ЯҢАЛЫКЛАР

Район ветеринария хезмәте төрле йогышлы авыруларга каршы көрәш чараларын үткәрүне дәвам итә. Үзәктә бу эшләр белән беррәттән, хайваннарны паспортлаштыру эше дә бара. Район халкы арасында, дуңгызларда африка чумасы авыруын булдырмауны кисәтү чаралары турында аңлату эше актив рәвештә алып барыла.

“Зәй шикәре” агрофирмасының “Родина “бүлекчәсе сөт комплексында яңа туган (3 айга кадәр)булган яшь бозаулар бөтен уңайлыклары булган йортта яшиләр. Аларның баш саны 150 гә кадәр җитә.

Бүген халыкны хезмәт белән тәэмин итү үзәгендә, оешмаларның эшкә кабул итү бүлеге хезмәткәрләре белән чираттагы очрашу булды. Алар арасында "Мефро уилз Руссия-Зәй заводы", район элемтә бүлеге, эчке эшләр идарәсе хезмәткәрләре бар иде. Очрашуда хезмәткә кагылышлы күп төрле мәсьәләләр каралды,үзара тәҗрибә уртаклашу булды.

Шушы көннәрдә “Энергетик” мәдәният сараенда өлкәннәр көненә багышланган “Диңгезгә сәяхәт” дип аталган чара үтте. Чараны оештыручылар өлкәннәрне бердәм диңгез униформасына киендерделәр . Программа тулысынча диңгез темасына багышланган иде. Бәйрәм өстәле янына җыелган ветераннар үзара аралашып, күңел ачтылар, хәтирәләрен яңарттылар.

Үткән сентябрь аенда Зәй шәһәренең ЗАГС бүлегендә 36 сабый теркәлде: 23 малай һәм 13 кыз. Иң кечкенә бала 2808, ә иң зуры – 4420 грамм. Иң яшь анага – 20, иң өлкән анага 42 яшь. Сентябрь аенда иң популяр исемнәр Валерия, Кира, Ислам, Никита. Сирәк очрый торган исемнәр Эсмира, Яким, Дархан.

Бүген хакимиятнең зур залында район башлыгы Р.Г.Кәримов җитәкчелегендә чираттагы аппарат киңәшмәсе үтте. Киңәшмәдә Зәй эчке эшләренең шәхси состав белән эшләү бүлеге башлыгы И.Н.Шакиров, авыл хуҗалыгы һәм азык- төлек идарәсе башлыгы А.Н.Галиәхмәтов, «Таттелеком» район элемтә бүлеге башлыгы Г.М.Будрин һәм башкалар чыгыш ясады. Киңәшмә барышында район башлыгы Зәй урман хуҗалыгы башлыгы вазыйфаларын башкаручы Р.Х.Иркашовны 50 еллык юбилее белән котлады.

Зәй шәһәре башлыгы урынбасары Е.Н.Недошивина Зәй-2 шәһәрендә яшәүче Кириллова Ефросинья Арсентьевнаны 95 яшьлек юбилее белән котлады. Чарада шулай ук автоклуб хезмәткәрләре дә катнашты.

Бүген хакимиятнең кече залында район башлыгы Р.Г.Кәримов рәислегендә Зәй муниципаль районының Икътисад Советы утырышы үтте. Утырышта Зәй «Нижнекамскгаз»ҖЧШенең Зәй бүлеге генераль директоры А.А.Йосыфов предприятиянең 8 айга булган эшчәнлеге белән таныштырды, соңыннан үзара фикер алышу булды.

Кичә «Корстон-Казан» сәүдә-күңел ачу комплексында, Татарстан Республикасы Президенты Рөстәм Миңнеханов Авыл хуҗалыгы һәм эшкәртү сәнәгате хезмәткәрләре көне уңаеннан республика алдынгыларын кабул итте. Авыл хуҗалыгы өлкәсендә ирешкән уңышлары өчен, “Зәй” агрофирмасы ҖЧШ директоры В.Ф.Егоровка “Татарстан Республикасының атказанган авыл хуҗалыгы хезмәткәре” дигән мактаулы исем бирелде.

1 нче октябрьда Арча районы Яңа Кырлай авылында 40 һәм 80 км арага исәпләнгән ат чабышлары буенча Россия Чемпионаты үтә.Бу чара “Ат көне” бәйрәме уңаеннан оештырыла. Арчада  үтүче бу ярышларда  зәйлеләрнең дә катнашуы көтелә.