5 августта Зәйдә ТР Министрлар Кабинетының күчмә киңәшмәсе узды. Киңәшмәдә Яр Чаллы агломерациясе (аңа 10 район карый) икътисади үсешенең стратегик юнәлешләре тикшерелде. Анда әлеге зона район башлыклары, башкарма комитет җитәкчеләре, ТР министрлыклары вәкилләре, «КАМАЗ», «КамГЭС-энергострой», «Челны-Холод», «ЕЛАЗ» генераль директорлары, Зәй эре предприятие җитәкчеләре һәм эшмәкәрләр катнашты. Киңәшмәне ТР икътисад министры Марат Сафиуллин алып барды.