ЯҢАЛЫКЛАР

Бүген Зәй районы ГХАТ бүлегендә 7 мәктәпнең 10 сыйныф укучылары өчен «Сер түгел» дигән темага түгәрәк өстәл үткәрелде.

Россия Федерациясе Авыл хуҗалыгы министрлыгының оператив белешмәләре буенча 6 майга тәүлеклек сөт савымы күләмнәре буенча Россия төбәкләре арасында иң югары күрсәткечләр Татарстан Республикасында – 3,5 мең тонна. Бу күрсәткеч буенча икенче урында Краснодар крае – 2,7 мең тонна, ә өченче урында Воронеж өлкәсе – 2,2 мең тонна. Тәүлеклек сөт сату күләмнәре буенча топ-10 төбәккә шулай ук түбәндәге өлкәләр керә: Киров (1,8 мең тонна), Свердловск (1,7 мең тонна), Новосибирск (1,7 мең тонна), Ленинград (1,6 мең тонна), Белгород (1,6 мең тонна), Мәскәү (1,5 мең тонна), Түбән Новгород (1,4 мең тонна), Вологда (1,3 мең тонна) һәм Рязань (1,1 мең тонна) һәм Төмән (1,1 мең тонна) өлкәләре. Илнең авыл хуҗалыгы оешмаларында бер сыердан уртача тәүлеклек савым 17,07 кг тәшкил итте, бу узган елның шушы датасына караганда 0,96 кг күбрәк. «Республикада 15 майга авыл хуҗалыгы оешмаларында тәүлеклек тулаем савым 3755,5 тонна тәшкил итә, бу узган елның шушы датасына караганда 146,1 тоннага күбрәк, ягъни 104,1% тәшкил итә». Сөт терлекчелеге - Татарстан агросәнәгать комплексының өстенлекле юнәлешләреннән берсе. Республикада сөт җитештерүгә һәм сатуга Министрлык тарафыннан күрсәтелә торган ярдәм аркасында уңай нәтиҗәләргә ирешелә.

“Урман әкияте” балалар бакчасының кече төркемендә тәрбияләнүчеләр редис һәм шалкан орлыкларын түтәлгә утыртырга өйрәнделәр. Тәрбияче балаларга чәчүлекләрне утыртканнан соң, аларны ничек карарга кирәклеге турында сөйләде, балалар бик теләп үзләре утырткан түтәлләргә су сиптеләр.

“Кояшкай” балалар бакчасында табигатькә, үсемлекләр дөньясына карата мәхәббәтне кечкенәдән тәрбиялиләр.Тәрбияче Әхмәдиева Г.И. үзенең нәниләрен бүлмә гөлләре белән таныштырды, аларны дөрес итеп тәрбияләргә, су сибәргә өйрәтте.

2019 елның 13 маеннан 17 маена кадәр ВИЧ-инфекцияне профилактикалау буенча «Кайнар линия» үткәрелә. Халыктан «Кайнар линия " гә килүче шалтыратулар (85558) 7-22-09 телефоны буенча, көн саен 8.00 дән 17.00 гә кадәр кабул ителә. Шулай ук, шушы көннәрдә ВИЧ-йогышы проблемасы буенча тәүлек буе эшли торган «Кайнар линия», Роспотребнадзорның бердәм консультация үзәге тарафыннан 8 800 5554943 телефоны буенча үткәрелә.

Экологик культура дәрәҗәсен күтәрү кысаларында «Бөртеккәй» балалар бакчасында «Табигатькә дус бул» дигән девиз астында рәсем конкурсы үткәрелде. Ул мәктәпкәчә яшьтәге балаларда табигать дөньясына һәм әйләнә – тирә дөньяга карата мәрхәмәтле, эмоциональ-уңай, сакчыл мөнәсәбәт тәрбияләү, балаларда рухи-әхлакый кыйммәтләр формалаштыру, мәктәпкәчә яшьтәге балаларның иҗади сәләтләрен, күзаллауларын һәм фантазияләрен ачу, мәктәпкәчә белем бирү һәм гаилә арасында иҗади хезмәттәшлеккә юнәлдерелгән иде. Конкурста барлык яшь төркемнәренең балалары катнашты. Эшләр төрле һәм кызыклы булды, алар әйләнә-тирәлеккә һәм экологик характердагы проблемаларга мөнәсәбәтне чагылдырдылар. Бу экология һәм әйләнә-тирәбездәге табигатьне саклау темасының өлкән буынга гына түгел, үсеп килүче буынга да аңлаешлы булуына ышаныч бирә. Шулай итеп, ышанып әйтергә була, мондый конкурслар кече яшьтән үк экологик культура элементларын формалаштырырга ярдәм итә, экологик белем бирүдә мөһим булып тора, чөнки иҗат процессында бала булган экологик хәлгә игътибар итә, киләчәк турында уйлана, проблемаларны тикшерә һәм өйрәнә, аны чишү юлларын таба.

 Баланың табигатькә кызыксынуы артса, экологик белеме дә акрынлап югарырак күтәрелә. Аларның кешенең табигатьтәге урынын бәяли, үз фикерен әйтә, шулай ук башка позицияне аңлый һәм кабул итә алуы аеруча мөһим. Бу чорда баланың шәхесе формалаша, шулай ук аның күңеленә табигатькә, әйләнә-тирә дөньяга карата уңай мөнәсәбәт салына. Балалар бакчасы, өзлексез экологик белем бирү системасының беренче звеносы булып тора. Шуңа күрә педагоглар алдына мәктәпкәчә яшьтәге балаларда табигатьтән рациональ файдалану культурасы нигезләрен формалаштыру бурычы очраклы гына килеп басмый. Балалар бакчасында экологик тәрбия бирү бөтен педагогик процесс дәвамында алып барыла. Шул максатларда, атна дәвамында балалар бакчасында тәрбияләнүчеләр белән төрле чаралар үткәрелде. Танып-белү активлыгын үстерү максатында алар тузганак артыннан күзәттеләр. Өлкән төркем балалары тузганакның -күп еллык дару үләне булуын, илебезнең бөтен территориясендә үсүен белделәр. Тузганакны кояш дип атау да очраклы түгел икәнлеген аңладылар, чөнки аның чәчәкләре сары төстә, түгәрәк һәм кояшка охшаган.

«Беренче чәчәкләрне саклагыз!» экологик акциясе беренчеләрдән булып «Кыңгырау» балалар бакчасында башланды. Акциянең максаты: юкка чыгу куркынычы янаган иртә чәчәк атучы үсемлекләр санын саклау, яклау һәм торгызу буенча экологик караш формалаштыру. Акция ата - аналарда да, балаларда да зур кызыксыну уятты. Шуңа күрә хәзер балалар тәрбиячеләр һәм ата-аналар белән бергә беренче чәчәкләрне сакларга кирәклеге турында белешмә әзерлиләр. Экологик тәрбия-мәгариф системасында төп юнәлешләрнең берсе, бу балалар аңына, карашларына һәм күзаллауларына турыдан- туры йогынты ясау ысулы. Балалар табигать белән аралашуга мохтаҗ. Алар табигатьне яратырга, күзәтергә, сакларга җиребезнең үсемлекләрсез яши алмавын аңларга өйрәнәләр. Чәчәкләр-ул матурлык кына түгел, тере табигатьнең бер өлеше дә, һәм аны һәрберебезгә сакларга кирәк!

2019 елда балигъ булмаганнар эшләре буенча комиссияләрнең җаваплы сәркатибләре "Балигъ булмаганнар белән рәхимсез мөгамәләне профилактикалау» буенча квалификация күтәрү программасында катнашуларын дәвам итәләр. Алар программа кысаларында күчмә семинарларда (2018 ел) һәм республика конференциясендә (2018 елның декабре) катнаштылар. Агымдагы елда эш вебинар кысаларында дәвам итә (10 вебинар узды).

Планетабызның яшел киләчәгенә без инде бүген үк өлеш кертә алабыз. Балаларны һәм яшьләрне әйләнә - тирә мохитне саклау эшчәнлегенә җәлеп итүнең бик яхшы ысулы-чәчәкләр, куаклар һәм агачлар утырту. "Аленка» балалар бакчасында ел саен үткәрелә торган «Чыгарылыш укучылары аллеясы» акциясе старт алды. Балаларның әти-әниләре бер клумбада роза куаклары утырттылар.