Зәй шәһәрендә «Талантлар фабрикасы» II балалар иҗаты фестиваль - конкурсының гала-концерты узды

2018 елның 12 декабрендә " Энергетик» мәдәният йортында Зәй муниципаль районында «Талантлар фабрикасы» II фестиваль - конкурсының гала-концерты узды. Шәһәр һәм районның 408 иң талантлы баласы әлеге конкурста катнашты. Жюри хөкеменә 120 иҗади номер тәкъдим ителде. Музыка җитәкчеләре, тәрбиячеләр һәм балалар бергәләп «Вокал-соло», «Вокаль ансамбль», «Хореография сәнгате», «Конферансье», «Театр иҗаты», «Нәфис сүз»номинацияләрендә чыгыш ясадылар. «Каенкай» балалар бакчасы коллективы Гран-прига ия булды. Һәр номинациядә җиңүчеләргә 1,2,3 дәрәҗәдәге дипломнар һәм кыйммәтле бүләкләр тапшырылды. Зәй муниципаль районы Башкарма комитеты җитәкчесе Илнар Фәнил улы Хафизов барысын да шушы күркәм бәйрәм белән котлады, талантлы балаларга иҗади уңышлар теләде.