"Россия Федерациясе Конституциясе дәресе”

2018 елның 12 декабре, чәршәмбе

11 декабрь көнне Зәй шәһәренең 2 нче урта мәктәбендә Россия Федерациясе Конституциясе кабул ителүгә 25 ел тулу уңаеннан, «Россия Федерациясе Конституциясе дәресе»темасына лекция үткәрелде. 11 сыйныф укучылары алдында Зәй шәһәре прокуроры ярдәмчесе А. Ө. Әбдуллина чыгыш ясады. Ул РФ Конституциясен кабул итү тарихы, аның структурасы турында сөйләде, шулай ук ТР Зәй шәһәр прокуратурасында Конституциянең нигезләмәләре һәм нормалары кулланыла торган практикасыннан мисаллар китерде. Прокурор ярдәмчесе А. Ө. Әбдуллина өлкән сыйныф укучыларын, илнең Төп Законы таләпләрен бозу очраклары килеп чыкканда, җаваплылыкка тарту мөмкинлеге булуы турында тагын бер кат кисәтте, укучыларны кызыксындырган барлык сорауларга җаваплар бирде.