ЯҢАЛЫКЛАР

Кичә Зәйнең Ринат Фәрдиев исемендәге ял паркында җәйге сезон традицион ял көне кичәләре ачылды. Ул Зәй матбугатына 80 ел тулуга багышлап шәһәр музыка мәктәбе укучы-педагоглары әзерләгән концерт, “Зәй офыклары”, “Новый Зай” редакцияләре хезмәткәрләре, ветераннары, актив хәбәрчеләре катнашында үзенчәлекле чыгышлар, балалар, өлкәннәр өчен уеннар белән аралашып кызыклы үтте

Якташыбыз, автор башкаручы, Татарстанның халык артисты Виталий Агапов 55 яшьлек юбилее уңаеннан әзерләнгән концерт-тамаша циклын Зәйдән башлап җибәрде.
- Юбилей концертларымны нәкъ менә туган ягымда оештырып җибәрү тәкъдиме белән башкарма комитет җитәкчесе Разиф Кәримов чыкты.

22 май көнне “Теремок” балалар бакчасы бик изге акция үткәрде. Анда чыгарылыш төркем тәрбияләнүчеләре үзләре тәрбияләнгән бакча йортына чәчәкләр утырттылар. Бу истәлекле вакыйга һәркем күңелендә уелып кала торган чынбарлык.

Кичә, 22 май көнне, “Энергетик” мәдәният сараенда “Бердәм Россия” партиясенең җирле бүлегеннән шәһәр Советына депутатлыкка кандидатларга тавыш бирү өчен праймериз – партия эчендәге сайлаулар булып үтте.

Бу көннәрдә “Татнефтедор” автомобиль юллары идарәсенең Зәй филиалы юлчылары Зәйнең Тукай урамын төзекләндерүгә кереште. 900 метр озынлыктагы урам юлы шактый тузган иде. Бу эш “Асфальт юлларны төзекләндерү” республика программасы буенча алып барыла.

Зәйдә чыгарылыш сыйныф укучылары өчен соңгы кыңгырау иң беренчеләрдән булып шәһәрнең 6нчы мәктәбендә яңгырады. Анда унберенчене тәмамлаучыларны, педагогларны, әти-әниләрне район башкарма комитеты җитәкчесе Разиф Кәримов тәбрикләде.

Зәй “Горзеленхоз” җаваплылыгы чикләнгән ширкәте эшчеләре бүгенге көндә шәһәрнең үзәк, Ефимов урамнарында, Ринат Фәрдиев исемендәге ял паркына, Җиңү проспектына вербена, виола, агиратум, петуния, бәрхет гөле һ.б чәчәкләр утырту белән мәшгуль.

21 майда үзәк китапханәнең уку залында “Кеше. Закон. Дөреслек” клубының чираттагы утырышы үтте. 4 мәктәпнең 8 сыйныф укучылары өчен “Хокук хөҗүме” үткәрелде.

Зәй мәшгульлек үзәге Татарстан Республикасы Хезмәт, мәшгульлек, социаль яклау министрлыгы тарафыннан игълан ителгән иң яхшы һөнәри ориентлашу проектлары арасында “Prof навигатор” проекты белән 400 мең сумлык грант отты. Хәзер исә җирле бюджеттан да әлеге проектны тормышка ашыру өчен средстволар каралып, ул гамәлгә ашырылачак.

Алабуга шәһәрендә тынлы музыка коралларында уйнаучыларның Бөек җиңүнең 70 еллыгына багышланган “Яңгыравык фанфаралар- 2015” IV республика бәйгесе булып узды.