ЯҢАЛЫКЛАР

2019 елның 24 маенда Зәй политехник көллиятендә Зәй муниципаль районы яшьләре арасында эшмәкәрлекне популярлаштыру буенча очрашу узды. Очрашуда студентлар, үзмәшгуль гражданнар, шәхси эшмәкәрләр катнашты. «Татарстан Республикасы эшкуарлыкка ярдәм фонды» коммерциячел булмаган оешмасының төбәк вәкиле Дуболазова Юлия Ивановна «Эшкуарлык субъектларына ярдәм программалары һәм формалары» темасына чыгыш ясады.

“ Без табигать белән дус, безгә чүп-чар кирәкми” проекты кысаларында, “Колосок” балалар бакчасында көнкүреш калдыклары, аларның төрләре, үзлекләре турында әңгәмә алып барылды. Балалар ташландык материаллардан төрле әйберләр ясадылар.

Бүген «Энергетик» Мәдәният сараенда ТР Кама аръягы зонасы хөкемдарларының административ эшләрне һәм административ хокук бозулар турындагы эшләрне караганда барлыкка килгән сораулар буенча семинар-киңәшмәсе узды. Чараны Зәй муниципаль районы башлыгы урынбасары Валерий Акатьев ачты.

21 майдан 22 майга кадәр «Энергия» стадионында кече шәһәрләр һәм районнарның 2008-2009 елгы яшүсмерләр командалары арасында 2019 елгы футбол буенча Татарстан Республикасы беренчелеге узды (1 круг).

24 май көнне Чыбыклы гомуми төп белем мәктәбе укучылары территорияне җыештыру буенча өмәгә чыктылар. Уртак хезмәт берләштерә, ә күзгә күренеп торган нәтиҗә — чиста урамнар һәм юллар, җирле халыкның гына түгел, авыл территориясенә эләгүчеләрнең дә күңеленә хуш килә.

 24 майда Кадер урта гомуми белем бирү мәктәбендә файдалы яшелчәләрне һәм бакча җимешләрен яңа урынга күчереп утырттылар. Мәктәп яны участогы - ул үзенә күрә "Җир әлифбасы". Биредә балалар башлангыч сыйныфлардан башлап файдалы хезмәт күнекмәләре алалар, табигать белән кызыксыналар, үзләренең танып-белү сәләтләрен үстерәләр.

Бүген Бохарай төп гомуми белем бирү мәктәбендә «Мин һәм Табигать» дип исемләнгән тирә-як мохитнең экологик куркынычсызлыгына багышланган чаралар үткәрелде. 5 нче сыйныф укучылары иң актив булдылар. Алар плакатлар белән чыгыш ясадылар, аларда бөтен тереклеккә, әйләнә-тирә мохиткә карата кешелекле мөнәсәбәт һәм табигатьне саклау турында кайгыртуны күрсәтергә омтылыш чагылдырдылар.

24 нче майда шәһәрнең 6нчы мәктәбе территориясендә «ОМОН» экологик отрядында катнашучылар табигатькә сак караш тәрбияләү, җәмгыятьнең игътибарын урман ресурсларын саклау һәм яңадан торгызу проблемаларына җәлеп итү максатыннан «Үз агачыңны утырт» дигән чара үткәрделәр. Мәктәп укучылары утыртылган үсентеләр үсеп, планетабызны саклап калырга ярдәм итәр, яраткан мәктәбләренә бүләк булыр дип өметләнә.

2019 елның 23 маенда Р. Ш. Фәрдиев исемендәге татар гимназиясенең башлангыч сыйныф җитәкчеләре, җәйге чорда су объектларында, урманда, суда, юлда куркынычсызлык кагыйдәләрен үтәү максатыннан, башлангыч сыйныф укучылары белән профилактик әңгәмәләр үткәрде.

Яз көне өйләрнең тәрәзә төпләрендә төрле тартмаларда, төрле төсләрдәге гаҗәеп матур үсемлекләр үсеп чыга. Гадәттә балаларның кызыксынучанлыклары бик көчле булсада , бу үсентеләргә тияргә рөхсәт ителми. Бу уңайдан 1нче мәктәп коллективы балаларында үз кечкенә бакчаларын булдыру идеясе туды. Киләчәктә мәктәп укучыларына үз участокларындагы эш барышын күзәтергә һәм карап торырга туры киләчәк, әмма алар уңыш өчен барысына да әзер!