ЯҢАЛЫКЛАР

2019 елның 27 мартында 10.00 сәгатьтән 12.00 сәгатькә кадәр Зәй шәһәрендә Крупской урамы, 6 нчы йорт (киңәшмәләр залы) адресы буенча, Россия Федерациясе Федераль Собраниесе Дәүләт Думасы депутаты А. Н. Хәйруллин гражданнарны кабул итә. Алдан язылу 8(85558) 7-30-94 телефоны буенча.

Татарстан Республикасының Архив эше буенча дәүләт комитеты тарафыннан “Минем шәҗәрәм” республика генеалогик тикшеренүләр конкурсы игълан ителде. Ул 2019 елның 20 мартында башлана. Конкурсның максаты – нәсел-нәсәп өйрәнү традицияләрен саклап калуга һәм устерүгә ярдәм итү, буыннар дәвамылылыгын ныгыту, җәмәгатьчелектә тарих белән кызыксынуны үстерү, халыкны архив чыганаклары белән эшләүгә җәлеп итү. 2018 елда бу конкурс республика архивчылары тарафыннан уздырылган иде инде. Ул Татарстанда һәм читтә яшәүче ватандашларыбыз арасында зур кызыксыну уятты. “Минем шәҗәрәм” республика генеалогик тикшеренүләр конкурсы турындагы боерык һәм нигезләмә белән Татарстан Республикасының Архив эше буенча дәүләт комитетының рәсми сайтында, “Грантлар, архив конкурслары” бүлегендә яки http://arhiv.tatarstan.ru/rus/file/pub/pub_1792070.pdf сылтамасы буенча узып танышырга мөмкин.

2019 елның 19 мартында «БЕРДӘМ РОССИЯ» партиясенең җирле иҗтимагый кабул итү бүлмәсендә түләүсез юридик ярдәм көне узды. Кабул итүне пенсия фонды, суд приставлары бүлеге, БТИ, нотариус һәм адвокат алып барды. Белгечләргә барлыгы 15 кеше мөрәҗәгать итте. Шәһәр һәм район халкы пенсия белән тәэмин итү, мирасны рәсмиләштерү, башкарма производстволар буенча түләүләр, балконны законлаштыру, сәүдә урынын сүтү тәртибе турында сораулар белән мөрәҗәгать итте.

Бүген Зәй муниципаль районы башкарма комитеты җитәкчесе И. Ф. Хафизов, Зәй шәһәре Башкарма комитеты җитәкчесе С. В. Максимов, Зәй районы буенча Эчке эшләр министрлыгының җәмәгать тәртибен саклау буенча полиция башлыгы урынбасары В. В. Архипов катнашында хокук саклау пунктларының эше тикшерелде.Тикшерү барышында хокук тәртибен саклау  пунктларының матди базасын яхшырту мәсьәләсе каралды.

2019 елның 19 мартында хакимиятнең зур залында Башкарма комитет җитәкчесе И.Ф. Хафизов  җитәкчелегендә, районының гомуми белем бирү оешмалары җитәкчеләре һәм балалар бакчалары мөдирләре белән берлектә киңәйтелгән киңәшмә узды.

Бүген сәгать 12.00 Чистай шәһәренең Яшьләр үзәгендә "Бердәм РОССИЯ " партиясенең региональ сәяси советы президиумының күчмә утырышы булды. Партиянең Зәй җирле бүлегеннән күчмә утырышта "Бердәм РОССИЯ" партиясенең Татарстан Республикасындагы депутатлар берләшмәләренең республика координация советы әгъзасы Валерий Акатьев катнашты.

19 мартта муниципаль район Башлыгы вазыйфаларын башкаручы В. Г. Акатьев, авыл хуҗалыгы һәм азык-төлек идарәсе башлыгы Ф. Т. Камалиев, сөт-товар җитештерү комплекслары җитәкчеләре, зооветеринария белгечләре катнашында чираттагы тикшерү үткәрелде. Тикшерү барышында терлекләрне кышлатуның барышы, сөт җитештерүендә технологик процессларны алып бару, җитештерү күрсәткечләрен үтәү белән таныштылар, механик остаханәләрне, машина-трактор паркын карадылар. Бүгенге көндә җитештерү комплексларының барлык бүлекчәләрендә быел чәчү эшләрендә катнашучы авыл хуҗалыгы машиналарын агрегатлаштыру һәм комплектлау эше бара. Шулай ук тракторларны Дәүләт техник тикшерүенә әзерләүгә керештеләр.

15-17 мартта Казанда Татарстан Республикасының Аграр яшьләр берәшмәсе Татарстан Республикасы Авыл хуҗалыгы һәм азык-төлек министрлыгы, Татарстан Республикасы Яшьләр эшләре министрлыгы белән берлектә «2014-2020 елларга Татарстан Республикасы авыл яшьләре» ярдәмче программасын гамәлгә ашыру кысаларында Яшь эшкуар (яңа эш башлаучы фермер) мәктәбендә укулар узды.

2019 елның 22 мартында 9.00 сәгатьтән 16.00 сәгатькә кадәр Татарстан Республикасында Бала хокуклары буенча вәкаләтле вәкил Аппаратында телефоннар буенча «Кайнар линия» эше оештырылачак 8(843) 236-61-26, 236-61-24, 236-61-49.

15-17 март көннәрендә спорт-сәламәтләндерү комплексының спорт залында Татарстан Республикасы «Сәламәтлек» XVI авыл Спартакиадасы кысаларында, авыл районнарының ирләр командалары арасында волейбол буенча Татарстан Республикасы Чемпионаты узды (2 нче зона). Әлеге ярышлар Татарстан Республикасының «Авыл яшьләре» XI җәйге авыл спорт уеннары финалында катнашу өчен сайлап алу туры булып тора. Ярышларда 15 команда катнашты. Уен нәтиҗәләре буенча 1 урынны Сарман районы командасы, 2 урынны Минзәлә районы командасы, 3 урынны Актаныш районы командасы алды.