ЯҢАЛЫКЛАР

2011дән 2015 елга кадәр Зәй районында “Сабыйларга җылылык һәм уңайлылык бүләк итәбез” муниципаль программасы уңышлы эшли. Бүгенге көнгә әлеге программаны тормышка ашыру кысаларында 92 миллион 500 мең сум акча тотылды. Аның 25 миллион сумы - республика, 29 миллион 500 мең сумы - җирле бюджет һәм 38 миллион сумы бюджеттан тыш чараларны җәлеп итү белән бәйле.

“Ялта-Зәй” чаңгы базасында республиканың яшь чаңгычылары уку-күнекмәләр уза. Бу көннәрдә алар арасында кросс һәм роликларда ярышлар оештырылды. 10 километр арага чаңгы-роллерда узышта Петр Коронов җиңүче булды, Вилдан Салихов - II, Илнур Ахунҗанов III урын алды.

Бүген, 14 июль көнне район мәдәният йортында кәгазьдән бәйләмнәр ясау буенча мастер-класс үтте. Оештыручылар әйтүенчә әлеге чарада балалар гына түгел зурлар да зур кызыксыну белән катнаштылар.Чөнки әлеге гүзәл композиция белән барлык өй җиһазларын да бизәргә була.

Зәйдә үткән Питрау бәйрәмендә гер күтәрү, армспорт, аркан тартышу, милли көрәш бәйгеләре оештырылды. Гер күтәрүдә яшьләрдән Роман Тугашев, 80 кг. да Николай Захаров, 80 килограммнан югары үлчәүдә Дмитрий Имашев алдынгы булды. Кул көрәшендә ир-егетләрдән Чаллы егете Булат Әхмәтшин, хатын-кызлардан зәйле Елена Терентьева җиңде.

Бүгенгесе көнгә районның 21 терлекчелек биналарында төзекләндерү эшләре дәвам итә. “Зәй шикәре” агрофирмасының Сәвәләй бүлекчәсенең 200 башка исәпләнгән терлекчелек бинасында сөт үткәрү җайланмасы урнаштырылды.
Шунда ук 4 тоннага исәпләнгән суыту җайланмасы куела

15 июльдә ЮХИДИ бинасында көндезге сәгать 1дән 2гә кадәр зәйлеләрне шәхси мәсьәләләр белән Татарстан Республикасы буенча Эчке эшләр министрлыгының ЮХИДИ идарәсе башлыгы Рифкать Миңнеханов кабул итә.

Күптән түгел Зәйдә «CarIess AngeI MCC» исемле мотоклуб барлыкка килде. Әлеге оешма ике тәгәрмәчле атта чабу белән генә чикләнеп калмыйча шәһәр иҗтимагый тормышына яңа сулыш кертергә тели. Аңа күпкенә чараларда катнашу, кызыклы очрашулар үткәрү һәм сәламәт тормыш алып баруны пропагандалау керә.

12 июльдә Зәйдә Питрау бәйрәме үтте.
Питрау белән бәйләнешле бик күп әйтем-сынамышлар әле дә халыкта киң кулланыла һәм алар нигездә дөрес тә: “Питрау үтте – җәй бетте”, “Питраудан соң кошлар сайрамый”, “Питраудан соң сандугачның теле бетә, үләннең тәме бетә”, “Питрауга чаклы үләннең шифасы – чәчәктә, Питраудан соң – тамырда”, “Булса аяз Питрау көн – булыр яшел печәнең, Питрауның яңгырлы булуы –кырда печән черүе”, “Әгәр Питрауга бер атна кала күке кычкырудан туктамаса, көз тиз килер, Питрау үткәч тә бер атна кычкырса, көз озак булыр”.

Зәй районының барлык авыл мәдәният йортлары, клублары каршында балаларның көндезге ял лагерьлары эшли. Әлеге лагерьлар икенче сменада эшен алып бара. Якты Күл, Югары Мәлем, Дүрт-Мунча, Куш-Елга мәдәният йортлары клуб хезмәткәрләре – бу юнәлештәге эшчәнлектә иң активлар.

“Татнефтедор” автомобиль юллары идарәсенең Зәй филиалына 60 миллион сумлык Кытайда эшләнгән асфальт-бетон заводы кайтартылуы турында хәбәр иткән идек. Кытай белгечләре җитәкчелегендә Зәй филиалы эшчеләре аны оешманың элеккеге асфальт-бетон заводы биләмәсендә урнаштырып монтажладылар.