ЯҢАЛЫКЛАР

29 нчы сентябрьне - Россия пенсия фонды бердәм пенсия грамотлылыгы көне,- дип игълан итте. Шул уңайдан бөтен ил күләмендә мәктәп балалары, урта һөнәри белем бирү учрежденияләре студентлары өчен пенсия белән тәэмин итү мәсьәләләре буенча дәресләр үткәрелде.Зәй пенсия фонды бердәм акциядә катнашып, мондый дәресләрне 1 нче һәм коррекцион мәктәпләрдә үткәрде.

Бүген хакимиятнең кече залында Зәй шәһәре Советынының законлылык, регламент һәм депутат этикасы буенча даими утырышы узды. Депутатлар көн тәртибендә ике мәсьәлә карады.Утырышта Зәй шәһәре башлыгы урынбасары Е.В.Недошивина катнашты.

Сәрәпәле авыл клубында “Картлык-шатлык булсын!”-дип аталган чара узды. Чарада катнашучыларны мәдәният бүлегенең автоклуб артистлары котлады. Артистлар башкаруындагы матур җырлар, өлкәннәр исеменә әйтелгән җылы сүзләр, алар күңелендә матур хәтирә калдырды.

Бүген «Корстон-Казан» сәүдә-күңел ачу комплексында Татарстан Республикасы Президенты Рөстәм Миңнеханов Авыл хуҗалыгы һәм эшкәртү сәнәгате хезмәткәрләре көне уңаеннан республика алдынгыларын кабул итте. Бәйрәм тантанасына муниципаль районнарның, агросәнәгать комплексы, азык-төлек һәм эшкәртү сәнәгате предприятиеләре хезмәткәрләре чакырылган иде. Бәйрәм кунаклары чара барышында «Корстон-Казан» сәүдә-күңел ачу комплексында авыл хуҗалыгы продукциясе күргәзмәсе белән таныштылар.

Шушы көннәрдә “Бөртеккәй” балалар бакчасында “Аз комплектлы балалар бакчаларында эксперименталь проект эшчәнлеге” дигән темага семинар узды. Анда Зәй, Сарман,Түбән Кама һәм Чистай шәһәрләреннән килгән балалар бакчаларында эшләүче педагоглар катнашты. Технологиянең төп бурычы – һәр баланың сәләтен, мөстәкыйльлеген һәм иҗатын үстерүгә нигезләнә.

Агрофирма “Восток” ҖЧШ дә авыл хуҗалыгы эшләрен алып баруга яраклы булган җирләр 32000гектар тәшкил итә. Хуҗалыкта эшләүчеләр бодай, терлекләргә азык- төлек, ит, сөт җитештерү һәм шикәр чөгендерү үстерү эшләре белән шөгыльләнәләр. Бүгенге көндә Бухарай бүлекчәсендә “Челленджер» тракторының «Хорш” агрегаты белән 210 гектар мәйданда туфрак эшкәртелде инде.

Бүген хакимиятнең зур залында Зәй муниципаль районы башлыгы Р.Г.Кәримов рәислегендә Шәһәр төзелеше советы утырышы узды. Утырыш барышында Җиңү Проспекты ,1/09”А” адресында урнашачак сәүдә объектының эскизын өйрәнү һәм Зәй-2 бистәсендә урнашкан “Мәктәп тавы” мәйданчыгын әйләндереп алу корылмасы эскизын презентацияләү мәсьәләләре каралды.

Бүген район башкарма комитеты җитәкчесе И.Ф.Хафизов Зәй шәһәрендә яшәүче, озак еллар Зәй районы башкарма комитете рәисе булып эшләгән Камалюков Минзәкрәм Садретдиновичны 80 яшьлек юбилее белән котлады. Чарада ветераннар Советы рәисе М.С.Хүҗин һәм автоклуб хезмәткәрләре катнашты.

Бүген район башлыгы Р.Г.Кәримов рәислегендә «Яшьлек» клубында хокук бозуларны профилактикалау буенча комиссия утырышы булды.Билгеләнгән көн тәртибе буенча, Россия Федерациясенең Зәй районы һәм Зәй шәһәре буенча эчке эшләр штабы башлыгы Р.Н.Кәбиров,19 нчы җинаять-башкарма инспекциясе башлыгы А.Р.Сәфиуллин,

Хөрмәтле җитәкче! Оешманың ябылуы, шәхси эшмәкәрләрнең үз эшчәнлекләрен туктатуы, оешмада штат һәм эшчеләр санын кыскарту турында, оешмалар 2 айдан, эшмәкәрләр 2 атнадан да соңга калмыйча халыкны эш белән тәэмит итү үзәгенә язма рәвештә хәбәр итәргә тиешләр. Тулы булмаган эш көне, яисә тулы булмаган эш атнасы режимы кертү турындагы мәгълүмат 3 көннән дә соңга калмыйча хәбәр ителергә тиеш. Шул шартларны төгәл үтәмәүче гражданнарга закон тәртибендә 100-300 сум, вазифаи затларга 300-500 сум һәм юридик затларга 3000-5000 сумга кадәр административ түләү каралган.