ЯҢАЛЫКЛАР

Бүген "Зәй икмәк кабул итү предприятиесе” ААҖдә район башлыгы Р. Г. Кәримов катнашында хезмәт коллективы җыелышы узды. Эшчәнлек нәтиҗәләре белән предприятие директоры Р. Р. Фәрдиев таныштырды. 2018 ел эчендә Зәй икмәк кабул итү предприятиесенә саклауга 62 852 тонна ашлык алынган, 16 200 тонна интервенцион фонд сакланган. Бүгенге көндә предприятиедә 90 кеше эшли. Төп заказчылар-районның авыл хуҗалыгы җитештерүчеләре, «Агрокөч төркеме» АҖ агрофирмалары. Зәй икмәк кабул итү предприятиесенең хезмәт хакы һәм салым җыемнарын түләү буенча бурычлары юк. Район башлыгы Разиф Кәримов коллективка нәтиҗәле хезмәте өчен рәхмәт белдерде һәм районның социаль - икътисадый үсешенең төп күрсәткечләре белән таныштырды.Туган районыбыз һәм республикабыз өчен нәтиҗәле эшләргә чакырды.

13 февральдә «Казан Экспо» Халыкара күргәзмә үзәгендә (http://www.kazanexpo.ru) «2018 елда Татарстан Республикасы агросәнәгать комплексының эш йомгаклары һәм 2019 елга үсеш бурычлары»темасына Татарстан Республикасы Авыл хуҗалыгы һәм азык-төлек министрлыгы коллегиясенең киңәйтелгән утырышы узачак. Коллегия утырышы республикада 13-15 февральдә «Татагрофэкспо» күргәзмәсе кысаларында узачак. Күргәзмәдә катнашу мәсьәләләре буенча (843) 221-76-73 телефоны буенча оештыру эшләре һәм социаль үсеш бүлегенә мөрәҗәгать итәргә кирәк. Чарага аккредитация мәсьәләләре буенча массакүләм мәгълүмат чараларына (843) 221-76-21 телефоны буенча ведомство матбугат хезмәтенә 8 февральгә кадәр мөрәҗәгать итәргә кирәк.

2019 елда "Театр дөньясында" шәһәр фестивале дәвам итә. 11 гыйнвар көнне "Алтынчәч» балалар бакчасы хезмәткәрләре  «Энергетик» мәдәният йорты тамашачыларын сәламләде. Программа барышында концертка килгән педагоглар тамашачыларга үзләренең күңел түреннән чыккан җылы хисләрен җиткерделәр. Коллективның һәр әгъзасының бердәм эшләве нәтиҗәсендә концерт бик уңышлы узды. Бердәм формада киенгән хезмәткәрләр тамашачының игътибарын аеруча җәлеп итте. Программаны әзерләүдә һәм ясауда педагоглар, кече тәрбиячеләр, техник хезмәткәрләр катнашкан булса, мода күрсәтү өчен матур зонтларны булдыруда ата-аналарның да өлеше зур булды.

14 гыйнвар көнне "Зәй крекер" кондитер фабрикасы ҖЧҖендә район башлыгы Р. Г. Кәримов катнашында хезмәт коллективы җыелышы узды. "Зәй крекер" кондитер фабрикасы ҖЧҖ хезмәт коллективы эшчәнлеге белән "Зәй крекер "кондитер фабрикасы ҖЧҖ нең җитештерү мөдире Д. И. Хәипова таныштырды. Дарья Ивановна фабриканың 2018 елдагы эшенә йомгак ясады һәм 2019 елга куелган бурычларны билгеләп үтте. 2018 елда 3623 тонна продукция җитештерелгән, бу 2017 елга караганда 10% ка күбрәк. Хәзерге вакытта предприятиедә 87 кеше эшли, 2019 елда да хезмәткәрләр саны кимү планлаштырылмый. Продукциянең ассортименты, сәламәт туклану өчен төрле файдалы өстәмәләр белән «икмәк» нең яңа төрен чыгару хисабына киңәйтелде. Продукцияне тутыру өчен яңа җиһазлар сатып алынды. Россия Оборона министрлыгы өчен Дәүләт заказы үтәлгән. Коллектив шәһәр һәм республика күргәзмәләрендә актив катнаша. 2019 елга предприятие алдына җитештерелә торган продукция күләмен арттыру, ассортиментны киңәйтү, җиһазларны модернизацияләү хисабына хезмәт җитештерүчәнлеген арттыру бурычлары куелган. Район башлыгы Разиф Кәримов җыелышта катнашучыларга районның социаль - икътисадый үсешенең төп күрсәткечләре турында сөйләде, җаваплылыгы чикләнгән җәмгыять хезмәткәрләрен кызыксындырган сорауларга җавап бирде.

14 нче гыйнвар көнне Мирный шәһәр мәдәният йорты белгечләре "Мәктәп укучысының һөнәри өстенлекләрен ачыклау» тренингын үткәрделәр. Киләчәктә булачак һәнәреңне нигезле сайлау өчен, аларга төрле һөнәрләрдә ориентлашырга кирәк, бу бик гади генә түгел, чөнки мәктәп укучыларының һәнәр сайлавында үз тәҗрибәләре генә түгел, ә чит тәҗрибә дә урын ала, моңа исә ата — аналардан, дуслардан, танышлардан, телевизион тапшырулардан алынган мәгълүматлар һ.б. керә. Чараның максаты - үзбилгеләнүгә гомуми әзерлек формалаштыру, һөнәр сайлау мәсьәләләрен активлаштыру, укучыларның һөнәри кызыксынуларын ачыклау, һөнәрләр дөньясы һәм аларның үзенчәлекләре турында күзаллауларны киңәйтү, сайлаган һөнәрләренең үз теләкләренә һәм мөмкинлекләренә туры килүен ачыклау.Соңыннан тренингта катнашучыларга анкеталар таратылды, алар буенча  бүгенге көндә укучыларның һөнәри өстенлекләре турында нәтиҗә ясарга мөмкин булачак.Тренингта барлыгы 17 кеше катнашты.

2019 елның 13 гыйнварында Зәй шәһәрендә яшәүче Корноухова Мария Степановнага 90 яшь тулды. Юбилярны котларга Зәй шәһәре башлыгы урынбасары Недошивина Е. В. һәм район мәдәният йорты автоклубы хезмәткәрләре килде.

11-13 гыйнвар көннәрендә "Ялта-Зәй" спорт әзерлеге үзәгендә 2003-2004 елгы егетләр һәм кызлар арасында чаңгы ярышлары буенча Татарстан Республикасының шәхси-команда беренчелеге узды. Ярышларда 140 тан артык спортчы, шул исәптән «Олимпия чемпионы Ф. П. Симашев исемендәге балалар-яшүсмерләр спорт мәктәбе»ндә тәрбияләнүчеләр дә катнашты. 12 нче гыйнварда -ярышларның беренче көнендә классик стильдә 3 км. арага ярышларда Вәлиәхмәтова Альбина 3 нче урынны алды (тренеры Колесов С. В.). 13 гыйнварда- ярышларның икенче көнендә ирекле стильдә 5 км. дистанциядә Вәлиәхмәтова Альбина 2 нче урынны алды. Ирекле стильдә 10 км. дистанциядә Вәлиуллин Линар 3 нче урынны алды (тренеры Әхүнҗанова Г. И.). Ярышларның ике көне нәтиҗәләре буенча Зәй шәһәре җыелма командасы 516 очко белән 4 нче гомумкоманда урынга чыкты. Беренче өчлек түбәндәге тәртиптә урнашты: 1 урын-Казан шәһәре (994 очко); 2 урын-Яр Чаллы шәһәре (682 очко) һәм 3 урын-Түбән Кама шәһәре (552 очко).

11-13 гыйнвар көннәрендә "Яшьлек» боз сараенда 2006-2007 елгы командалар арасында "Алтын алка» клубы яшь хоккейчыларының Бөтенроссия ярышларының республика этабы узды. Ярышларда Лениногорск, Әлмәт, Җәлил, Баулы, Азнакай, Зәй командалары катнашты. Ярыш нәтиҗәләре буенча «Яшьлек» командасы 1 урынны алды (тренерлары Артемьев А. В. һәм Шакиров А. Р.) һәм 2-4 февраль көннәрендә Питрәч авылында узачак финал чыкты, 2 урынны Лениногорск шәһәренең «Нефтяник» командасы алды, 3 урынны Азнакай шәһәренең «Соколы» ("Лачыннар") командасы алды.

11-13 гыйнвар көннәрендә Әлмәт шәһәрендә 1999-2001 елгы яшүсмерләр арасында грек-рим көрәше буенча Татарстан Республикасы беренчелеге үтте. «Зәй» балалар-яшүсмерләр спорт мәктәбендә тәрбияләнүче Исламов Рөстәм 67 кг авырлык категориясендә 3 нче урынны алды. Тренеры Маврин Р. М.

10-13 гыйнвар көннәрендә Чеброксар шәһәрендә 18 яшькәчә егетләр һәм кызлар арасында җиңел атлетика буенча, Идел буе федераль округы чемпионаты һәм беренчелеге узды. «Барс» балалар-яшүсмерләр спорт мәктәбендә тәрбияләнүче 2002 елгы Герасимов Кирилл 3000 метр дистанциядә 3 нче урынны яулады. Тренеры Лисов В.В.