivcorrupcii. Оештыручыларга сорауларны protivcorrupcii@gmail.com электрон почтасы аша җибәрергә һәм +79377786108 телефоны буенча хәбәр итәргә мөмкин.