ЯҢАЛЫКЛАР

Татарстан Президенты сугышта катнашкан һәм аларга тиңләштерелгән 46 мең 177 кешене медаль белән бүләкләү турындагы указны имзалады. Татарстанда яшәүче Бөек Ватан сугышында катнашучылар һәм аларга тиңләштерелгән затларның барысы да республиканың «Фидакарь хезмәт өчен» медале белән бүләкләнәчәк.

Рамазан ае быел 16 майда башлана. Татарстан Президенты Рөстәм Миңнеханов карары белән Ураза һәм Корбан бәйрәмнәре даталары билгеләнгән. Агымдагы елда Ураза гаете - 15 июньдә, Корбан гаете 21 августта бәйрәм ителә.

Зәй районында язгы кыр эшләре тулы куәттә бара. Әлеге мөһим кампания район башлыгы Разиф Кәримовның ныклы контролендә.  Бүгенге көнгә 13700 гектар мәйданда - арпа, 1500 гектарда чөгендер чәчелгән. Көзге культуралар тукландыру -100, күпьеллык үләннәрне тукландыру исә 82 процентта башкарылган. Көзге культураларны тырмалау эше дәвам итә.

4 майда Сарман районы Җәлил бистәсендә кече шәһәрләр һәм районнар яшүсмерләр командалары арасында футбол буенча республика беренчелеге узды. Анда Җәлил бистәсенең “Җәлил” белән Зәйнең “Барс” командалары көч сынашты. Уен 1:2 исәбендә Зәй командасы файдасына узды. Команда тренеры - И. Р. Халиков.

17 майда Зәйгә Россия Федераль монополиягә каршы хезмәт идарәсенең Татарстан буенча җитәкчесе урынбасары Гүзәл Шәфигуллина эш визиты белән килә. Ул район җитәкчелеге белән эшлекле очрашу үткәрәчәк, мәктәпләрдә ачык дәресләр уздырачак, халык белән очрашып, предприятие яки сәнәгать мәйданчыгында булачак.

Экологик икеайлык барышында зәйлеләр санитар көннәрдә тирә-юнь территорияләреннән чүп-чарны җыештыралар.

Бүген районның социаль яклау идарәсе башлыгы Э.Г.Хүҗина Сарман районының Җәлил поселогы интернат йортында яшәүче хезмәт ветераны Татьяна Яковлевна Викторова янында булып, аны район башлыгы Р.Г.Кәримов исеменнән якынлашып килүче Җиңү көне белән котлады.

Зәй районында сугыш ветераннарын олылау дәвам итә. Бәйрәм уңаеннан Зәй муниципаль районы башлыгы урынбасары В.Г. Акатьев өч ветеранга Россия Президенты В.В. Путин исеменнән котлау открыткасы һәм район башлыгы Р.Г. Кәримов исеменнән бүләк тапшырды.

Бүген хакимияттә район башлыгы Р.Г.Кәримов рәислегендә Зәй муниципаль район Советының өченче чакырылыш 30 нчы утырышы үтте.

Шушы көннәрдә сугыш һәм хезмәт ветераны Тарасова Анна Михайловна үзенең 90 яшьлек юбилеен билгеләп үтте. Аны котлауда район Башкарма комитеты җитәкчесенең социаль мәсьәләләр буенча урынбасары А.В.Чапков һәм район мәдәният идарәсе автоклубы артистлары катнашты. Анна Михайловнага Россия Президенты В.В.Путинның котлау открыткасы һәм район башлыгы Р.Г.Кәримов исеменнән истәлекле бүләк тапшырылды.