Зәйдә тхэквондо буенча «Регион кубогы» ачык турниры узды
12 сентябрьдә Зәй шәһәренең «Старт» спорт-савыктыру комплексында 2012-2014 елгы егетләр һәм кызлар арасында тхэквондо буенча ачык турнир, 2015-2016, 2017-2018 елгылар арасында «Регион кубогы» узды. Чара «Спорт России» дәүләт программасы кысаларында үткәрелде һәм физик культураны һәм спортны популярлаштыруга, тхэквондоны үстерүгә, яшь спортчыларның спорт осталыгын арттыруга, шулай ук балаларны һәм яшүсмерләрне даими рәвештә физик культура белән шөгыльләнүгә җәлеп итүгә юнәлдерелде.
Ярышларда 13 командадан 200дән артык спортчы катнашты. «Регион Кубогы» турниры Зәй өчен мөһим спорт вакыйгасы булды. Бер мәйданчыкта төрле шәһәр һәм районнардан килгән яшь спортчылар очрашты, алар җиңүгә көч, чыдамлык, сыгылмалылык, техника һәм ихтыяр көчен күрсәттеләр. Катнашучылар сүзләренчә, мондый ярышлар дулкынлануны җиңәргә, үз көчләренә ышанырга һәм киләчәктә нинди күнекмәләр эшләргә кирәклеген аңларга ярдәм итә. Кайбер егетләр өчен турнир беренче җитди старт, икенчеләре өчен - әзерлек дәрәҗәсен раслау һәм призлы урын өчен көрәшү мөмкинлеге дә булды.
“Зәй” спорт мәктәбе тәрбияләнүчеләре түбәндәге урыннарны алды: 1 урын Зиятдинов Кәрим, 1 урын Кобяков Арсений, 2 урын Сәхәбиев Әмирхан, 2 урын Сергеев Матвей, 2 урын Камзин Демид, 2 урын Хәсәнов Мөхәммәд, 2 урын Ахунова Дарина, 3 урын Подвалов Владимир, 3 урын Яковлев Артемий, 3 урын Яковлев Константин, 3 урын Яковлева Агния, 3 урын Хәбибрахманов Әмин, 3 урын Хорват Артем. Спортчыларны тренер-укытучы Леваев Д.О әзерләде.
Ярышлар йомгаклары буенча җиңүчеләр һәм призерлар медальләр һәм грамоталар белән бүләкләнделәр.