Үзәк китапханәдә «Россия - безнең йортыбыз!» дип аталган патриотик сәгать үтте

Россиянең традицион рухи-әхлакый һәм мәдәни-тарихи кыйммәтләре нигезендә гармонияле, патриотик һәм социаль җаваплы шәхес тәрбияләүгә юнәлдерелгән “Яшьләр һәм балалар” илкүләм проектының “Без бергә” федераль проекты кысаларында,12 июньдә илебез бердәмлекне, күптөрлелекне һәм ирекне символлаштырган Россия көнен билгеләп үтә. Бу мөһим вакыйга, балаларга илнең бай тарихы, мәдәнияте һәм традицияләре турында белергә ярдәм итә. «Яшьләр һәм балалар» милли проектын гамәлгә ашыру кысаларында С. Рафыйков исемендәге Үзәк китапханәдә 4 нче мәктәп яны лагере балалары өчен «Безнең йорт — Россия!» дип аталган патриотик сәгате узды. Балалар Россиянең табигый һәм мәдәни байлыгы, аның символлары — гербы, флагы һәм гимны турында белделәр, төп тарихи вакыйгалар белән таныштылар, шулай ук Россиянең матурлыгын һәм бөеклеген данлаучы шагыйрь һәм язучыларның иҗаты белән таныштылар. Халык гореф-гадәтләренә, буыннар зирәклеген чагылдырган мәкальләргә һәм әйтемнәргә аерым игътибар бирелде. Балалар шигырьләр укыдылар, патриотик җырлар җырладылар, «Монда минем туган ягым, монда мин яшим» викторинасы сорауларына актив җавап бирделәр, иҗади бәйгеләрдә һәм уеннарда катнаштылар. Россия тарихы, мәдәнияте һәм географиясе турында сөйләүче «Русь, Россия, Ватаным минем...» китап-иллюстрацияле күргәзмә белән таныштылар. Патриотик сәгать «Матушка» җыры белән тәмамланды, ул балаларның йөрәкләренә үтеп керде һәм аларның Ватанга мәхәббәтен ныгытты. Бу чара балаларның Россия турында белемнәрен арттырып кына калмады, ә бәлки аларга үз иле өчен горурлык һәм аның киләчәге өчен җаваплылык тоярга ярдәм итте. Патриотик сәгать катнашучыларда зур кызыксыну уятты. Балалар рәхәтләнеп фикер алышуда катнаштылар һәм киләчәктә дә мондый чараларны уздырырга теләк белдерделәр. Бу чара балаларда патриотизм, туган илгә мәхәббәт һәм аның тарихына хөрмәт тәрбияләүгә ярдәм итте.