Зәйдә хезмәт коллективлары арасында мини-футбол буенча беренчелек тәмамланды
20 июньдә “Энергия” стадионының спорт мәйданчыгында предприятиеләр, оешмалар, учреждениеләр командалары арасында “Сэламэтлек” спартакиадасы зачетында мини-футбол беренчелеге тәмамланды. Ярышлар сәламәт яшәү рәвешен популярлаштыруга һәм массакүләм спортны үстерүгә юнәлдерелгән «Спорт Россия» милли проектын гамәлгә ашыру кысаларында якты вакыйга булды. Командалар югары дәрәҗәдәге әзерлекне, спорт рухын һәм җиңүгә омтылышны күрсәттеләр. Җанатарлар спорт бәйрәменең кабатланмас атмосферасын тудырып, үз коллективларын хуплап тордылар. Киеренке һәм тамашалы матч нәтиҗәләре буенча урыннар түбәндәгечә бүленде: 1 урын - «Завод Техно» Зәй шәһәре ҖЧҖ филиалы командасы, 2 урын - «Татэнерго» АҖ филиалы Зәй ГРЭСы командасы, 3 урын « Аккурайд Уилз Руссиа» ҖЧҖ командасы, 4 урын физик культура, спорт һәм туризм идарәсе командасы, 5 урын Зәй политехник колледжы командасы. Турнирда җиңгән «Завод Техно" ҖЧҖ филиалы капитаны үз тәэсирләре белән уртаклашты: «Җиңүгә без бик шат! Күнегүләр һәм команда рухы безгә шундый нәтиҗәгә ирешергә ярдәм итте. Барлык көндәшләргә лаеклы уен өчен рәхмәт!».
Чара азагында җиңүчеләрне һәм призерларны бүләкләү тантанасы булды. Ярышлар спортка һәм сәламәт яшәү рәвешенә мәхәббәт белән берләшкән фикердәшләрнең очрашу урынына әверелде. Предприятие һәм учреждение активистларының энтузиазмы ярдәмендә мондый вакыйгалар спорт сөючеләр өчен чын бәйрәмгә әйләнә.