Хәбәрлер
Чаңгы юлларында
"Ялта-Зәй" чаңгы базасында ярышлар тынып тормый. Узган ялларда биредә чаңгы буенча Татарстан Республикасы укучыларының IX спартакиадасы үтте. Анда 39 командада 300гә якын яшь чаңгычы көчен сынады. Зәй данын 4 малай һәм 4 кыз яклады. Спартакиадада катнашучылар арасында берничә ел көч сынашучылары да, яңалары да бар. Чаңгычылар "Ялта-Зәй"дәге үзгәрешләргә таң калды. Мондый бөтен таләпләргә җавап бирүче трассаны күргән юк иде әле, ди малайлар-кызлар. Трассаларны әзерләү өчен базаның махсус техникасы бар. Трасса буйлап кечкенә чыршылар кадап чыгылган. Яктыртылган юлларда спортчыларга кичләрен дә әзерлек узарга мөмкин. Беренче көнне чаңгычылар 5 километр арага - классик, икенче көнне кыска арага - спринт, өченче көнне 10 километр арага ирекле стильдә узышты. Классик һәм ирекле стильдә узышта "Чаңгычы" спорт мәктәбеннән Екатерина Никандрова көмеш медальгә лаек булды.