Зәйдә музыкаль фонтан сезоны ачылды

Зәй районында мәдәният елы кысаларында Ринат Фәрдиев исемендәге ял һәм мәдәният паркында музыкаль фонтан сезоны ачылды. Бу урын хаклы рәвештә шәһәрнең төп истәлекле урыннарының берсе булып санала. Сәламләү сүзе белән Зәй муниципаль районы башлыгы урынбасары Валерий Акатьев чыгыш ясады. Чарада шәһәрнең артистлары һәм иҗат коллективлары: И. Чебаков, В. Агашкина, Ф. Миникәев, Т. Гәрәева, Б. Гришин, «Легенда», «Каприз», «Магия» хореографик ансамбльләре, «Елмаю» балалар хореографик коллективы катнашты. Бәйрәм финалында гаять зур «Лазер тамашасы» күрсәтелде.