ЯҢАЛЫКЛАР

Зәй политехник көллиятендә көллият студентлары студент отрядларының Татарстан төбәк бүлеге вәкилләре белән очрашты. Әлеге очрашуның махсус кунаклары - Татарстан Республикасы Студентлар отрядлары штабы командиры Фәрит Шәяхмәтов һәм Татарстан Республикасы Студентлар отрядлары штабы комиссары Алия Адиева булды. Очрашу кысаларында балаларга Татарстанда студент отрядларының хәрәкәте, эш юнәлешләре, хезмәт проектлары, эш шартлары, объектларда яшәү шартлары турында сөйләделәр.

23 март көнне зәйлеләр Нәүрүз бәйрәмен билгеләп үтә.Бәйрәм программасы «Энергетик»мәдәният сарае мәйданында сәгать 10да башланачак. Бәйрәм кунаклары «Сөйкемле Шүрәле» иҗади эшләр күргәзмәсен, авыл мәдәният учреждениеләре чыгышын, шулай ук спорт-күңел ачу уеннарында катнаша алачак. Моннан тыш, зәйлеләр өчен ярминкә дә эшләячәк, сәхнәдә - рус һәм татар телләрендә концерт программасы, фольклор-театральләштерелгән тамаша күрсәтеләчәк.

20 март көнне Дурт - Мунча авылында яшәүче Зәйнәп Гыйльметдин кызы Гәрәева 90 яшьлек юбилеен билгеләп үтте. Юбилярны котларга район башлыгы вазыйфаларын башкаручы Валерий Григорьевич Акатьев килде, ул Зәйнәп Гыйльметдин кызына Россия Президенты Владимир Путин исеменнән котлау открыткасы һәм истәлекле бүләкләр тапшырды, иминлек, сәламәтлек һәм күңел тынычлыгы теләде. Зәйнәп Гәрәева адресына Дурт- Мунча авыл җирлеге башлыгы Радик Ситдыйков, күршеләре, балалары, оныклары Һәм оныкчыклары исеменнән иң җылы теләкләр яңгырады. Автоклуб хезмәткәрләре юбилярга иң матур җырларын бүләк иттеләр.

19 мартта Татарстан Республикасы Авыл хуҗалыгы һәм азык-төлек министрлыгында авыл хуҗалыгы культураларын иминләштерү мәсьәләсе буенча киңәшмә узды. Шуны әйтергә кирәк, игенчелеккә куркыныч очраклары янарга мөмкин булган төбәкләр өчен агроиминләштерү аеруча мөһим, безнең республика да шундый төбәкләргә керә. Чәчүлекләрне иминләштерү авыл хуҗалыгы җитештерүчеләренә үз эшчәнлекләрендә югалтуларны киметергә мөмкинлек бирә. Киңәшмәдә шул хакта сөйләшү булды. Фикер алышуда Татарстан Республикасы авыл хуҗалыгы һәм азык-төлек министры урынбасары Илдус Габдрахманов, Татарстан Республикасы Авыл хуҗалыгы һәм азык-төлек министрлыгының игенчелек тармакларын үстерү бүлеге башлыгы Ирек Садыйков, «РСХБ-Страхование» иминләштерү компаниясе” АҖенең Татарстан Республикасы филиалы җитәкчесе Санкова, «ВСК» САО Казан филиалы директоры урынбасары Светлана Луговнина, «Согласие» иминләштерү компаниясе” ҖЧҖенең Татарстан Республикасы филиалы корпоратив иминләштерү бүлеге башлыгы Айрат Хәкимов һәм «Талисман» иминләштерү берләшмәсе АҖенең корпоратив иминләштерү бүлеге башлыгы Юлия Сорокина катнашты. Очрашу барышында яклар “Агроиминләштерү өлкәсендә дәүләт ярдәме турында” 2011 елның 25 июлендәге 260-ФЗ номерлы Федераль законга һәм “Авыл хуҗалыгын үстерү турында” Федераль законга үзгәрешләр кертелүгә бәйле рәвештә, Татарстанда агроиминләштерүне үстерү перспективалары турында сөйләштеләр, иминләштерү продуктларына тәкъдимнәрне карадылар һәм агмыдагы елга авыл хуҗалыгы культураларын үстерүнең төп юнәлешләрен билгеләделәр. Искәртеп узабыз, Татарстанда агроиминләштерү өлкәсендә дәүләт ярдәме программасы эшли, аның кысаларында авыл хуҗалыгы продукциясе җитештерүчеләре иминият премияләрен түләүгә чыгымнарның 95%ына кадәр кайтара алалар. Авыл хуҗалыгы продукциясе җитештерүчеләре агроиминләштерү өлкәсендәге дәүләт ярдәме мәсьәләләре буенча министрлыкта (843)221-76-38, 221-76-88 телефоннары аша консультация алырга мөмкин.

19 мартта Ветеринария академиясендә «Карьера көне» уздырылды. Чара Татарстан Республикасы Авыл хуҗалыгы һәм азык-төлек министрлыгы белгечләре белән берлектә югары уку йорты җитәкчелеге тарафыннан махсус 4 һәм 5 курс студентлары өчен үткәрелде. «Карьера көне» кысаларында студентлар булачак эш бирүчеләр – авыл хуҗалыгы товар җитештерүчеләре белән очраштылар, алар үзебезнең республиканыкы гына түгел, ә башка төбәкләрдән дә иде. Очрашуны ачып, “Казан дәүләт ветеринария медицинасы академиясе” югары белем бирү ФДБМУ ректоры Рөстәм Равилов шундый чараларның бик әһәмиятле булуын билгеләп үтте, алар студентка булачак эш урынын ачыкларга һәм агросәнәгать комплексында яшь белгечне беркетергә ярдәм итә, диде ул. Татарстан Республикасы Авыл хуҗалыгы һәм азык-төлек министрлыгының фән, мәгариф һәм инновацион технологияләр бүлеге башлыгы Наил Хәмидуллин авылда яшь белгечләргә ярдәм итү программалары турында сөйләде. «Югары уку йортын тәмамлап, авылга яшь белгеч буларак эшкә кайтучы министрлыктан 300 мең сумс күләмендә «подъемные» ала, шулай ук эш урыны буенча айлык төп хезмәт хакына ел дәвамында ай саен Россия Федерациясе территориясендә хезмәт өчен минималь түләү (МРОТ) күләмендә (2019 елның 1 гыйнварыннан – айга 11 280 сум) өстәмә түләнә», - диде Наил Хәмидуллин. Чарада 50дән артык эш бирүче катнашты, алар арасында «Ак Барс Холдинг» АҖ, «Красный Восток» АҖ, «Агросила Групп» (Агрокөч Төркемнәр) АҖ, «Чаллы Бройлер» ҖЧҖ, «Алтын Нива» ҖЧҖ, Кайбыч районыннан “Кубня» АФ” ҖЧҖ, Питрәч районыннан «Әсән» ҖЧҖ, «АК Барс кошчылык комплексы» ҖЧҖ, Минзәлә районыннан «Заиковский» ҖЧҖ, Ютазы районыннан «Агромир» ҖЧҖ, Чирмешән районыннан «Ильхан» ҖЧҖ, Баулы районыннан «Имекәй РМЭ исемендәге совхоз” ҖЧҖ, «Кызыл Яр» ҖЧҖ, Арча районыннан «Игенче» АФ» ҖЧҖ, «Кырлай» АФ» ҖЧҖ, «Кырлай агрофирмасы» ҖЧҖ, Балтач районыннан «Кызыл Юл» АХҖК, Әлмәт районыннан «Н.Е. Такарликов” исемендәге АҖ, «Племзавод Семеновский» РМЭ” ЯАҖ, «Племзавод Шайбулаковский» РМЭ” АҖ, Арча районыннан «Ак Барс агрокомплексы» ҖЧҖ, «Көньяк сөтчелек компаниясе» ҖЧҖ һәм башкалар бар иде. Алар үз оешмалары турында җентекле мәгълүмат бирделәр, яшь белгечләр өчен хезмәт шартлары, вакансияләр һәм перспективалар турында сөйләделәр. Республика авыл хуҗалыгы идарәләренең ветеринария берләшмәләре һәм вәкилләре бюджет өлкәсендә белегечләргә ихтыяҗ турында, ә шәһәр ветеринария хезмәтләре, лабораторияләр, фәнни-тикшеренү учреждениеләре вәкилләре үз өлкәләре турында сөйләделәр. Чыгышлардан соң студентлар индивидуаль тәртиптә эш бирүче оешмаларның вәкилләре белән якыннан аралаштылар. Ветеринария академиясен тәмамлап чыгучыларга агросәнәгать комплексы өлкәсендә ихтыяҗ зур. Күпчелек эш бирүчеләр яшь белгечләрне үзләренә студент елларыннан ук җәлеп итәргә тырышалар. Шуны әйтергә кирәк, академиядә, министрлык белән бергәләп, уку йортын тәмамлап чыгучыларны эшкә урнаштыру буенча зур эш алып барыла: ел саен «Карьера көннәре», конкрет эш бирүчеләр белән индивидуаль очрашулар, түгәрәк өстәлләр үткәрелә. Бу яшь белгечне белгечлеге буенча беркетүгә генә түгел, ә яшьләргә, академияне тәмамлап чыгуга, эшкә урнашырга һәм уңышлы карьера ясарга һәм тормышта үз урынын табарга ярдәм итә. Белешмә өчен: “Казан дәүләт ветеринария медицинасы академиясе” югары белем бирү ФДБМУ - агросәнәгать комплексы өчен югары квалификацияле махсус югары уку йорты, ул Татарстан Республикасы өчен генә түгел, ә Россия Федерациясе һәм ерак һәм якын чит илләр өчен дә белгечләр әзерли. Ветеринария академиясен тәмамлап чыгучыларга агросәнәгать комплексы өлкәсенең хезмәт базарында ихтыяҗ шактый зур. Югары уку йортын тәмамлап чыгучылар, ветеринария табиблары, эпизоотологлар, технологлар, ветеринария-санитария экспертлары һ.б. булып, үз теләкләре белән авыл хуҗалыгы оешмаларына җибәреләләр. 2019 елда 209 белгеч укып чыга, шул исәптән: • «Ветеринария» белгечлеге буенча - 124; • «Ветеринария-санитария экспертизасы» юнәлеше буенча - 33; • «Зоотехния» юнәлеше буенча - 30; • «Җитештерү технологиясе һәм авыл хуҗалыгы продукциясен эшкәртү» юнәлеше буенча - 22.

Депутатлар контроле кысаларында, 2019 елның мартында Зәй муниципаль районы Зәй шәһәре Советы депутатлары эшче яшьләр өчен үткәрелүче чараларда катнашырга планлаштыралар. Әлеге чаралар, план буенча, Зәй-2 микрорайонының яшьләр үзәгендә һәм «Аркадия»тернәкләндерү үзәгендә үткәреләчәк. Зәй-2 яшьләр үзәгендә ату, туризм, керлинг буенча дәресләр узачак, "Аркадия» тернәкләндерү үзәгендә исә «Идарә итү күнекмәләрен үстерү»тренингы үткәрү каралган.

Россия Федерациясе Авыл хуҗалыгы министрлыгы ярдәмендә Эксперт эшче төркем тарафыннан 2025 елга кадәр Россия Федерациясендә Ат үрчетү стратегиясе проекты эшләнде. Проект үзебезнең атчылыкны үстерү мәсьәләләрен системалы хәл итүне, аның ресурслар һәм финанс белән белән тәэмин ителешен күздә тота. Россия атчылыгы алдында аны тотрыклы үстерү, үзебезнең илдә үрчетелә торган атлар токымнарының генофондын саклап калу һәм камилләштерү, эчке һәм тышкы базарларда аларның конкуренциягә сәләтен арттыру буенча стратегик максат тора. Бу бурычны хәл итү өчен ат заводларының һәм ипподромнарның җитештерү инфраструктурасын үстерү, атчылыкны финанс ягыннан тәэмин итү, шулай ук югары сыйфатлы үзебезнең токымлы атларны булдыру исәбенә авыл хуҗалыгы продукциясен җитештерүнең тотрыклы үсешен булдыру өчен эшләр башкарылачак. Стратегиянең төп максатларыннан берсе - илдәге атлар санын 2018 елдагы 1,4 миллионнан 2025 елга 1,6 миллионга җиткерү. Шушы чорга атлар санын арттыру нәтиҗәсендә соңгы 12 елда  атлар санын арттыру темпыннан 2 мәртәбә артыграк булачак дип көтелә. Стратегия проектында нәселле һәм продуктив атчылыкны, ипподром инфраструктурасын һәм илкүләм атлар тотализаторын үстерүгә, тармакны фәнни һәм кадрлар белән тәэмин итүгә ярдәм итеп башкару күздә тотыла. Билгеләнгән чараларны финанслау федераль һәм төбәк бюджетлары, хосусый инвесторлар һәм кредит оешмалары акчалары исәбенә тәэмин ителәчәк. Дәүләт ярдәме селекция чараларын уздыруга бәйле тотылган чыгымнар өлешен каплауга субсидияләр бирү рәвешендә гамәлгә ашырылачак. Моннан тыш, атчылык объектларын һәм ипподромнарны модернизацияләү максатларында дәүләт-хосусый партнерлык проектларына ярдәм итү механизмын куллану планлаштырыла. Бүгенге көндә Россия Федерациясе Авыл хуҗалыгы министрлыгы һәм профессиональ атчылар берлеге, атчылык буенча иҗимагый оешмалар вәкилләре белән бергә проект буенча фикер алышуны дәвам итәләр, аның соңгы варианты 2019 елның 1 июленә кадәр раслауга кертеләчәк. Стратегия проекты буенча тәкъдимнәр һәм искәрмәләр Атчылыкны үстерү ассоциациясе тарафыннан www.ark-rf.ru сайтында кабул ителә.

Бүген Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов Татарстан Республикасы делегациясе составында Таҗикистан Республикасына эш сәфәре барышында Гиссар шәһәрендә "Абдрауф Юсупов" исемендәге терлекчелек хуҗалыгында булды, биредә ул сөт эшкәртү ысуллары белән танышты. Шунда ук Гиссарда Марат 2006 елда төзелгән "Таҗикистан бәйсезлегенең 15 еллыгы" исемендәге декхан (фермер) хуҗалыгында булды. Ул монда слива һәм алмагач бакчаларын карады һәм Таҗикистан коллегаларының тәҗрибәсе белән танышты. Белешмә өчен: Гиссар районы – Таҗикистанның көнбатышында урнашкан республика әһәмиятендәге районнарның берсе. Ул Кафирнаган һәм аның кушылмасы Ханки елгалары үзәнлеге буйлап көньяктан төньякка таба тар полоса булып сузылган. Районда шулай ук Зур Гиссар каналы урнашкан. Районның төньяк районын Гиссар сырты таулары биләп тора, көньягында - Гиссар үзәнлеге тигезлеге. Административ үзәге – борынгы Гиссар шәһәрчеге. Аңа 1932 елда нигез салынган һәм ул 1951 елга кадәр Сталинабад өлкәсенә кергән. Район икътисадының күпчелеген аграр тармак тәшкил итә. Тигезлектә игенчелек белән шөгыльләнәләр, таулы төбәкләрдә - терлекчелек белән.

Татарстан Республикасы Зәй муниципаль районында Мәдәният елы кысаларында «Дөньякүләм мәдәният маршрутлары»дигән әдәби-агарту проекты старт алды. Проектны оештыручылар – мәдәният һәм мәгариф идарәсе.

2019 елның 27 мартында 10.00 сәгатьтән 12.00 сәгатькә кадәр Зәй шәһәрендә Крупской урамы, 6 нчы йорт (киңәшмәләр залы) адресы буенча, Россия Федерациясе Федераль Собраниесе Дәүләт Думасы депутаты А. Н. Хәйруллин гражданнарны кабул итә. Алдан язылу 8(85558) 7-30-94 телефоны буенча.