ЯҢАЛЫКЛАР

Өлкәннәр көне уңаеннан районда пенсия яшендә булган мөхтәрәм затларыбызны хөрмәтләү чаралары оештырыла. Тырыш хезмәт куеп, лаеклы ялга чыккан кешеләребезнең кайберләре эшләгән оешма, предприятиеләрнең бүген яшәүдән туктаганнары да аз түгел.

Зәй мәдәният учреждениеләре чираттагы иҗат сезонын ача. Мирный бистәсендәге шәһәр мәдәният йорты яңа сезонны Урман хезмәткәрләре көненә багышлап ачкан булса, район мәдәният йортында (Иске Зәй бистәсе) ул 18 октябрьдә “Музыкаль калейдоскоп” дип аталган программа белән ачылачак.

Күренекле дин эшлеклесе, табиб, язучы һәм мәгърифәтче Таҗетдин Ялчыголның тууына 250 ел. Әлеге уңайдан Зәйдә чаралар оештырыла.

Район Советының мәгариф, мәдәният, спорт, сәламәтлек саклау һәм милли мәсьәләләр буенча даими депутат комиссиясе утырышында балаларның дәресләрдән соң тормышын мавыктыргыч, файдалы итү чаралары, яман шеш авыруларын ачыклау мөмкинлекләре темалары каралды.

«Уңайлы йорт» торак милекчеләре ширкәте юбилейлары булган хезмәт, сугыш ветераннарын даими игътибар үзәгендә тота. Ширкәт рәисе Римма Никифорова бу көннәрдә хезмәт һәм сугыш ветераны Наил Хәйретдиновның хәл-әхвәлен белешеп, 85 яшьлек юбилее белән котлады. Әлеге буын хөрмәтләүгә лаек - алар илгә җиңү таңын якынайтты.

Агымдагы елның 8 аенда районда икътисад өлкәсендә 25 җинаять ачыкланган, шуларның 5се – коррупция юнәлешендә. Коррупциячел җинаять кылган өчен 4 вазифаи зат җаваплылыкка тартылган.