ЯҢАЛЫКЛАР

  Зәйдә КПРФ партиясеннән РФ Дәүләт Думасы депутаты Виктор Петрович Пешков булды. Ул “Зәй шикәре“ АҖендә яңа җитештерү технологияләре, шәһәр мунчасында халыкка хезмәт күрсәтү тәртибе, җәмәгать судьялары эшчәнлеге, политехник колледж базасындагы ресурс үзәгендә белем алучы яшьләрне кызыксындырган сораулар белән танышты.

24 ноябрьдән 1 декабрьгә кадәр кече һәм урта эшмәкәрлек эшчәнлегенә дәүләт булышлыгы өчен 353296 сумга кадәр булган субсидияләргә гаризалар кабул ителә.

Әниләр көне якынлашып килгән көннәрдә “Шатлык” халыкка социаль хезмәт күрсәтү үзәге хезмәткәрләре “Игелекле очрашулар” клубы белән берлектә “Яңа туган балага 40 көн” дигән кичә үткәрделәр. Имәнлебаш мәдәният йортына социаль ярдәмгә мохтаҗлар һәм Имәнлебаш авылы өлкәннәре җыелган иде.

23 ноябрьдә “Шатлык” реабилитация һәм халыкка социаль хезмәт күрсәтү үзәгендә гадәттән тыш хәлләр килеп чыккан очракта эвакуация алымнарын куллану буенча күнекмәләр үтте.

24 ноябрьдә коррекция мәктәбе укучылары китапханәдә " Алар барысын да беләләр " дигән библиографик дәрестә булдылар. Ул сүзлек һәм энциклопедияләр көненә багышланган иде. Китапханәче А. Р. Камалеева үзәк китапханәдә булган энциклопедияләр турында сөйләде

19 -22 ноябрьдә Казанда бил көрәше буенча дөнья чемпионаты булып үтте. Анда Зәй кызлары Регина Салихова 76 килограмм үлчәүдә икенче урынны, ә Екатерина Бусова 76 килограмм ,ә Радик Салихов 100 килограмм үлчәүдә өченче урынны алдылар.

22 нче ноябрь көнне Зәйдә VII нче тапкыр “Варислар-2015” балалар фестивале үтте. Фестивальдә 13 балалар фольклор коллективы чыгыш ясады. Алар арасында “Аленка”, “Светлячок”,”Теремок”, “Энҗе”, Зернышко”, “Колокльчик”, “Алтын чәч”, Лесная сказка”,”Солнышко”, “Дружная семейка”балалар бакчалары, балалар иҗат һәм сәнгать йорты коллективлары катнашты.

21 ноябрьдә “Магия” бию коллективы үзенең 25 яшьлек юбилеен билгеләп үтте. Өч сәгатьлек программада бию коллективының үткәне һәм бүгенгесе театрлаштырылган күренештә күренде.