ЯҢАЛЫКЛАР

Гомумроссия китапханәләр көнен Зәй үзәк китапханәсе киң билгеләп үтә: үзәк китапханәдә һәм шәһәребезнең Ринат Фәрдиев исемендәге ял паркында төрле чаралар уза. Иртәнге сәгать 8дә «К нам новая книга пришла» күргәзмәсе оештырылды. Аннан китапханәдә узган чаралар турында сөйләүче “Китапханә -минем тормышымда” дип исемләнгән фотографияләр буенча презентация узды.

\Китапханә - рухи хәзинәләрне туплаучы, саклаучы, киләчәк буынга тапшыручы, белем һәм мәгърифәт нурларын таратучы учак ул. Авыл китапханәчесенең төп бурычы укучыларда әдәбиятка, китапка кызыксыну, мәхәббәт тәрбияләү, укуга омтылыш уяту һәм үстерү, укучыларның әдәбиятка, мәгълүматка ихтыяҗларын канәгатьләндерү һәм сыйфатлы хезмәт күрсәтүдән гыйбарәт.

Азнакайда Җиңүнең 70 еллыгы уңаеннан СССРның спорт остасы И. И. Мингалиев истәлегенә яшүсмерләр арасында грек-рим көрәше буенча республика турниры узды. Анда Зәй данын “Зәй” спорт мәктәбендә тәрбияләнүче яшүсмерләр яклады һәм уңышлы чыгыш ясады.

Бүген мәктәп укучылары арасында юл йөрү кагыйдәләрен өйрәнүне пропагандалау максатында “Куркынычсыз тәгәрмәч-2015” республика бәйгесенең төбәк этабы башланды. Зәйдә үткән муниципаль турда беренче урынны алган 3нче мәктәп командасы әлеге ярышларның Чаллыда үтә торган өлешендә район данын яклый.

Зәй районы Чыбыклы авылында зур вакыйга булды: модульле ветеринария пункты ачылды. Ул – районда республика программасы буенча төзелүче икенче объект. Мондый ветеринария пункты узган ел Кадердә ачылган иде. Әлеге объектны да Азнакай «Нефтемаш» заводы төзеде.

19 майда Казан шәһәрендә вакытлыча Президент вазыйфаларын башкаручы Рөстәм Миннеханов катнашында булып үткән Россия күләм олимпиадаларда җиңүче укучыларны котлауда Зәйдән 3 укучы бар иде. 7 мәктәптән Лев Лукъянов география фәненнән җиңүче булып танылды.

Зәй районы Кадер авылында моннан 5-6 дистә ел элек менә дигән җиләк-җимеш бакчасы булган. Аңа нигезне сугыштан кайткан Порфирей Митрофанов нигез салган булган. Бакча тора-бара ташландыкка әйләнгән. Агымдагы елда Кадер җирлеге әлеге бакчаны арендага алып, яңадан бакча ясамакчы була.

23 майда Яр Чаллы шәһәрендә Киокусинкай буенча ачык бернчелек булды. Безнең егетләр һәм кызлар арасында беренче урынны Селиверстов Валерий алды, 2 нче – Абзалова Диләрә һәм Багурин Эдуард,

Кичә ил күләмендә бердәм дәүләт имтиханнары тапшыруның төп этабы старт алды. Быел районда 250 кеше имтиханнар тапшырырга теләк белдерде. Шуларның 241е – быел унберенчене тәмамлаучылар, 4се кичке мәктәптән, ә калганнары алдагы елларда мәктәп тәмамлаучы. Иң беренче имтихан география һәм рус әдәбияты буенча үтте.

16 – 19 майда Казан шәһәренең үзәк стадионында җиңел атлетика буенча Татарстан укучылары арасында Х Спатакиада үтте. Анда 1998-1999 елгы укучылар Татарстанның 31 районыннан 435 катнашучы бар иде.