ЯҢАЛЫКЛАР

2019 елның 14 мартында хакимиятнең кече залында Зәй муниципаль районының террорчылыкка каршы комиссиясенең чираттагы утырышы узды. Утырышта сәүдә объектларының террорчылыкка каршы яклануын тәэмин итү, аларны категорияләү һәм паспортлаштыру сроклары турында фикер алыштылар: әлеге эшнең барышы турында сәүдә йортлары һәм шәһәрнең сәүдә үзәкләре вәкилләре хәбәр итте.

13 март көнне Зәй шәһәрендә Савельевлар үзләренең 60 яшьлек гаилә юбилейларын билгеләп үтте.Аларны Зәй муниципаль районы ГХАТ бүлеге баш белгече Г.А. Гыйззәтуллина һәм район мәдәният йорты автоклубы хезмәткәрләре котлады.

Бүген хакимиятнең зур залында район башлыгы Р. Г. Кәримов җитәкчелегендә аппарат киңәшмәсе узды. Аппарат киңәшмәсе башында район башлыгы яңа кадрлар билгеләнеше белән таныштырды.

Агитация компаниясен дәвам итеп, «Легенда 17» педагогик отряды сугышчылары район мәктәпләренә бардылар. Сыйныф сәгатьләрендә штаб сугышчылары укучыларга педагогик отряд, "Күңелле җәй" балалар ишегалды лагеренда эшләү һәм вожатый осталыгы мәктәбе турында сөйләделәр.

Бүген хакимиятнең кече залында Зәй муниципаль районы башлыгы Р. Г. Кәримов рәислегендә Коррупциягә каршы көрәш буенча эшне координацияләү комиссиясе утырышы узды. Район контроль-хисап палатасының 2018 елдагы эшчәнлеге нәтиҗәләре турында палата рәисе, муниципаль норматив-хокукый актлар һәм норматив хокукый актлар проектларына коррупциягә каршы экспертиза үткәрү нәтиҗәләре, 2018 елда коррупциягә каршы бәйсез экспертиза үткәрү нәтиҗәләре һәм норматив-хокукый проектларны районның рәсми сайтында урнаштыру турында район Советының юридик бүлек башлыгы мәгълүмат бирде. Муниципаль казна учреждениеләре һәм муниципаль унитар предприятие башлыклары тарафыннан район Башкарма комитеты карамагындагы оешмаларда мәнфәгатьләр конфликты фактларына анализ ясалды. «2015 – 2020 елларга Зәй муниципаль районының коррупциягә каршы сәясәтен гамәлгә ашыру» муниципаль программасының 2018 елда үтәлеше барышын район башлыгының коррупциягә каршы көрәш мәсьәләләре буенча ярдәмчесе яктыртты. Комиссия рәисе комиссия утырышына йомгак ясады һәм көн тәртибендәге һәр пункт буенча үз кисәтүләрен һәм йөкләмәләрен җиткерде.

Бүген Казанда Татарстан Республикасы Президенты каршындагы Эшкуарлык Советының 11 нче киңәйтелгән утырышы узды, аның эшендә Зәй районы башлыгы Разиф Кәримов катнашты. Утырыш республиканың үзмәшгуль эшкуарлары өчен мөмкинлекләр булдыру, эшкуарлык инициативасын стимуллаштыру, үзмәшгульләр үсеше өчен сыйфатлы шартлар булдыру темалары буенча әңгәмә формасында узды. Исегезгә төшерәбез, Татарстан үзмәшгуль гражданнар өчен яңа салым режимын кертү буенча пилот проектында катнаша (4 мартка булган мәгълүматлар буенча, 4 128 кеше теркәлгән).Совет утырышы кысаларында шулай ук банклар белән эшләгәндә үзмәшгуль эшкуарлар өчен куркынычны киметү, үзмәшгульләр сыйфатында чит ил гражданнарын теркәү,үзмәшгульләрнең дәүләт сатып алуларында катнашуы,үзмәшгуль затларның юридик затлар белән хезмәттәшлеге,«Ак Барс» банкының үзмәшгуль эшкуарлар өчен мөмкинлекләре мәсьәләләр каралды.

2019 елның 11 мартыннан Зәй шәһәрендәге автовокзалдан Зәй-2 бистәсе үзәгенә кадәр хәрәкәт итәчәк 1-нче номерлы яңа автобус маршруты эшли башлады. ПАЗ маркалы бу автобус көн саен иртәнге 07:00дән башлап, һәр сәгать саен җибәреләчәк һәм агропромпаркта тукталыш ясаячак.

Аксар авылында яшәүче Шәйдуллина Мөнибә Әхмәтхан кызы 90 яшьлек юбилеен билгеләп үтте. Юбилярны олы бәйрәме белән котларга район башлыгы урынбасары Акатьев Валерий Григорьевич, Аксар авыл җирлеге башлыгы Гыйльманов Юрий Исмәгыйль улы һәм район мәдәният йорты автоклубы хезмәткәрләре килде.Ветеран хөрмәтенә матур теләкләр, яраткан җырлар яңгырады, истәлекле бүләкләр тапшырылды.

«Энергетик» мәдәният йорты мәйданында православие дине тотучыларның – Май чабу бәйрәме  узды. Кунакларны уен-көлке, җыр-бию, такмаклар һәм тәмле коймаклар белән каршы алдылар. Чарада Зәй муниципаль районы башлыгы Разиф Кәримов котлау сүзе белән чыгыш ясады.Күңел ачу уен мәйданчыкларында дәвам итте. Анда катнашучылар төрле конкурс, спорт ярышларында бик теләп көч сынаштылар. Бәйрәм кунаклары өчен «Рус мичләре»күргәзмәсе тәкъдим ителде. Конкурста шәһәрнең 15 балалар бакчасы катнашты. Бәйрәм ахырында традиция буенча «Кыш» белән хушлашу һәм “Яз" килүен символлаштыру булды.

6 март көнне Сөббух Рафыйков исемендәге Зәй үзәк китапханәсендә, районының алыштыручы гаиләләре өчен "Әниеңә елмаю бүләк ит!» дигән бәйрәм-күңел ачу программасы булып узды.