ЯҢАЛЫКЛАР

Бүген "Алнаши-Бөгелмә"тимер юлы аша юл үткәргеч төзү буенча район җитәкчелеге, "Главтатдортранс" ГКУ заказ бирүчесе,Татарстан Республикасы"Күперләр"ААҖ генподрядчысы һәм субподрядчигы катнашында атналык киңәшмә үткәрелде. Гомумән алганда, әлеге юллар озынлыгы якынча 720 метр тәшкил итә. Юл үткәргеч төзүнең төп максаты, алга таба шәһәр территориясен комплекслы үстерү, транспорт коммуникацияләрен арттыру, районыбыз шәһәр һәм авыллары арасында транспорт хәрәкәтен уңайландыру өчен эшләнелә. Бүгенге көндә 10 опорада эш дәвам итә, 100% свай сугылган, бетонлаштыру һәм монтажлау эшләре башкарыла. Барлык эш график тәртибендә алып барыла.

Иң якты бәйрәм – Яңа ел якынлаша. Шул уңайдан районыбызда 1 нче декабрьдән “Кышкы әкият” дип аталган конкурс игълан ителде. Конкурста сәнәгать предприятиеләре,кулланучылар базары, бюджет учреждениеләре, торак милекчеләре ширкәте, авыл җирлекләре һ.б катнашыр дип көтелә. Конкурс комиссиясе составында профессиональ рәссамнар, хакимият һәм массакүләм мәгълүмат чаралары вәкилләре бар. Аңа йомгак ясау 2015 елның 20 декабрендә булачак.

Юридик затларга һәм индивидуаль эшкуарларга дәүләт теркәве үткәрү процедурасы бераз гадиләште. Аларны бюджеттан тыш дәүләт фондларында теркәү 3 эш көнендә башкарылырга тиеш. Тулырак мәгълүматны Татарстан Республикасы икътисад Министрлыгы сайтында яки түбәндәге адрес буенча алырга мөмкин. http://mert.tatarstan.ru/rus/index.htm/news/495219.htm.

"Шатлык" социаль хезмәт күрсәтү учреждениесендә чираттагы ведомствоара социаль-тернәкләндерү консилиумы булды.Утырышны аның рәисе, Зәй муниципаль районы социаль яклау бүлеге башлыгы Э.Г.Хүҗина үткәрде. Утырышка вәкәләтле органнарның хезмәткәрләре һәм 2 гаилә чакырылган иде. Көн тәртибенә берничә сорау куелды: 1.Социаль куркыныч хәлдә булган гаиләләрне ачыклау; 2. Социаль тернәкләндерүдән төшерү мәсьәләсен карау.3. Балалар һәм гаиләләрне реабилитацияләүнең ведомствоара чаралары индивидуль планына төзәтмә һәм өстәмәләр кертү һәм башкалар. Утырыш ахырында 1 гаиләне социаль тернәкләндерүгә исәпкә кую, 1 гаиләне исәптән төшерү, өстәмә мәгълүмат тупларга кирәк булу сәбәпле, 4 гаиләне тикшерү алдагы утырышка күчерелде.

Бүген “Зәй шикәре” агрофирмасының “Родина”бүлекчәсендә авыл хуҗалыгы техникасын 2016 елгы кыр эшләре сезонына әзерләүгә багышланган республика киңәшмәсе булды. Киңәшмәдә ТР авыл хуҗалыгы министры урынбасары Тәлгать Таһирҗанов, “Агрокөч - Төркем” ЯАҖ генераль директоры Фәнис Газетдинов, район Башкарма комитеты җитәкчесе Илнар Хафизов , Актаныш, Минзәлә, Мөслим, Тукай, Сарман, Зәй районнары баш инженерлары, авыл хуҗалыгы идарәләренең механикалаштыру буенча консультантлары, дәүләт техник күзәтү инспекторлары катнашты.Семинарда сүз, авыл хуҗалыгы техникасын кышка саклауга кую һәм язгы кыр эшләренә әзерләүне тагын да яхшырту турында барды, аерым алганда машина-техника паркын яңар-ту, аны яңа техникалар белән тулыландыру, техникадан файдалану¬ның нәтиҗәлелеген күтә¬рү һ.б мәсьәләләр күтәрелде.

Шушы көннәрдә Биектауда РФСР һәм СССР спорт остасы Т. Г. Биккениева истәлегенә багышланган республика гер спорты ярышлары үтте. Ярышларда Татарстан республикасы шәһәрләре һәм районнарыннан 12 команда катнашты. Өлкән яшүсмерләр арасында (1997-1998елгылар) 85кг. нан артык авырлык үлчәмендә Артем Черкасов, 63 кг.га кадәрле авырлык үлчәмендә Данил Рябов, яшүсмерләр арасында 68 кг.га кадәрле авырлык үлчәмендә икенче урынны Владимир Горбунов, 4 нче урынны Даврон Абдувахитов алды.

Терлекләрне кышлату дәвам итә. Хуҗалыкларда бүген 16853 баш мөгезле эре терлек исәпләнә, шул исәптән 4407 савым сыер, 178 ат, 1700 баш сарык бар. Алар төзекләндерелгән 94 бинада урнаштырылган. Бүгенге көндә терлекләрне асрау һәм ашату өчен барлык төр шартлар тудырылганлыгы турында тулы ышаныч белән әйтергә мөмкин. 1- 15 нче ноябрьгә кадәр вакыт эчендә, район хуҗалыкларында савым үткән ел белән чагыштырганда 79 центнерга артты. Нәтиҗәдә, узган елның шул ук чоры белән чагыштырганда районда 108 тонна сөт күбрәк савылган. "Зәй шикәре"агрофирмасы сөт җитештерү буенча нәтиҗәле эшли. Мәсәлән “Родина” бүлекчәсе сөт җитештерүне 15 көнгә 950 кг. га артырган. Шулай ук, ел дәвамында бу өлкәдә “Зәй” агрофирмасының “Әхмәт”бүлекчәсе алдынгы урында булды. Бүгенге көндә хуҗалыкта көнгә 13 тонна сөт җитештерелә, бу исә узган ел белән чагыштырганда 172% тәшкил итә. Болар белән беррәттән, “Зәй” агрофирмасының Аксар һәм Бура-Киртә бүлекчәләре,”Зәй шикәре” агрофирмасының Төги һәм Сәвәләй бүлекчәләре, “Восток” агрофирмасының Дүрт-Мунча бүлекчәсе, “Нива” ҖЧШ ләре эшен уңай билгеләп үтәргә мумкин. Гомүмән алганда үткән ел белән чагыштырганда районның барлык сөт җитештерү комплекслары тагын да нәтиҗәлерәк эшлиләр. Бүген безнең төп бурыч тәүлеккә 100 тонна сөт савып алу һәм бөтен көчне шушы стратегик планны үтәүгә юнәлдерелгән булырга тиеш.

Мирный бистәсе мәдәният йортында “Балалар планетасы” дип аталган фильм күрсәтелде. Чарага “Миләшкәй” балалар бакчасына йөрүчеләр һәм аларның тәрбиячеләре чакырылган иде. Барлыгы 15 кеше катнашты. Мәдәният йорты хезмәткәрләре, балаларда кызыксыну уяткан бу эшне, алга таба да оештыру мөһимлеген ассызыкладылар.

Зәй муниципаль районында 500 нче бала тууы теркәлде. Ул 2015 нче елның 7 нояберендә Зәй шәһәрендә туган Зәйнуллина Лиана Рафик кызы. Лиана әтисе Рафик Ривгат улының һәм әнисе Миләүшә Илсур кызының икенче баласы. ГХАТ бүлеге мөдире Гөлфия Вәлишина танталы рәвештә Лиананың әти-әнисен котлап баланың беренче документын – туу турында таныклыгын тапшырды.

17 нче ноябрьдә Зәй шәһәре Советы рәисе урынбасары К.Х.Габидуллина рәислегендә Зәй шәһәре Советы утырышы узды. Утырышта муниципаль район башлыгы вазыйфаларын башкаручы В.Г.Акатьев, бюджет предприятиеләре вәкилләре, хокук саклау органнары, массакүләм мәгълүмат чаралары, социаль-мәдәни учреждениеләр җитәкчеләре һәм иҗтимагый оешмалар катнашты. Көн тәртибендә:Зәй муниципаль районы Зәй шәһәренең 2016 һәм 2018 елларда социаль-икътисади үсеше ; Зәй муниципаль районы Зәй шәһәренең 2015-2020 елларга һәм перспективада 2030 елга кадәр, коммуналь инфраструктура системаларын комплекслы үстерү программасы; “Зәй муниципаль районы Зәй шәһәре Советының 2016 елга бюджеты” турында карар проекты.(беренче укылыш); Татарстан Республикасы Зәй муниципаль районы, Зәй шәһәре Советы депутатының вәкаләтләрен вакытыннан алда туктатуы турында мөһим мәсьәләләр каралды.