«Алтынчәч» балалар бакчасы хезмәткәрләре «Энергетик» мәдәният йорты тамашачыларын сәламләде

2019 елда "Театр дөньясында" шәһәр фестивале дәвам итә. 11 гыйнвар көнне "Алтынчәч» балалар бакчасы хезмәткәрләре «Энергетик» мәдәният йорты тамашачыларын сәламләде. Программа барышында концертка килгән педагоглар тамашачыларга үзләренең күңел түреннән чыккан җылы хисләрен җиткерделәр. Коллективның һәр әгъзасының бердәм эшләве нәтиҗәсендә концерт бик уңышлы узды. Бердәм формада киенгән хезмәткәрләр тамашачының игътибарын аеруча җәлеп итте. Программаны әзерләүдә һәм ясауда педагоглар, кече тәрбиячеләр, техник хезмәткәрләр катнашкан булса, мода күрсәтү өчен матур зонтларны булдыруда ата-аналарның да өлеше зур булды.