ЯҢАЛЫКЛАР
Кичә район башлыгы Разиф Кәримов һәм Татарсан Дәүләт Советы депутаты Ильшат Әминов катнашында җыеннар Иске – Маврино һәм Сәвәләй авылы җирлекләрендә үтте.
2 февраль көнне Гулькино авылы җирлегендә район башлыгы Разиф Кәримов катнашында халык җыены үтте. Анда җирле үзидарәнең 2015 елда эшләгән эшләренә нәтиҗә һәм 2016 елга планнар тыңланылды. Шулай ук Кузайкино җитештерү комплексы җитәкчесе Мазуркин Александр Павлович, участок полиция бүлеге җитәкчесе Вадим Тимофеев чыгышлары тыңланылды.
3 февральдә “Шатлык” социаль- тернәкләндерү үзәгендә ял итүчеләргә үзәк китапханә хезмәткәрләре шагырь Николай Рубцов иҗатына багышланган танып белү сәгате үтте. Чарада катнашучылар шагырьнең тормыш юлы белән таныштылар, шигырьләр тыңладылар, видеофильм карадылар
Хәбәр иткәнебезчә, Зәйдә гражданнар оборонасы буенча өйрәнүләр бара. Бу көннәрдә шәһәрнең төрле объектларында гадәттән тыш хәлләр булган очракка әзерлек чаралары барлана. Шул уңайдан районда Россия Гадәттән тыш хәлләр министрлыгының Татарстан Республикасы буенча баш идарәсе эшче төркеме эшли.
3 февраль көнне Зәй шәһәрендә яшәп гомер итүче Рябова Мария Петровнаны гомер бәйрәме – 90 яшьлек юбилее белән котладылар. Верераннар Советы рәисе Марсель Хузин ветеранга Россия Президенты В.В. Путин исеменнән котлау открыткасы һәм исәлекле бүләк тапшырды,
Зәй муниципаль районында 50 нче бала тууы теркәлде. Ул 2016 нче елның 27 январендә туган Давыдов Роман Герман улы. Роман әтисе Герман Владимир улының һәм әнисе Карина Ринат кызының беренче баласы. ГХАТ бүлеге мөдире Гөлфия Вәлишина танталы рәвештә Романның әтисен котлап баланың беренче документын – туу турында таныклыгын тапшырды.
3-4 февральдә районда гражданнар оборонасы буенча уку-өйрәнүләр үтә. Куелган максат буенча, массакүләм мәгълүмат чаралары аша тиешле хәбәр җиткерелә. Телефон шалтырап, аны алгач, “өйрәнүләр” дигән сүз яңгыраганда, югалып калмаска кирәк, ди аны оештыручылар.
Зәйдә Идел буе федераль округы беренчелегенә чаңгы ярышлары башлана. 3 февральдә “Ялта Зәй” спортчылар әзерләү үзәгендә 1998-1999 елда туган яшьләр арасында 5-10 километрлы дистанциядә беренче ярышлар башлана.
Районда 17033 эре мөгезле терлек бар, шул исәптән 4407 савым сыеры. Тулаем савым 1890 тоннага җиткән, үткән ел белән чагыштырганда үсеш 12 процент тәшкил итә. Артым 205 тонна – 8% арткан. Ел башыннан 375 бозау алынган, 14 баш үлгән. Үлем-китем 60 процентка кимегән.
“Үзәк яңа ел чыршысын иң яхшы бизәү” Республика бәйгесе конкурс комиссиясенең утырышы булып узды. Аның нәтиҗәләре нигезендә, аерым номинацияләр буенча җиңүчеләр ачыкланды. “Административ үзәкләре республика билгеләнүендәге шәһәрләр булган муниципаль районнарда үзәк яңа ел чыршысын иң яхшы бизәү” номинациясендә Зәй чыршысы 2 урында, беренче Әлмәт, өченче – Бөгелмә.