Зәйлеләр татар халкының милли бәйрәме - Сабантуйны бәйрәм иттеләр

2025 елның 7 июне, шимбә

7 июньдә зәйлеләр киң колач белән «Сабантуй-2025» халык бәйрәмен билгеләп үттеләр. Иртәдән парк территориясендә төрле мәйданчыклар тәкъдим ителде. Бәйрәм кунаклары авыл хуҗалыгы техникасы күргәзмәсе, һөнәрчелек ишегалды, татар, керәшен, рус һәм чуаш хуҗалыкларындагы «Милли тамырлар» мәйданчыгында югарыда аталган халыкларның көнкүреше һәм милли ризыклары белән таныша алдылар. Бәйрәм чарасы Сабантуй тарихына багышланган театральләштерелгән тамаша белән башланып китте.

      Бәйрәм белән район башлыгы Кәримов Разиф Гали улы тәбрикләде, ул үз чыгышында авыл хуҗалыгы һәм башка тармак хезмәткәрләренең икътисадый казанышларын билгеләп үтте.

     Татарстан Республикасы Рәисе исеменнән зәйлеләрне Сабантуй белән Татарстан Республикасы Хөкүмәте кураторы Гущин Иван Николаевич котлады. Шулай ук Татарстан Республикасы Дәүләт Советы депутаты Комаров Рияз Фоат улы да район халкына армый-талмый хезмәт иткәннәре өчен ихлас күңелдән рәхмәтен белдерде.

      Сабантуйның мактаулы кунаклары арасында совет чаңгычысы, СССРның атказанган спорт мастеры, Россиянең атказанган тренеры Зимятов Николай Семенович, чаңгы ярышлары буенча Россиянең атказанган тренеры Голубев Владимир Александрович, спорт мастеры, Россиянең атказанган тренеры Шлыкова Галина Андреевна, чаңгы ярышлары буенча дөнья, Европа, СССР һәм Россия чемпионы Иванов Анатолий Михайлович, чаңгы ярышлары буенча Россия җыелма командаларының әйдәп баручы белгече, менеджеры Богданов Михаил Викторович, күренекле якташларыбыз: филология фәннәре докторы, Казан дәүләт университеты профессоры, академик Миңнегулов Хатыйп Йосыф улы, Татарстан Республикасы Фәннәр Академиясенең математика, механика һәм машина белеме бүлеге сәркатибе Гортышев Юрий Федорович, Татарстан Республикасының атказанган артисты, композитор Максимов Геннадий Григорьевич, Татарстан Республикасының атказанган артисты, Минзәлә драма театры артисты Зарипов Фоат Фәхретдин улы һәм башкалар бар иде.

Төп сәхнәдә район алдынгыларын бүләкләү тантанасы узды.

Халыкны социаль яклау өлкәсендәге казанышлары һәм күпьеллык намуслы хезмәте өчен, Зәй муниципаль районындагы социаль яклау бүлеге консультанты Лодыгина Юлия Олеговнага Татарстан Республикасы Рәисе Рәхмәте белдерелде.

   Агросәнәгать комплексы системасында күпьеллык намуслы хезмәтләре өчен, 4 кешегә Татарстан Республикасы Министрлар Кабинеты Рәхмәте тапшырылды.

     Авыл хуҗалыгы тармагында күпьеллык намуслы хезмәтләре өчен, 2 кеше Татарстан Республикасы Авыл хуҗалыгы һәм азык-төлек министрлыгының Мактау грамотасы белән бүләкләнде.

    Авыл хуҗалыгы тармагында намуслы хезмәтләре өчен, Татарстан Республикасы Авыл хуҗалыгы һәм азык-төлек министрының Рәхмәте 4 кешегә белдерелде.

    Авыл хуҗалыгы тармагында күпьеллык намуслы хезмәтләре өчен, 5 кеше Зәй муниципаль районы башлыгының Мактау грамотасы белән бүләкләнде.

      Иң яхшы бүлекчәләр исеме аталды: 1 урын - «Зәй» агрофирмасының «Аксар» промышленность комплексы, 2 урын - «Восток» агрофирмасының «Нива-Восток» промышленность комплексы, 3 урын - «Зәй шикәре» агрофирмасының «Сәвәләй» промышленность комплексы булды.

     Язгы кыр эшләре йомгаклары буенча Әхунов Мансур Мәгъсүмҗан улының крестьян-фермер хуҗалыгы иң яхшысы дип табылды.

     Дипломнар һәм акчалата сертификатлар белән агросәнәгать комплексының алдынгы бүлекчәләре җитәкчеләре һәм механизаторлары, язгы чәчүдә актив катнашучы КФХ башлыклары, шулай ук спорт чараларында катнашучылар бүләкләнде.

       2025 елның язгы чәчү батыры дип «Зәй шикәре» агрофирмасының «Чыбыклы» җитештерү комплексыннан Биккинин Илгиз Рәмзил улы танылды. Намуслы хезмәте өчен район башлыгы Разиф Кәримов аңа «Лада-Гранта» җиңел автомобиле ачкычы тапшырды. Ул шулай ук традицион тәкә белән бүләкләнде һәм аңа күп тапкырлар "Сабантуй" ның абсолют батыры булган Радик Сәлахов белән бергә Сабантуй әләмен күтәрү хокукы бирелде.

       Зәйлеләр һәм кунаклар алдында Татарстанның халык артисты Виталий Агапов, Татарстанның атказанган артисты Марат Галимов һәм Линара Батталова, татар эстрадасы артисты Ясмин, «Энергетик» мәдәният йортының концерт төркеме чыгыш ясады һәм аларга күңелле бәйрәм мизгелләре бүләк итте.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International