ЯҢАЛЫКЛАР

29 июль көнне Мирный бистәсе мәдәният йортында мәдәният хезмәткәрләре “Күңелең өчен уйна!” – дип исемләнгән тиз әйтем бәйгесе уздырдылар. Уенда “Әкият” клуб яны лагерында тәрбияләнүче 12-17 яшлек яшүсмерләр катнашты. Барлык катнашучылар да шат күңел һәм күтәренке кәеф белән таралыштылар.

Үз исәнлеген саклау өчен һәркем юл кагыйдәләрен үтәгә тиеш. Әлеге чынбарлыкка Мирный бистәсе балалары да битараф түгел. 29 июльдә алар өчен “Кызыл, сары, яшел”- дип исемләнгән чара үтте. Балалар әлеге темага үткәрелгән бәйгеләрдә һәм уеннарда бик теләп катнаштылар.

Шәһәрнең үзәк өлешендә яшәүче укучылар җәйге ялларын күңелле үткәрәләр. 25 июльдә шәһәрнең үзәк өлешендә урнашкан “Яшьлек” клубында “Кызыл тәнлеләрнең юлбашчысы” – дип исемләнгән чара үтте. Оештыручылар төрле хәрәкәтле уеннар үткәрделәр. Чараның соңында һәркем үзенә истәлеккә тату- ябыштыргычы сайлап алдылар.

24 июль көнне шәһәрнең Мирный бистәсе мәдәният йортында “Мисс – Кояшкай” – дип исемләнгән фотобәйге булып үтте. Бәйге ике этаптан торды. Һәр катнашучы үзе, гаиләсе һәм бәйгегә тәкъдим иткән фотосынның тарихы турында сөйләргә тиеш иде. Жюри бәйгене йомгаклаган арада балалар “Дөньяда кем акыллырак” – дип исемләнгән уен уйнадылар.Барлык катнашучыларга төрле номинацияләрдә җиңүче дипломнары һәм истәлекле бүләкләр тапшырылды. Иң олы бүләккә Биктимирова Анжелика ия булды.
Бәйге нәтиҗәләре буенча фотокүргәзмә барлыкка килде. Ул шәһәр мәдәният йорты диварларына эленәчәк һәм карамагына тәкдим ителәчәк.

19 июль көнне яшьләр эшләре идарәсе Зәйдән унбиш баланы Казандагы палаткалы лагерьларга ял итәргә җибәрде.
Монда балалар ял итү генә түгел, яңа белем туплау, табигатьне саклау буенча кызыклы лекцияләр тыңлау кебек мавыктыргыч чаралар да булачак.

25 июль көнне Кара- елга авылында “Кече авыл” көне үткәрелде.
“Энегетик” мәдәният сарае тарафыннан әзерләнгән, “Минем кече авылым” – дип исемләнгән проект кыссаларында үтүче, “Кече Ватан” елына багышланган әлеге концерт программасы тыңлаучылар күңеленә бик тә хуш килде.Бигрәк тә баян тавышы күңелләргә ямь һәм сихәт өстәде.

23 июль көнне “Энергетик” мәдәният сарае концерт төркеме Бусерәк авылы халкына “Кече Ватан көне” – дип исемләнгән социаль – мәдәни акция бүләк иттеләр.Ул муниципаль районда иглан ителгән “ Кече Ватан елы” кыссаларында үтте.

23 июльдә туган якны өйрәнү музее йортында “Кояшкай” мәктәп яны лагерында тәрбияләнүчеләр өчен “Исәнлек бир фиточәй” – дип исемләнгән чара үтте. Борынгы заман йолаларының иң әйбәтләреннән саналганы – пар бөркеп торган самовардан чәй эчү.

17 июльдә туган якны өйрәнү музеенда “Минем кече Ватаным” – дип исемләнгән фотобәйгегә йомгак ясалды. Әлеге бәйге 5 июньдә старт алган иде.

21, 22 июльдә балалар йорт яны мәйданчыкларында яшьләр эшләре идарәсенә караган педагогик отрядларда тәрбияләнүчеләргә өйдә һәм урамда куркынычсызлык кагыйдәләре буенча сөйләшү үткәрелде. Олы сыйныф укучылары нәни дусларын электр приборлары белән куллану кагыйдәләрен, шәһәр шартында куркынычсызлык һәм начар гадәтләрдән саклану чараларын өйрәттеләр. Соңыннан бергә калаулы биремнәрне чиштеләр.