ЯҢАЛЫКЛАР

Татарстанда күп милләтле халык яши. 27 сентябрьдә 4 мәктәпнең 9 сыйныф укучылары өчен “Татарстан халкының мәдәни традицияләре” дип исемләнгән чара булды. Укучылар татар халкы биюләрен һәм аш-суларын күрсәттеләр. Рус, чуаш халкы мәдәнияте дә кызыклы булды

2 октябрьдә туган як музее хезмәткәрләре район башлыгының коррупциягә каршы көрәш буенча ярдәмчесе Г.Г. Зиганшина белән 1 мәктәпнең 8 сыйныф укучылары өчен “Коррупциягә каршы бергә” дигән әңгемә үткәрделәр.

1октябрьдә туган як музее тәрәзләре якты иде. Талгын гына яңгыраган музыка, җыр,көлке һәм төрле образларга кергән персонажлар бер яктан икенче якка йөрүләре күренеп ишетелеп торды.

1 октябрьдә шәһәр мәдәният йортында өлкәннәр көненә багышланган “Олы яшь – киртә түгел” дип исемләнгән кичә үтте. Ул өлкәннәрне хөрмәтләү, аларның күңелен күтәрү, иҗат мөмкинлекләрен ачуга багышланган иде

30 сентябрь көнне туган як музеенда шәһәребезнең 1 мәктәбен беренче сыйныф укчылары өчен истәлекле кичә үтте.Алар үзләренең әти-әниләре, укытучылары белән үткәннәрне искә алдылар: әти-әниләре, бабалары-әбиләре ничек белем алган,нинди парта артында утырган, әсбаплары нинди булган, элеккеге укучы сумкасында нәрсәләр булган.

1 октябрьдә тимер юл аша чыгу урынында булачак күпергә беренче субай кагылды.
Әлмәт-Чаллы трассасының тимер юл аша чыгу урыны проблемасы хәл ителә башлады. Әлеге җәһәттән Икмәк кабул итү предприятиесе бистәсендә тимер юл кичүен салу өчен төзелешкә комачаулаган җир асты һәм җир өсте коммуникацияләре күчерелде

1 октябрьдә, өлкәннәр көне уңаеннан “Энергетик” мәдәният сарае мәйданында “Йөрәктән йөрәккә” дигән игелеклелек ярминкәсе булды. Ветераннар яшелчә, ашамлыклар һәм шәһәр мәктәбе укучылары тырышлыгы белән эшләнгән кул әйберләре алдылар.

Зәйдә кукурузны җыеп, силоска салу эше дәвам итә. Барлыгы 2000 гектарда кукуруз алынып, 52 мең тонна силос әзерләнде. Район буенча әлегә бер шартлы терлеккә 28 центнер азык берәмлеге туры килә.

Зәйдә “Фермаларны капиталь ремонтлау һәм силос-сенаж траншеяләре төзү” республика программасы буенча фермаларда һәм товарлыклы-сөтчелек комплексларында масштаблы ремонт эшләре бара.

Зәй яшьләр эшләре идарәсе белгечләре шәһәрдә яшәүчеләрне Өлкәннәр көне белән котладылар.
Өлкәннәр көне – якты һәм мәрхәмәтлелек өләшүче бәйрәм, бу көнне без әти-әниләребез, әби-бабаларыбызга игътибар күрсәтәбез.