Зәй мәшгульлек үзәге яңа проектны тормышка ашыра

ашырылачак.
13 майдан, проектның бер өлеше булып, “Космос” яшьләр үзәгендә VII-VIII сыйныф укучылары өчен төрле һөнәрләргә багышланган кинолекторийлар күрсәтелә башлады. Моңа барлыгы 500 яшүсмерне җәлеп итү күздә тотыла.
Проектның икенче өлеше балалар иҗат йорты белән берлектә тормышка ашырылачак. Биредә ике сыйныф бүлмәсе җиһазландырыла. Аның берсе балалар бакчаларында шөгыльләнүче сабыйларны төрле һөнәрләр турында кечкенәдән өйрәтүне күздә тотып әзерләнсә, икенчесе заманча компьютер классы сыйфатында мәктәп укучылары өчен көйләнә. Мөгаен, әлеге сыйныф бүлмәләре яңа уку елыннан эшли башлар, әлегә без аларны җиһазландыру белән мәшгуль, ди үзәк директоры вазифаларын башкаручы Гөлчәчәк Фаршатова.
Моңа өстәп, мәшгульлек үзәге мәктәп укучылары арасында “Минем булачак һөнәрем” дип исемләнгән рәсем бәйгесе игълан итте. Анда катнашкан, жюри тарафыннан сайлап алынган 60 баланы җәйге каникулларда Казанга - балаларны төрле һөнәрләргә җәлеп итү максатында ясалган шәһәрчеккә алып бару планлаштырыла. Биредә балалар бер шәһәрдә ипи пешерүче дә, гадәттән тыш хәлләрдә коткаручы, чәчтараш, табиб һ.б. һөнәр ияләре дә булып эшләп караячак.