Зәй районында легаль булмаган мәшгульлеккә каршы көрәш комиссиясе утырышы булды
23 сентябрьдә районда легаль булмаган мәшгульлеккә каршы көрәш буенча республика ведомствоара комиссиясе эш төркеменең чираттагы утырышы узды.
Очрашуны район Башкарма комитеты җитәкчесенең икътисадый үсеш, сәнәгать, сәүдә һәм эшмәкәрлеккә ярдәм буенча урынбасары Розалия Сәхәбетдинова үткәрде. Утырыш эшендә эшче төркем әгъзалары: Зәй шәһәр прокуроры ярдәмчесе Л.Ф. Әхмәтҗанова, Зәй районында социаль фонд клиентлар хезмәте белгече Л. Т. Әгъләмова, Зәй муниципаль районы профсоюзлар оешмаларының координация советы рәисе А. П. Алчин катнашты.
Көн тәртибенең төп темасы икътисадый эшчәнлекнең тиешле төре буенча уртача тармак дәрәҗәсеннән түбәнрәк хезмәт хакы түләүгә бәйле рәвештә хәвеф-хәтәр төркеменә кертелгән оешмалар эшчәнлегенә анализ булды. Очрашу барышында предприятиеләр җитәкчеләре һәм шәхси эшмәкәрләр тыңланды. Эш бирүчеләр килеп туган хәлнең сәбәпләрен дәлилләүче аңлатмаларны һәм документларны үз вакытында тапшырдылар.
Утырыш йомгаклары буенча катнашучыларга хезмәт законнары таләпләрен үтәү һәм хуҗалык эшчәнлеген алып бару буенча тәкъдимнәр бирелде. Эшче төркем райондагы вәзгыятьне мониторинглауны һәм эш бирүчеләр белән профилактик очрашулар уздыруны дәвам итәчәк.
Әлеге чараларның максаты-легаль булмаган мәшгульлек очракларын кисәтү, шулай ук эш бирүчеләр һәм хезмәткәрләр белән хезмәт хокуклары мәсьәләләре буенча мәгълүмати-аңлату эше, шул исәптән рәсми булмаган мәшгульлеккә бәйле куркынычлар турында мәгълүмат бирү.