Зәйдә 7 нче мәктәп укучылары өчен "Космос" дип аталган квиз үткәрелде

2 апрель көнне Зәй укучылары космик квизда көч сынаштылар. «Без бергә-Мы вместе» психологик – педагогик ярдәм үзәгендә Космонавтика көненә багышланган мавыктыргыч чара узды. 7 нче мәктәп укучылары «Космос» исемле интеллектуаль квизда катнаштылар. Ярышларга алты команда кушылды. Балаларга Кояш системасының төзелеше һәм җирдән тыш киңлекләрне үзләштерү тарихы турындагы белемнәрен генә түгел, ә шулай ук тапкырлык, җитезлек һәм командада эшли белүләрен дә күрсәтергә кирәк иде. Интеллектуаль уен укучыларга дәрестә алган белемнәрен кызыклы форматта ныгытырга һәм үзләре өчен галәм серләре турында яңа фактлар ачарга мөмкинлек бирде.