ЯҢАЛЫКЛАР

2015 елның 9 маенда Зәй шәһәренең Үзәк урамы буйлап традицион җиңел атлетика эстафетасы үтте. “Энергетиклар” мәдәният йорты мәйданында үткән ярышларда 14 командадан 146 җиңел атлетикачы катнашты.

Бүген Зәйнең 7нче мәктәбендә “Күгебез тыныч булсын өчен” дип аталган сугышчан дан залының икенче өлеше ачылды. Бирегә укучыларның ветераннар турындагы иншаларыннан стендта урын алган. Аның бер өлеше элекке интернат-мәктәпнең сугыш михнәтләрен үз җилкәсендә татыган батыр сугышчы-педагоглар тормыш юлына багышланса, икенчесе укытучы-тыл ветераннарына, өченчесе сугыш чоры балаларына, дүртенчесе батырлар династияләренә атап әзерләнгән

8 майда «Форпост» эзтабарлары экспедициядән кайтты. Алар Волгоград өлкәсе Россошки җирлегендә булып эзләнүләр алып бардылар. Отряд эзтабарларына 5 кызылармеецны күтәрергә туры килгән

2-3 майда Мәскәү шәһәрендә яшүсмерләр һәм яшләр арасында киокусинкай көрәшенең беренчелеге булып үтте. Әлеге ярышта җиңүче булып Зәйдән Вадим Зеленин, ә көмеш медальне шулай ук безнең шәһәрдән Рамиль Ишмухаметов танылды.

Кичә шәһәрнең күпкатлы йортлары ишегалларында “Җиңү һәр ишегалдына керә” дип исемләнгән акция кысаларында бәйрәм чаралары үтте. Һәр мәйданчыкта мәктәп укучылары, мәдәният, яшьләр эшләре идарәләре хезмәткәрләре катнашында үзенчәлекле концерт күрсәтелде

Бөек җиңүнең 70 еллыгын каршы алган көннәрдә туган якны өйрәнү музеенда кабат ветераннар белән очрашу үтте. Бу юлы 1 мәктәпнең 2 сыйныф укучылары Бөек Ватан сугышы ветераннары Рыжов Поликарп Иванович һәм Шагиев Габдулла Салахиевич белән очраштылар.

Агымдагы елда Зәй районында Җиңү бәйрәменә багышлап, Алмалы, Яңа Маврин, Керәшен Мәлеме авылларында истәлекле объектлар сафка басты. Бүген Мәлем җирлегенә караган Керәшен Мәлеме авылы уртасында әлеге обелискны ачу тантанасы һәм митинг булды.

Иске Зәй бистәсендә, Җиңүнең 70 еллыгына багышлап автойөреш оештырылды. “Безгә сугышны белдермәвегез өчен Рәхмәт Сезгә!” дигән девиз астында автойөреш Иске Зәй бистәсенең барлык урамнары аша үтте

Җиңүнең 70 еллыгы алдыннан Россия пенсионерлар Союзы Татарстан бүлеге пенсия фонды бүлеге белән берлектә “ Өлкән кешенең портреты” дип исемләнгән бәйге үткәрде.

Болгар шәһәрендә баскетбол буенча укучылар арасында Татарстан беренчелегенә Х Спартакиаданың финал ярышлары булып үтте.
11 команда арасыннан безнең кызлар 3 урынны алдылар. 1-Мамадыш, 2-Аксубай.