Зәйдә сәламәтлек саклаучы яшь белгечләрне котладылар
Бүген «Энергетик» мәдәният йортында сәламәтлек саклау өлкәсендә яшь белгеч көненә багышланган тантаналы чара узды.
Бәйрәмдә район башлыгы Разиф Кәримов, Зәй үзәк район хастаханәсе баш табибы Айдар Фатыйхов, медицина ветераннары, остазлар һәм хастаханәнең яшь хезмәткәрләре катнашты. Разиф Гали улы чарада катнашучыларны сәламләде һәм сәламәтлек саклау системасында яшь кадрларга ярдәм итүнең мөһимлеген билгеләп үтте.
2026 елда Зәй үзәк район хастаханәсе 5 табиб һәм 30 урта медицина персоналы хезмәткәре белән тулыланды.
Бәйрәмдә быел Зәй үзәк район хастаханәсендә эшли башлаган 31 белгечкә истәлекле бүләкләр тапшырылды.
Табиблар:
Владислав Дитковский, Мария Коженкова, Алексей Никитин, Эвелина Рәхмәтуллина.
Урта медицина персоналы:
Милена Волякова, Эльвина Габитова, Вероника Горелова, Диана Григорьева, Екатерина Гудошникова, Гөлфия Зубрилова, Рината Ишкулова, Анастасия Китанова, Аделина Куликова, Камилә Махиянова, Гөлназ Нормуратова, Анастасия Пестова, Зәринә Рәхимова, Валерия Репина, Игорь Савкин, Агата Селиверстова, Ильвина Слепцова, Алия Хәбибуллина, Алинә Хәлимова, Сельвина Харитонова, Руслана Хәсәнова, Софья Черяшова, Лилия Эрназарова, Эльвина Латыйпова, Карина Мальцева, Камилә Шәмсетдинова, Маркосян Арпине.
Чара барышында медицина ветераннарына аерым игътибар бирелде. Сәхнәгә Зәй үзәк район хастаханәсе ветераннар Советы Рәисе Валентина Боярова, Җәмилә Вәлиәхмәтова һәм Татьяна Селиверстова чакырылган иде, аларның гомуми сәламәтлек саклау стажы 140 елдан артык.
Татьяна Селиверстова яшь хезмәттәшләренә хәер-фатиха сүзе белән мөрәҗәгать итте. Үз тәэсирләре белән остазлар — хирургия бүлеге мөдире Магомед Алиевич Мурзагов һәм баш шәфкать туташы Марина Анатольевна Иванова да уртаклаштылар. Яшь белгечләр исеменнән җавап сүзен табиб-балалар хирургы Алексей Никитин әйтте.
"Азаль" вокаль-хореография ансамбле,"Гламур"шоу-балеты, "Наследие" квартеты һәм "Забава" балалар музыка мәктәбе педагоглары ансамбле бәйрәмгә тагын да ямь өстәде.
Яшь белгечләргә ныклы сәламәтлек, һөнәри үсеш һәм Зәй районы халкы иминлеге хакына игелекле хезмәтләрендә уңышлар теләделәр.