ЯҢАЛЫКЛАР

Яшьләр идарәсе авыл яшьләре арасында талантлы егет-кызларны барлау максатында "Без талантлар эзлибез" иҗат конкурсы игълан итте. Аның беренче туры -урыннарда, икенчесе район мәдәният йортында узачак. Әлеге җәһәттән Дүрт-Мунча, Түбән Биш авыл җирлекләре мәдәният йортлары, Әхмәт авылы клубларында бәйге башланды.

Казанда Бөтенроссия фән олимпиадаларының төбәк туры дәвам итә. Бу көннәрдә республика мәктәпләреннән җыелган уку алдынгылары математика буенча олимпиадада көч сынашты.

Талантлы яшьләрне дәүләт тарафыннан яклау, интеллектуаль потенциалны үстерү максатыннан ил, республика Хөкүмәте студентлар, аспирантлар өчен махсус стипендияләр билгеләү турында карарлар кабул итте. Әлеге югары бүләккә лаек булу өчен студентларга күп тырышырга, яхшы уку өстенә, төрле дәрәҗә олимпиадалар, конкурсларда, һөнәри осталык бәйгеләрендә эксперименталь, фәнни-тикшеренү эшләрендә катнашып, җиңү яуларга кирәк.

"Ялта-Зәй" чаңгы базасында ярышлар тынып тормый. Узган ялларда биредә чаңгы буенча Татарстан Республикасы укучыларының IX спартакиадасы үтте. Анда 39 командада 300гә якын яшь чаңгычы көчен сынады. Зәй данын 4 малай һәм 4 кыз яклады. Спартакиадада катнашучылар арасында берничә ел көч сынашучылары да, яңалары да бар.

«Зәй - Универсиаданы каршылап» акциясе дәвам итә. Кичә аның кысаларында татар гимназиясендә символик утны тантаналы төстә тапшыру чарасы үтте. Анда гимназиянең спорт сөючеләренә политехник колледжның спортта зур уңышлар яулау-чыларыннан торган делегация факел тапшырды.

Кичә Кремльдә ТР Дәүләт киңәшчесе Минтимер Шәймиев тантаналы төстә тарихи һәм мәдәни истәлекле урыннарны, һәйкәлләрне яңарту уңаеннан төзелгән "Возрождение" фондына зур өлеш кертүчеләргә Рәхмәт хатлары, хәйрия эшчәнле-генә алынучылар исемнәре аталган китапның 3нче томын тапшырды.