ЯҢАЛЫКЛАР

16 апрельдә Россия Федерациясе Авыл хуҗалыгы министрлыгында Коллегиянең йомгаклау утырышы узды. Чарада Россия Федерациясе Хйкүмәте Рәисе урынбасары Алексей Гордеев, Авыл хуҗалыгы министры Дмитрий Патрушев, Федерация Советының Аграр-азык-төлек сәясәте һәм табигатьтән файдалану комитеты рәисе Алексей Майоров, Дәүләт Думасының Аграр мәсьәләләр комитеты рәисе Владимир Кашин, Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов, шулай ук төбәкләр башлыклары, АПКның төбәк идарә органнары җитәкчеләре, тармак берлекләре һәм ассоциацияләре җитәкчеләре, фән һәм мәгариф, банк берлкләре вәкилләре һәм башкалар катнашты. Утышыны ачып, Алексей Гордеев, узган ел тармак өчен уңышлы ел булды, җитештерү ягыннан да, финанс-икътисадый күрсәткечләр буенча да, дип билгеләп үтте. Вице-премьер, быел Россия аграрийларының төп бурычы - Президентның май указының авыл хуҗалыгы чималын һәм товарларын экспортлауга кагылышлы өлешен үтәү, шулай ук авыл хуҗалыгы территорияләрен комплекслы үстерү буенча Президент кушуы буенча эшләнә торган дәүләт программаларын гамәлгә ашыру, дип ассызыклады. Бу елның 1 июненә кадәр дәүләт программасы Россия Федерациясе Хөкүмәтенә тапшырылырга тиеш, якынча финанслау күләме 1,5 трлн сум карала. Үз чиратында, Россия Федерациясе Авыл хуҗалыгы министрлыгы башлыгы авыл хуҗалыгының бүгенге көндә Россия икътисадын тизләтелгән үстерү факторларының берсе булып торуын билгеләп үтте. Аерым алганда, азык сәнәгатендә һәм җитештерүдә эчемлекләр артуны исәпкә алып, 2018 елда АПК индексы 2,3% тәшкил итте. Шул ук вакытта, авыл хуҗалыгы җитештерүчеләренең салымга кадәр табышы 2017 елдагыдан 15%тан күбрәккә артты. Моңа ирешү аграрийларга дәүләт ярдәме күрсәтү нәтиҗәсендә мөмкин булды. Дәүләт ярдәме күрсәтү еүләме ел саен артып тора, ә юнәлешләр исемлеге киңәя. 2017 елда Авыл хуҗалыгы үстерү буенча дәүләт программасы чараларына 248,4 миллиард сум акча бирелде, 2018 елда – 254,1 миллиард сум. 2019 елда бюджет ассигнованиеләре күләмен 303,6 млрд сумга кадә җиткерү планлаштырыла. 2018 елда тармак өчен иң мөһим вакыйгаларның берсе Авыл хуҗалыгын үстерүнең федераль фәнни-техник программасын гамәлгә ашыра башлау булды. Аның кысаларында узган ел бәрәңге орлыкчылыгын һәм шикәр чөгендерен үстерү буенча 2 ярдәмче программа расланды. Моннан тыш, ведомствога караган югары уку йортлары бәрәңгенең, бодайның, соя һәм башка культураларның яңа сортларын һәм гибридларын чыгардылар. Җитештерүдә унлаган яңа технологияләр эшләнде, АПК өчен яңа фәнни тәкъдимнәр барлыкка килде. Россия авылы тормышында яңа этапларның берсе - Авыл территорияләрен комплекслы үстерү буенча дәүләт программасын эшләү һәм гамәлгә ашыру булды. Аның чаралары авыл халкын эш белән тәэмин итүгә, авылда яшәү өчен уңайлы һәм экологик чиста шартлар тудыруга, халыкның керемен арттыруга, дәүләт хезмәт күрсәтүләреннән файдалану мөмкинлеген арттыруга юнәлдерелгән. Президентның Федераль Собраниегә юлламасында куелган «Россиянең яшел бренды» бурычын үтәү өчен Авыл хуҗалыгы министрлыгы чималдан алып әзер продукциягә кадәр бара торган чылбырны тикшереп торуны тәэмин итә торган «Меркурий» электрон ветеринария сертификациясен эшләүне дәвам итә. 2018 елда Россия берничә стратегик мөһим чит ил базарын ача алды. Дмитрий Патрушев Россиянең аерым юнәлешләрдә авыл хуҗалыгы продукциясен экспортлау буенча бүген үк инде лидерлар өчлегенә керүен билгеләп үтте. Россия Федерациясе Авыл хуҗалыгы министрлыгы башлыгы, тышкы сәүдәдә барлыкка килгән динамика Россиянең якын киләчәктә АПК продукциясен экспортлау буенча дөньякүләм эре экспортерлар унлыгына керергә сәләтле булуына ышаныч бирә, дип билгеләп үтте.

2019 елның 15 апрель көнне Зәй муниципаль районының мәгариф оешмаларында «Язгы игелек атнасы» акциясенә старт бирелде, ул 25 апрельгә кадәр дәвам итәчәк. Акция барышында төрле чаралар узачак, аларда 1-11 сыйныф укучылары катнашачак.

15 апрельдән 22 апрельгә кадәр Зәй районында «Язгы игелек атнасы» Бөтенроссия акциясе узачак. Акция ел саен уздырыла һәм бөтен Россия буенча 1997 елдан башлап үткәрелә. «Бөтенроссия акциясе» атнасы кысаларында күп кенә иҗтимагый-файдалы чаралар һәм акцияләр планлаштырылган. Атна дәвамында районның авыл җирлекләрендә яшәүче күп балалы һәм аз тәэмин ителгән гаиләләр өчен китаплар, уенчыклар җыю оештырыла. 15нче апрельдә «Космос» кинотеатрында авыр тормышта яшәүче балалар өчен бушлай сеанс карау булачак. 16 апрельдә -район үзәк хастаханәсенең балалар бүлегендә дәваланучы балалар өчен чаралар оештырылачак. 17 апрельдә - волонтерларның яшьләр сәясәте учреждениеләрендә тәрбияләнүчеләр белән очрашуы үтәчәк.18 апрельдә чыршы үсентеләрен төзекләндерү буенча экологик акция планлаштырыла. 19 апрельдә – «Яхшы стартлар» - оештырылачак, анда сәламәтлекләре чикләнгән балаларның спортның төрле төрләрендә катнашуы көтелә. 22 апрельдә-кан тапшыру буенча «Тормышны озайттылар» акциясе үтәчәк. 25 апрельдә - «Язгы игелек атнасы»н ябу буенча түгәрәк өстәл янында очрашу булачак.

Бүген Казан Ратушасының колонналы залында «Татарстан Республикасы елның иң яхшы территориаль иҗтимагый үзидарәсе» республика конкурсында катнашучыларны һәм призерларны бүләкләү тантанасы уза. Әлеге чарада Зәй районы вәкилләре - «35 квартал» территориаль иҗтимагый үзидарә җитәкчесе Зәбирова Румия Шәрәфетдин кызы, Зәй шәһәре башлыгы урынбасары, шәһәрдә территориаль иҗтимагый үзидарәләр мәсьәләләрен алып баручы Елена Владимировна Недошивина катнашты. Конкурс нәтиҗәләре буенча Румия Зәбирова шәһәрне төзекләндерүгә юнәлдерелгән Грант алды.

14 апрель көнне Яр Чаллы шәһәрендә 2007 елгы һәм аннан яшьрәк арасында өстәл теннисы буенча Бөтенроссия турниры узды. Муханова Анна кул астында шөгыльләнүче 2007 елда туган  Красильникова Алена  3 нче урынны яулады.

13-15 апрель көннәрендә Самара шәһәрендә киокусинкай буенча Идел буе федераль округы беренчелеге узды. "Зәй" спорт мәктәбендә тәрбияләнүче Прохоров Николай 1 урынны алды (тренерлар Ревин В. И. һәм Ревин А.В.).

14 апрель көнне "Энергия" стадионында "Барс"спорт мәктәбе һәм "Нефтехимик" СК укучылары арасында футбол буенча иптәшләрчә уен узды.2009 елда туганнар арасында "Барс" - "Нефтехимик" СК 4:0, 2010 елда туганнар арасында "Барс" - "Нефтехимик" СК 5:3 исәбе белән шулай ук безнең футболчылар файдасына тәмамланды.

13 апрель көнне спорт-сәламәтләндерү комплексында ирләр командалары арасында «Сәламәтлек-2016» спартакиадасы исәбенә волейбол буенча финал уеннары узды. Уеннар районның авыл җирлекләре арасында үткәрелде. Командалар 3әр төркемгә бүленде: А төркеме: Александр Бистәсе, Сәвәләй, Якты Күл; Б төркеме: Баграж, Бигеш, Аксар. Авыл җирлекләре арасында 1 нче урын-Сәвәләй авыл җирлеге, 2 нче урын – Аксар авыл җирлеге, 3 нче урын-Бигеш авыл җирлеге, 4нче урын Якты Күл авыл җирлеге, 5нче урын Александр Бистәсе авыл җирлеге, 6 нчы урын Баграж авыл җирлеге.

Атна дәвамында спорт-сәламәтләндерү комплексында «Сәламәтлек – 2019» спартакиадасы исәбенә предприятие, оешма һәм учреждениеләрнең ир-ат командалары арасында волейбол буенча шәһәр беренчелеге узды: 9 апрельдә: мәгариф идарәсе – ТЕХНО 2: 0, ДИНАМО-Үзәк район хастаханәсе 2: 0; 10 апрельдә: ДИНАМО-Тамерлан 2:0, ГРЭС – Аккурайд 2:0  исәбенә уйнадылар. 11 апрельдә Аккурайд – Тамерлан һәм ГРЭС-ДИНАМО командалары арасында 3-4 нче урыннар өчен финал уеннары узды. Нәтиҗәләр буенча урыннар түбәндәгечә бүленде: 1 урын ГРЭС, 2 урын ДИНАМО, 3 урын Аккурат, 4 урын Тамерлан.

13 апрель көнне районда «Тоталь диктант» Бөтенроссия акциясе узды. Әлеге чараның төп максаты-катнашучыларның шәхси белемнәрен, орфографиясен һәм укуларын тикшерү иде. Диктант ирекле һәм анда теләгән һәркем катнаша алды. Текст гади түгел һәм бары акция үткәрү көнендә генә билгеле булды. Акциядә катнашудан Зәй студент отрядлары штабы сугышчылары да читтә калмады. Зәйдә әлеге диктант ике мәйданчыкта оештырылды. Анда барлыгы 50 кеше катнашты. Алар арасында Зәй политехник көллияте студентлары, «Легенда 17» педагогик отряды һәм «Көньяк яр» студентлар сервисы отряды сугышчылары бар иде. Нәтиҗәләрне көтәсе генә калды. Проект отличниклары Казан шәһәрендә бүләкләнәчәк.