ЯҢАЛЫКЛАР

Районда урып –җыю кызу темплар белән алып барыла. 30 июльгә барлык мәйданның 26 проценты суктырып алынган. 27,9 мең тонна ашлык суктырып алынган, уңыш һәр гектардан 27, 2 центнер тәшкил итә.

15 июльдән шәһәребезнең боз сарае спорт мәйданчыгында яшьләр командалары арасында шәһәр беренчелегенә ярышлар үткәрелә. Ярышларда 12 команда катнаша.

Зәйлеләр терлек азыгы әзерләүгә дә игътибарны киметми. Бүгенге көнгә сенаж - 55600, печән - 10100, салам 3500 тонна әзерләнгән. Салам әзерләүчеләр комбайннар артыннан ук махсус тракторлар белән сыйфатлы килеш аны пресслап бара.

30 июльдә шәһәр мәдәният йортында “Сугышка юк!” – дигән темага рәсем күргәзмәсе үтте. Чараның максаты – иҗат активлыгын арттыру һәм патриотик хистә тәрбияләү. Чара барышында алып баручы балаларга хәзерге тормышның рәхәтлеге турында, әлеге тормышны төзүдә әби-бабайларның өлеше, аларның батылыгы турында онытмауның әһәмиятен сөйләде.

Бүген Россия Федерациясе спорт министры Виталий Мутко Зәйдә булды. Бу очраклы түгел, быелның апрелендә Зәйдә булачак чаңгы һәм биатлон региональ үзәге проекты аның катнашында ТР Президенты вазифаларын башкаручы Рөстәм Миңнеханов һәм Премьер-министр Илдар Халиковка презентацияләнгән иде.

Районыбыз басу-кырларында яңа уңыш өчен көнне-төнне ялгап хезмәт тире түгү дәвам итә. Районыбыз механизаторлары һәр көнне урып –җыю темпларын арттыра бара. 29 июльгә район буенча бөртекле культуралар 8300 гектарда җыеп алынган, бу барлык мәйданның 21 процентын тәшкил итә. 22900 тонна икмәк суктырылган, уңыш һәр гектардан 27,7 центнер тәшкил итә.

Бүген Зәйдә Татарстанның кеше хокукларын яклау буенча вәкаләтлесе Сәрия Сабурская халыкны шәхси сораулары буенча кабул итте. Мөрәҗәгать белән керүчеләр тарафыннан күтәрелгән мәсьәләләрнең икесе авыр тормыш хәлендә калган балаларның IХ сыйныфтан соң тапшырыла торган дәүләт имтиханнарын бирә алмавына кагыла

“Ачыктан-ачык сөйләшү” акциясе Зәйнең Яңа шәһәрендә дә узды. Анда халык сорауларына район җитәкчелеге, депутатлар җавап бирде. Яңа шәһәрдә сораулар бирергә теләүчеләр аеруча күп булуы белән билгеләнде. Нигездә йортларны капиталь төзекләндерү, юлларны тәртипкә китерү, күпкатлы йортлар ишегалларындагы кайбер төзексез урыннарга борчылып мөрәҗәгать иттеләр.

28 июльдә туган якны өйрәнү музеенда 1914-1918 елларда барган беренче Бөтендөнья сугышы турында тарихи кичә булды. Ул сугышны Бөек дип атаганнар, чөнки сугыш калдырган җимерү һәм халәк булучылар саны буенча андый халәкәт беренче булган.

28 июльдә шәһәр мәдәният йорты хезмәткәрләре “Бәрәңге тарихы” турында уенлы бәйрәм үткәрделәр.Чараны алып баручы “Әкият” лагерында ял итүчеләр өчен бәрәңгенең кеше тормышындагы әһәмияте һәм аның бәяләп бетергесез кыйммәтле азык булуы турында сөйләде. Аның составында аксым, С витамины, йод, калий, углевод һәм башка кеше организмына кирәкле катнашмалар барлыгы турында әйтелде.