Зәйдә 2025 елда башкарылган эшләргә йомгак ясап, киләчәккә планнар билгелиләр

Бүген Зәйгә эш визиты белән Татарстан Республикасы сәнәгать һәм сәүдә министры О.В. Коробченко, Россия Федерациясе Федераль Җыены Дәүләт Думасы депутаты А.Р. Метшин, җиденче чакырылыш Татарстан Республикасы Дәүләт Советы депутатлары Р.Ф. Комаров, Н. М. Атласов, Татарстан Республикасы Хөкүмәте кураторы И. Н. Гущин һәм башка мәртәбәле кунаклар килде. Алар эш визитын шәһәрнең социаль объектларын караудан башладылар. Беренче объект - балалар һәм яшьләр белән эшләүгә юнәлдерелгән "Без бергә - Мы вместе" психологик - педагогик ярдәм үзәге булды. Биредә хәрби хезмәткәрләргә - СВОда катнашучыларга һәм аларның гаиләләренә тиешле ярдәм күрсәтү аерым юнәлеш буларак алып барыла. Җитәкчеләр СВО ветераннары һәм Сугышчан туганлык әгъзалары белән очрашуда катнаштылар. Аннары кунаклар 10 ел элек оештырылган һәм дәүләт-шәхси партнерлыкның уңышлы үрнәге булган Көчәнеш астында эшләү үзәгендә булдылар. Соңгы 4 елда гына да биредә 20 меңнән артык белгеч укыган, цифрлы платформаларда яңа укыту-тренировка полигоннары эшли башлаган. Кунаклар шулай ук Р.Ш. Фәрдиев исемендәге татар гимназиясендә булдылар, "Татэнерго" АҖ филиалы - Зәй ГРЭСында булдылар, анда район эшче көчләренең 10% ы эшли. Әгәр республикада 2025 елда 30 млрд. кВт сәгатьтән артык электр энергиясе җитештерелгән булса, шуның алтыдан бер өлеше Зәй энергетиклары тарафыннан эшләп чыгарылган. "Энергетик" мәдәният йорты фойесында күргәзмә оештырылды, анда кунаклар шәһәрнең бу һәм башка сәнәгать предприятиеләре, районның авыл хуҗалыгы оешмалары казанышлары белән таныша алдылар.