ЯҢАЛЫКЛАР

2019 елның 12 апрелендә хезмәт мәсьәләләре буенча халык өчен «Кайнар линия» телефоны эшләячәк, аның кысаларында Татарстан Республикасында Кеше хокуклары буенча вәкаләтле вәкил аппараты хезмәткәрләре, Татарстан Республикасында Дәүләт хезмәт инспекциясе һәм Татарстан Республикасы Һөнәр берлекләре федерациясе хезмәткәрләре гражданнарга хезмәт хокукларын яклау мәсьәләләре буенча консультация бирәчәкләр. "Кайнар линия" телефонының эш вакыты: 09.00-17.00 сәгатькә кадәр, телефоны: (843) 236-00-71.

Район хуҗалыклары авыл хуҗалыгы техникасын ремонтлауны тулысынча төгәлләделәр.  Авыл хуҗалыгы һәм азык-төлек министрлыгы боерыгы нигезендә, агросәнәгать комплексы оешмаларын язгы кыр эшләренә вакытында әзерләүне тәэмин итү максатларында, район башлыгы Кәримов Разиф Гали улы, Татарстан Республикасы Авыл хуҗалыгы һәм азык - төлек министрлыгы вәкилләре-министрның инженер-техник сәясәт буенча урынбасары Таһирҗанов Тәлгать Галимҗан улы, Агросила Групп вәкилләре, Дәүләт техник күзәтчелеге, Россельхозцентр вәкилләре һәм авыл хуҗалыгы идарәсе белгечләре катнашында конкурс узды. Район башлыгы Кәримов Разиф Гали улы җитәкчелегендәге комиссия «Восток», «Зәй шикәре», «Зәй», «Нива» агрофирмаларының бүлекчәләрен йөреп чыкты. Алар техниканың язгы кыр эшләренә әзерлеген, хезмәтне саклау таләпләрен үтәүне, авыл хуҗалыгы машиналарын агрегатлаштыруның сыйфатын, агрофирмаларның эш планы нигезендә әзерлек дәрәҗәсен билгеләделәр. Барлык тракторлар да мәйданда бер рәткә тезелде. Оешмаларның чәчү эшләренә әзерлек дәрәҗәсен билгеләгәндә комиссия хуҗалыкларның язгы кыр эшләрен уздыруга әзерлек дәрәҗәсенең бәяләү күрсәткечләренә таянып эш итә. Әзерлек шундый критерийлар буенча бәяләнә: тракторларга техник карау узу, күчмә ремонт звеносы булу, техник хезмәт күрсәтү пунктының эше, хезмәтне саклау буенча расланган инструктажлар, Министрлар Кабинеты һәм хезмәтне саклау буенча документлар булу, барлык технологик процессларны үтәү, орлык материалының әзерлеге, чәчү нормаларын үтәү, орлыкларның ялгану тирәнлеге, агрегатның тизлеге, кырларның культурасын арттыру. Очрашу вакытында механизаторларга хезмәткә түләү бәясен аңлаттылар, язгы кыр эшләрендә мәшгуль хезмәткәрләрне стимуллаштыру турында нигезләмәне җиткерделәр. Конкурс нәтиҗәләре иртәгә игълан ителәчәк. Язгы кыр эшләрен уңышлы башкару өчен безнең районга 1 га сөрүлеккә 20 кг. исәбеннән 1852 тонна һәм чөгендер чәчү өчен 1 гектарга 20 кг. исәбеннән 1852 тонна ташламалы дизель ягулыгы бүлеп бирелгән.

2019 елның 9 апрелендә Башкарма комитет җитәкчесенең инфраструктура үсеше буенча урынбасары Н. А. Нифатов, Башкарма комитет һәм торак ширкәте милекчеләре вәкилләре катнашында күп фатирлы йортларны капиталь ремонтлауны контрольдә тоту буенча күчмә киңәшмә узды. 2019 елда 15 күпфатирлы йортта капиталь ремонт планлаштырылган. Бүгенге көндә шуларның 12сендә эшләр бара инде. Тикшерүнең төп максаты-җитештерелә торган эшләрнең сыйфатын тикшерү, хезмәтне саклау нормаларын һәм куркынычсызлык техникасын үтәү. Тикшерү нәтиҗәсендә кисәтүләр ачыкланмаган, барлык эшләр дә җитештерү графигы буенча гамәлгә ашырыла.

5 апрель көнне район мәдәният йортында үткән фестиваль- конкурста өч гаилә: Сәвәләй авылыннан Носковлар гаиләсе (Сәвәләй мәдәният йорты), Иске Маврин авылыннан Богомазовлар гаиләсе(авыл клубы), Якты Күл авылыннан Әхмәтовлар гаиләсе(Якты Күл мәдәният йорты) катнашты. Конкурс 4 номинация буенча узды: 1."Иҗат",2."Минем яраткан гаиләм" (үзе турында сөйләгәннән фотопрезентация),3."Гаилә реликвиясе" (иҗади презентация белән гаилә реликвиясе турында хикәя), 4."Гаиләнең яраткан ризыгы" (ризык күрсәтү, аны ничек әзерләү һәм аш-су тарихы турында сөйләү). Барлык гаиләләр дә үзләренең осталыкларын, тырышлыкларын һәм артистлыкларын күрсәттеләр. 15 нче майга кадәр конкурс барлык авыл мәдәният йортларында да үтәчәк.

“Язгы игелек атнасы " кысаларында мөмкинлекләре чикләнгән 9 нчы мәктәп укучылары өчен хореография, вокал һәм рәсем буенча мастер - класслар үткәрелде. Балалар хореография буенча «Падеграс» тарихи-көнкүреш биюен, вокал буенча җыр вакытында дөрес сулыш алуны өйрәнделәр, рәсем буенча «язгы кошлар»аппликациясен ясадылар. Алар бик күп яңа һәм кызыклы нәрсәләр белделәр, мастер-класслар уңышлы үтте, балалар канәгать калды.

6 апрель көнне Пусташит авылында яшәүче Кудряшов Геннадий Трофимович үзенең 90 яшьлек юбилеен билгеләп үтте. Ветеранны олуг юбилее белән котларга Зәй муниципаль районы башлыгы урынбасары В. Г. Акатьев, авыл җирлеге башлыгы Д. В. Насретдинов, район мәдәният йорты муниципаль бюджет учреждениесе автоклубы хезмәткәрләре килде, Геннадий Трофим улының туганнары һәм якыннары җыелды. Юбиляр хөрмәтенә иң җылы котлаулар һәм теләкләр яңгырады, автоклуб хезмәткәрләре башкаруында ветеран яраткан җырлар яңгырады, истәлекле бүләкләр тапшырылды.

6 апрель көнне Зәй шәһәренең спорт-сәламәтләндерү комплексында спорт остасы В. П. Николаев истәлегенә багышланган гер спорты буенча республика ярышлары булып узды. Зәй спортчыларының нәтиҗәләре: кечерәк кызлар арасында 53 кг. га кадәр авырлык категориясендә (9 катнашучы): 1 нче урын - Абдуллаева Эмилия, 2 нче урын - Шәйгәрданова Рүзинә. 53 кг. нан артык авырлык категориясендә (6 катнашучы): 1 нче урын - Әхтәмова Фәйрүзә. 63 кг. нан артык авырлык категориясендә өлкән кызлар арасында (4 катнашучы): 1 нче урын - Гатина Алсу. Өлкән егетләр арасында 85 кг. га кадәр авырлык категориясендә (3 катнашучы): 2 нче урын - Николаев Станислав, 3 нче урын - Таймасов Александр. 85 кг. артык авырлык категориясендә (3 катнашучы): 3нче урын-Игнатьев Игорь. 2003 елгы һәм кечерәк егетләр һәм кызлар арасында команда зачетында: 1 нче урын - Зәй районы,2 нче урын-Минзәлә районы, 3 нче урын - Азнакай районы. Команда зачетында 1нче урын-Ютазы районы, 2нче урын-Минзәлә районы, 3 нче урын-Зәй районы.

5-7 апрель көннәрендә Түбән Кама шәһәрендә көрәш буенча Данил Галиев истәлегенә багышланган XXVI республика ярышлары булып узды. 65 кг авырлык категориясендә Дмитрий Левашов тренер-укытучы Фәйзуллин Р. Н. җитәкчелегендә 2 нче урынны алды. Гомумкоманда зачетында Зәй шәһәре командасы 4 нче урынга лаек булды.

3-6 апрель көннәрендә Казан шәһәренең бадминтон үзәгендә Татарстан Республикасы укучылары спартакиадасы исәбенә бадминтон буенча шәхси – команда беренчелеге узды. Уеннар ялгыз, парлы һәм катнаш разрядларда узды. Әлеге ярышларда «Барс» спорт мәктәбе укучылары да катнашты, (тренер Минһаҗев А. Р.). Үз төркемендә Зәй районы командасы 3 нче урынны алды.

Зәй аграрийлары язгы кыр эшләренә керештеләр. Бүген «Сәвәләй» җитештерү комплексы кырларында көзге культураларны тукландыру башланды. Механизаторлар һәм җитештерү комплекслары белән идарә итүче белгечләр алдында район башлыгы Р. Г. Кәримов, «Агрокөч» АҖ баш агрономы Р. М. Хәбибрахманов, авыл хуҗалыгы һәм азык-төлек идарәсе башлыгы Ф. Т. Камалиев һәм башкалар чыгыш ясадылар. Район имам - мөхтәсибе Фатыйх хәзрәт Нуруллин үзенең догалары белән кыр эшләренә хәер-фатихасын бирде. Бүгенге көндә районга орлык, минераль ашламалар кайтару дәвам итә. Ашламаны авиациядән башка кертү өчен, «Барс» яңа авыл хуҗалыгы техникасы сатып алынган. Һава шартлары уңай булу сәбәпле, районның барлык хуҗалыкларында да бу эшне кыска агротехник срокларда башкарып чыгу мөмкинлеге бар.