Күп фатирлы йортларны капиталь ремонтлау район җитәкчелеге контролендә

2019 елның 9 апрелендә Башкарма комитет җитәкчесенең инфраструктура үсеше буенча урынбасары Н. А. Нифатов, Башкарма комитет һәм торак ширкәте милекчеләре вәкилләре катнашында күп фатирлы йортларны капиталь ремонтлауны контрольдә тоту буенча күчмә киңәшмә узды. 2019 елда 15 күпфатирлы йортта капиталь ремонт планлаштырылган. Бүгенге көндә шуларның 12сендә эшләр бара инде. Тикшерүнең төп максаты-җитештерелә торган эшләрнең сыйфатын тикшерү, хезмәтне саклау нормаларын һәм куркынычсызлык техникасын үтәү. Тикшерү нәтиҗәсендә кисәтүләр ачыкланмаган, барлык эшләр дә җитештерү графигы буенча гамәлгә ашырыла.